Ɗerewol OZE 7:2 - Bible en langue guiziga

² Gwat malambaˀ taŋ magaka na, ya Buymisemuŋ i ra si nah na, ko mbur loŋ maɓi kanah ti kwacay naŋ anta. Wurenna gwat ngi gi taŋ a sirta taŋ le, t'ani a mihiri ɗu ani.

Ɗerewol OZE 7:2 ပူးပေါင်းရင်းမြစ်များ

Ɗerewol JOP 34:21

Asi Buymisemuŋ, a ro hiri taˀ avu gwat ngi gi ngi mburo, ara singila ɗuva sar naŋ mitaˀ taˀ na gar.

DIMISEY 25:7

Mungra ɗu ati malambaˀ ɗu, ya mugo taŋ ti zuŋ na, ki wuluk ar taŋ mata, wuluk ar ya ti gi teŋteŋ ɗik na, asi ka Bumbulvuŋ, ki migi mezleŋ.

DIMISEY 50:22

- Kum mizli mapuyukom hirnga ti Buymisemuŋ, slaka wala ngi ɓi ya maɓa na! Da kine ta na, i puwukum meɗ meɗe, ko mbur masa tuɓukum gu anta.

DIMISEY 9:16

Mizli ngi si ruwuyoy gar a ndilam le ng'ar vigiɗ, taŋ milaka ti haŋ taŋ, a caka sara le ng'ar zuva, taŋ ming'aka ɗum zleˀe.

DIMISEY 90:8

Ki bo ti malambaˀ ndraˀahaya le cikislaɓ ar li babara a mbuŋ ɗike, ɓi miyaŋŋa ndraˀahaya, t'ani ngbay a mihiri ɗike.

EZAYI 1:3

Ko sla kwana, a si na buy naŋ, yo zungu, a si na li zum naŋ nga hay buy naŋ le, amma Israyeley a sinam gwat ta. Mizli ɗuwoy anta slaka wala ngi ɓi ta.»

EZAYI 26:16

Bumbulvuŋ, da ndra ar bonoy na, i zilukuw ɓa ki kilo widi ndra. Da ki ra kuta ndra ti bonoy na, i mbuɗam mevel, i diram dibiɗi.

EZAYI 44:19

Ko mbur loŋ mawuluk a mevele anta, mbur misi lesl malla misli wala ngi ɓi, ɓa a ɓi: «Dumo cah, i ɗiy di vu le, zayvu naŋ, i di di ɗaf le, i tus di useˀ le, i ra humbuɗa. Yo is ngi dumo, i sa ciɗ di kuli, i sa huruk huruk a mbuŋ misliŋvu ngatara mbrike?» na, ko anta loŋ ta.

EZAYI 5:12

A wam tulus ar li kiɗa garaya ati gangaŋ waɗ ar li fi bozloro. Amma gwat Bumbulvuŋ maga na, anta jaka a hirnga ta, yo gwat naŋ maga ti haŋ naŋ na, anta puraka ɗeŋ ɗeŋ ta.

ZEREMI 14:10

Bumbulvuŋ a ɓa mizli tayna tuwa na: «Kanah, a wuɗam nga taŋ i liˀi, hirnga kaˀ lambaˀa, t'anta deŋ ar li purla ta.» Vurˀe, gwat ngi gi taŋ anta cira hiri da Bumbulvuŋ ta, malambaˀ taŋ a ro keŋŋe a hirnga naŋ, a kuta taŋ kuti ngi bonoy asi malambaˀ taŋ na.

ZEREMI 16:17

Hiri ɗu a ro taˀ ar gwat ngi gi taŋ, ko gwat macuh manja i pura na, anta. Gi malambaˀ taŋ anta ɗum avu hiri ɗu gu ta.

ZEREMI 17:1

Malambaˀ ngi mizli Zudahaya i mutoho le gor gor ti milngama, i mutoho le nguɗ nguɗ ti ɗugur mupuɗaw gingiliw gingiliw, miyeŋ yeŋ. I mutoho le nguɗ nguɗ a mevel taŋ, waɗ avu gwat muyoŋ yoŋ kaɓa durumoy misi avu li gi mikuli taŋhaya.

ZEREMI 2:19

Anja a kutukum ti bonoy vur malambaˀ kum tehhe a muŋ! Sinaka sin le, saka bonoy kumo, yo naŋ ɗalak avu kum hã ar kiɗa mi naŋ, asi kum mupulaka sipi jiviɗ kum na, a mbuɗukum hirnga a muŋ! Asi kum mupulaka Bumbulvuŋ Buymisemuŋ kumo fuk, yo kum majijikam a mbuŋ ɗu ko neˀ mata na. I ya Bumbulvuŋ Buymisemuŋ misi gidaŋ wãˀ maɓi.

