DIMISEY 112:3 - Bible en langue guiziga

³ Mbur nah na, a lum gwat, yo a gi zlili haɗa a hay naŋ, yo gi jeŋŋe naŋ a ndir caˀ kine.

DIMISEY 112:3 ပူးပေါင်းရင်းမြစ်များ

Ɗerewol JOP 5:24

Hay ɗik a sa ndir ti zuy, kisa pura gezleŋ ɗike keɗ keɗ na, ko gwat mikic loŋ anta ra ta.

DIMISEY 111:10

Zli virzi ngi sinmijileŋ, i zluwun ti Bumbulvuŋ. Mizli magaka kanah gar na, i mizli misi ti siney gisiŋ. Mizli a hunumakaŋ ngi caˀ kine.

DIMISEY 111:3

Gwat naŋ miga gar na, a wucuɗ deŋ, yo gi jeŋŋe naŋ, naŋ da caˀa kine.

DIMISEY 112:9

A vul ti gula ti hazum da misi murgahaya, gi jeŋŋe naŋ, naŋ da ndrehhe, a jijih hirnga paɗ a muŋ.

DIMISEY 34:10

Kum mizli ngi Bumbulvuŋhay na, zluwunam di, asi gwat mafucuka mizli mazluwunam di anta.

DIMISEY 34:11

Moboroy kwana, may gwat ada avu taŋ, yo may a ja taŋ, amma mizli masipaka Bumbulvuŋ na, gwat mafucuka taŋ anta.

MIKUCUWULOY 15:6

Mbur mijeŋŋe na, hay naŋ i zlili, amma lum ngi mbur misi moˀore, i mendere.

MIKUCUWULOY 21:20

A hay mbur misi sinmijileŋ, zlili mupuɗaw ati lum ada, amma mbur gilawa, a kiɗa mi taŋ pay.

MIKUCUWULOY 3:16

A jina mburo ɓa a ndir hutuŋ subur, yo a gaŋ zlili, a gaŋ ɗongor.

EZAYI 32:17

Migir ngi ɓi mijeŋŋe, i cifi zuy zuy: ɓi mijeŋŋe a sa bo ti cifi misetete waɗ li pula vu.

EZAYI 33:6

Kum mizli ngi Buymisemuŋhoy, kisa cifam setette. Sinmijileŋ ati si na Buymisemuŋ, i kum milaham wãˀ na. Yo zluwun ti Bumbulvuŋ, zlili kum i nah.

EZAYI 51:8

Asi tuˀuf a sa zuma taŋ kaɓa zana, mumuyuŋ a sa zuma taŋ kaɓa gugumay mislirkeɗ. Amma gi jeŋŋe ɗu a sa ndir ngi set, gi bugawla ɗu a sa ndir vur dideˀ vur dideˀ.

Matiye 6:33

Zuwen kam slimiɗ ar Zumabuy ngi muŋ ati gwat mijeŋŋe Buymisemuŋ mawuɗo ɗagay. Gwat tayna gar, Buymisemuŋ a sa pukum di ameˀe ma.

KORENTIHEY MUCUW NAŊ 6:10

A gam ndra gwat ngi ndurɓo hiri, amma ndr'i ra mumulom na si. Ka ndr'i misi murgahay, dambalaka i ra gam zlili da mizli haɗi ngbaŋ. Kaɓa ndr'anta ti gwat neˀ le ta, dambalaka gwat gar ada avu ndra.