«Haˀaw Buymisemuŋ, ya micifi a mbuŋ ɗik na, ti jiviɗ naŋ kaslsla, ti mevel mezle, yo yi gi di i gwat mucuruw hiri. Ambuh, wulka keŋ takwa!» Dar Ezekiyas a tuwuy tuwuy mangalaw kol kol.
Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.
Naŋ kine, mezle ngi Buy Yesu Kristu miga ndra di na, ki sinaka le: naŋ misi zlili zleˀe na, a tiri misi murga vur kum, ɓa a gukum zlili ti murga naŋ na.
Gam mezle ar wala kum, ndiram ti mevel mezle. Ko wa gar a pula gwat malambaˀ ngi cil naŋ magaŋ di kaɓa Buymisemuŋ mupulukum di ar kum mujom ati Kristu na ya.
Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.
Yeme ɗu, ki sipa gi malambaˀa ta, amma sipi gimezleŋ. Mbur magi mezle na, i mbur ngi Buymisemuŋ. Amma mbur magi malambaˀ na, naŋ anta pura Buymisemuŋ ta.