DIMISEY 135:4 - Bible en langue guiziga

⁴ Asi Bumbulvuŋ a wini di i Zakop, a tiri ti Israyele le, i mi nga naŋ.

DIMISEY 135:4 ပူးပေါင်းရင်းမြစ်များ

DIMISEY 105:6

kum tizer ngi gawla naŋ Abraham, kum ziri ngi Zakopoy, naŋ muwunukum,

DIMISEY 33:12

Sukwi ngi mizli misi Bumbulvuŋ taŋ i Buymisemuŋ na, a mumulom! Mizli Bumbulvuŋ muwuna taŋ ɓa a tiram inga naŋhay na, a mumulom!

EZAYI 41:8

Amma kum Israyel, gawla ɗuwoy, kum ziri ngi Zakopoy, ya muwunukum, kum dideˀ ngi ngama ɗu Abraham,

ZEREMI 51:19

Amma naŋ lum ngi Israyele, yo naŋ migi gwat gara, naŋ ka taŋ na ta. Israyele kwana, i sukwi ngi si ruwuy naŋ, Bumbulvuŋ misi gidaŋ wãˀa, i slimiɗ naŋ!

MALASI 3:17

Ya Bumbulvuŋ misi gidaŋ wãˀa, i ɓi na, mizli tayna, angi hin ya masa ga slra ɗu na, a sa ndiram avu ya, i mizli nga ya ɗuwoy. I sa ga taŋ mezle kaɓa cine maga mezle da mangal naŋ miteŋteŋ.

Slu cuw 10:15

Ti zlezle na, Bumbulvuŋ mujum ati mizli ɓa a wuɗ taŋ na, ati cine kumoy, yo a dirba taŋ kwana, i kum dideˀ taŋhay, a wunukum a wuzla sukwi ngi mizli gar, kaɓa kum mapuraka dana ani na.

Slu cuw 26:18

Naŋ kwana, a ga le ɓa kumo ki ɓam: ki tiram mizli naŋ mihĩˀĩhey le, kaɓa naŋ muɓukum di ɗaˀ le zleˀe tuwa, joˀ ki sipaka ɓimuɗuva naŋhaya gar.

Slu cuw 32:9

Amma a wi vu le ti sukwi Israyele da naŋ. A gwaha dideˀ ngi Zakopoyo le gwah da naŋ ɓa a jigina taŋ.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

PIYER MUDUMBUŊ NAŊ 2:9

Amma kum i sukwi Buymisemuŋ muwunu kum le. Kum i masay madiɗa ngi Buy madiɗa, sukwi ngi Buymisemuŋ, kum i mi nga naŋhay wãˀ. Buymisemuŋ muzulukum tir luvuŋ ɓa ki cam ng'ar li minjahha naŋ, misi ɓi naŋ a ɓi ta na, ɓa ki tilam mi ti ɓi ngi gi gwat madiɗahay, naŋ miga taŋ na.

SAMUYEL MUDUMBUŊ NAŊ 12:22

Buymisemuŋ naŋ anta sa pulukum ta, asi muwuɗ tiri ti kum sukwi naŋ na i naŋ vuna, vurˀe, slimiɗ naŋ mupuɗaw haɗa na, naŋ anta hirya ta.