ZEREMI 32:19

Ki mukuti vu mupuɗaw wãˀ, migidaŋ ngi gi gwata, ki ro hiri taˀ ar gwat ngi gi ngi mbur gar, yo ki gi ti mburo gar weˀe avu kpak naŋ, weˀe avu gwat ngi gi naŋ.

ZEREMI 4:18

Musuw ti ɓi hana gar na, i joˀ ɗik ati gwat ngi gi ɗik na. I migir ngi moˀore ɗik na, Naŋ ɗalak avu ka gisiŋ! A cuw sesẽŋ a mevel!

ZEREMI 44:21

«Kum vuna, cine kumoy, buy kumoy, mizli madiɗa kum ngi slrahay waɗ mizli misi zlili kumoyo, gwat ngi migamay kum muwuraka taŋ ar walahay Zudahay waɗ a jiviɗ madiɗa ngi Zeruzalemey na, Bumbulvuŋ mamukum hiri naŋ a muŋ, yo muso keŋ a hirnga naŋ na, i nah takwa?

EZEKIYEL 21:29

Vurˀe, ya Bumbulvuŋ, Buymisemuŋ i ɓi na: ‹Ani mungra madiɗa kum magaka na, ki ra gaka ɓa a puyukiy hirnga ta, asi ki ra bigaka slikiɗa ɓi kumo njoy wãˀ, yo mungra kumoy ara puram ɓaˀ ɓaˀ ar li babara ar gwat ngi gi kumoy gar. Yo asi ɓi kum mapuyukiy hirnga ta tuwa na, a sa jukum tap tap ti haŋ.

Ɗerewol OZE 12:2

Efrayim a mbi le ti himiɗi, a roko hiipas ar li kil asi himiɗ ngi si pas ngi mipriki, ara gam slir, yo ara gam moˀore haɗa haɗa. A ra jumom ˀay ati Asirihey, a vulaka mala da Eziptehey.

Ɗerewol OZE 4:9

Gwat masa gi avu mizli ati masayaya, i misi purla. I sa cufuɗa taŋ, ɓa a slufaka gwat ngi gi taŋ, i sa wurka taŋ weˀe avu gwat ngi gi taŋ.

Ɗerewol OZE 6:2

Ar kiɗa mi ngi hin cuw na, a sa vula ndra siifa, ar hin mimakir naŋ na, a saslikiɗa ndra deŋ deŋ a muŋ, yo i sa vula ndra siifa a muŋ.

Ɗerewol OZE 8:13

Ar deɗe ngi mikuli na, a gaka ti useˀ, a zumakaŋ, amma anta cira hiri da Bumbulvuŋ ta. Wurenna i ra wuluk keŋ ar malambaˀ taŋhaya. ara slufa mungra taŋhaya. Sey a mam nga Ezipte a muŋ.

Ɗerewol OZE 9:15

Bumbulvuŋ a ɓi: «A Gilgala, moˀore taŋ na, a bugo vu le wãˀ a diga: Ya migi mesene ti taŋ na, a diga, yi sa ɓula taŋ ti hay ɗu avra, asi taŋ magaka gwata ti moˀore na. Y'anta sa wuɗ taŋ mata, asi buy taŋhay gar i mislikiɗa ɓihey.

Ɗerewol OZE 9:9

Efrayimey, ki roko giw ti didak ar gwat malambaˀ, kaɓa ar hin ngi Gibeya. Buymisemuŋ a sa wuluk keŋ ar malambaˀ taŋ madiɗa na, a sa slufa taŋ ɓi ngi mungra taŋhaya.

AMOS 8:7

Bumbulvuŋ a hudum, asi huhumo vu ngi mizli ngi Zakopoyo, a ɓi: «Y'anta puyuk hirnga ti gwat ngi gi taŋ na ta ndiɗaˀ.

ZONAS 1:2

«Aru kutum nga Niniv, walahay madiɗaŋ. Ki sa buca mizli ngi digahaya, asi moˀore taŋ na, a mbiy kwacay le muduba.»

SLUFA VU 32:23

Amma sinaka sin le, da ki gaka kanah ta na, naɓa ki gam mungra le a mbuŋ Bumbulvuŋ, joˀ zayɓi naŋ a sa mbiɗi nga hirnga kum.

Ɓimezle ngi Yesu Kristu LUK mitil di mi 12:2

Gwat muɗum masa njik ta na anta. Gwat miyaŋŋa masasinta na anta.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

Slu cuw 32:29

Da sinmijileŋ ada zleˀe neˀ avu taŋ na, ɓi hana vuna ara kiɗ mi a maka na, anja a slaka wala nah gu zleˀe.

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.