DIMISEY 127:2 - Bible en langue guiziga

² Kumo kwana, kum maslaam li, kum mahinjam kutum ta, yo kum masipam gwat ngi zum gǝr gǝr gar na, i ngataraŋ. Amma, yeme ngi Buymisemuŋ muro ar li hinje kwana, Buymisemuŋ a vulaŋ gwat gar rak rak ati kumo.

DIMISEY 127:2 ပူးပေါင်းရင်းမြစ်များ

Ɗerewol JOP 11:18

kisa si na gisiŋ, njaha hiri ada, ka masa pura gwat gar ara cuh kuy kuy tuwa na, kisa hinje ti zuy.

DIMISEY 3:5

I ra zila Bumbulvuŋ ˀay ngar ngar, a ziliy mi le baɗ ti muwã naŋ mipal na.

DIMISEY 4:8

Ki vuliy mumul le haɗa a mevele, fineˀ ngi mizli magam sifi ngi alkamari ati ngi yi ngi gudubun.

DIMISEY 60:5

Ki sa bonoy le haɗi da mizli ɗikeye, ki tika ndra ˀay le ti mbaazla mawi vu.

MIKUCUWULOY 10:22

Maga zlili da mburo, i ɗuwula mi ngi Bumbulvuŋ, ko bonoy anta gi gwat neˀ le nga meˀe ta.

TILA MI 1:14

Slrahay magam ar duniya misenna gar na, yi pura taŋ le, amma na, i ngatara lambaˀ, naŋ ka sipi himiɗ ngarataŋ.

TILA MI 4:8

I mbur ani pal naŋ, cil naŋ anta, ko mangal malla sukum naŋ mizile anta. Slra nga naŋ gar na, maakway naŋ anta, yo hiyĩ zlili a mbaŋ ɗaˀ ta. Na, ara ɓi ti kwacay naŋ ngbaŋ: «ya magi slra, yo ya mawuɗ mumul ta na, vur waka?» Nah kwana, i ngatara lambaˀ, yo i gi welele malambaˀa.

TILA MI 5:12

I pur gwat ngi ndurɓo hiri le ar duniya misenna: i zlili, buy naŋ mawi di vu ngi saŋ ti hiryi.

TILA MI 6:7

Slra ngi mbur mira ga gar na, inga mi, ti nah gar na, a kiɗaŋ may ɗaˀ ta na si.

ZEREMI 31:26

Yo ma na, ya mupuɗuko, i pura na, i hinje le kuy.

EZEKIYEL 34:25

I sa ga ɓa i slamˀay kiri ati ginew ɗuwoyo. I sa ziza gwat misãmi miji vu ngi ɓuhoyo gar tisi ruwuyo. Ginew ɗuwoy a sa cifam setette a wuzlaɓuh mikirɗak kirɗaka, a sa hinam a wuzla dum mingiriɗ.