Ɗerewol OZE 2:3 - Bible en langue guiziga

³ Ɓaka sukum kum mizileheye na: «Mizli ɗuwoy», yo sukum kum mongosohoyo ɓaka taŋ: «mawuɗam taŋ haɗa».

Ɗerewol OZE 2:3 ပူးပေါင်းရင်းမြစ်များ

BI NGI ISRAYELEY 17:3

Yam ara ga mizli ti gidaŋ, ara dirɗaka Moyise na si, a ɓam na: «Ki bo ti ndra ti hirwuy Ezipte ngi mike? Ɓa madalyam a kiɗa ndra ati ziri ndrahay waɗ ginew ndraˀahaya sukwa?»

EZAYI 33:9

Hirwuy ara tuwuy vagay, ara zizi. Muwã Libaŋ, a ro ti mesem, widis ngi raˀahay ara guvoˀom. Li micay ngi Saroŋ naŋ kaɓa li papala, Basaŋ ati Karmele, widisey anta mata.

EZAYI 47:3

Kanah na, mizli a sa purukuw, ka gulndiŋ kine, a sa puraka gwat mapuw meseme. I sa pula cuwala, ko mbur masa tikiy gu anta.»

EZAYI 64:10

Hay ndra mipal, mimezle, cine ndrahay mazlukuw dimis ngi hunum ɗik ara tuwa, vu a wura le. Yo li ndra mawuɗam haɗa tuwa, a tiri diŋ le.

ZEREMI 12:10

Mijiginey hiɗim hiɗim, a guzuvuraka guva ngi gudubun ɗu le, a kurpaka guva le kirap kirap. Guva ɗu mimezle tuwa, a tiram di wuzlaɓuh mikirɗak kirɗak cay.

ZEREMI 13:22

Ki sa ɓi ti kwacay ɗike: «A gi kanah avu ya vur mike?» Taŋ makursukuw mi ngi rop ɗike nga muŋ, yo taŋ magukuw moˀore na, asi gi malambaˀ ɗik mukuyta wãˀ na.

ZEREMI 13:26

Yo mbak ɗagay so, i wuɗ i kursuw rop ɗike, hã a midibiɗi, joˀ mizli a sa purukuw gulndiŋ.

ZEREMI 14:3

Mizli micawwahaya, a tikaka ˀay da mizli mizleweye nga nuwa taŋ yam. Ndol a mi futuŋ a diga na, ko yam tes anta, a mam ti gwat ngi nuwa yamaya njoŋ njoŋ kine, a sinaka ɓa a gam kini ta, tilingir tilingir ti mesem, hirnga jik jik a ruwuy.

ZEREMI 17:6

A bam vu ati widis ngi ɓuh, hin ngi wuya anta ndilo ava ta: a sa ndir ar li muwura le a wuzlaɓuh mikirɗak kirɗak, li melemeɗ, misi hay anta a diga ta.

ZEREMI 2:31

Kum mizli migwenehey, cinaka mingiɓi ngi Bumbulvuŋ! Ani yi tiri le avu Israyele, yi wuzlaɓuh mikirɗak kirɗak sukwa? Malla yi hirwuy misi luvuŋ timbiɗim avu taŋ sukwa? Na mizli ɗuwoy a ɓam: «I ram ng'ar li ndra muwuɗam le, ko i moko ng'avi ka mata na, vur mike?

ZEREMI 2:6

A ɓam: «Bumbulvuŋ mubo ti ndra ti Ezipte na, mibiga ndra jiviɗ a wuzlaɓuh mikirɗak kirɗak, ar ɓuh, yo ar li misi hurjijiŋhey ara, ar hirwuy ngi kwalay, mamuɗ didak, hirwuy misi ko mbur macuh ti ra malla macifi ara anta» na, ɓa a ɓam misi naŋ amaka na, ko a ɓam ɗaˀ ta.

ZEREMI 22:6

Naŋ kanah, Bumbulvuŋ a ɓi vur hay ngi buy Zuda na: Ko da ka avu yakaɓa walahay Galaˀat, mallakaɓa mesengel ngi muwã Libaŋ tekeɗe kwana, ko y'anta mur ta, i tiri ti ka wuzlaɓuh mikirɗak kirɗak na si, i tiri ti ka walahay manja mizli anga.

ZEREMI 4:26

Keɗ keɗ na, hirwuy misi widis ngi zumoy zleˀe kiŋ na, a tiri wuzlaɓuh le mikirɗak kirɗak, Bumbulvuŋ, ti ji mevele matiɓi ka vu na, a wura walahay madiɗahaya le ceke.

ZEREMI 51:43

Walahay naŋhay a tiram li le daŋ daŋ, hirwuy ngi kwalay misi giziŋ hiykom, walahay misi mbur a cifi anga mata, yo ko mbur macuh ti raˀa anta.

ZEREMI 51:5

Asi hirwuy taŋ a gi malambaˀ le da mipal ngi Israyele. Amma Israyel ati Zuda, Buymisemuŋ taŋ, Bumbulvuŋ misi gidaŋ wãˀa, a pula taŋ ta.

EZEKIYEL 16:22

Ar gi gwat ɗik mukuy tahay wãˀ ati gi sulome ɗik na, ko ki wulka hin ngi diili ɗik na keŋ ta. Ka zleˀe migulndiŋ kine, manja zana, ki kiɗ vu ɓaˀ ar pumbus ɗike.

EZEKIYEL 19:13

Ani wurenna, a hirvakaŋ le a wuzlaɓuh mikirɗak kirɗak, angi hirwuy mingbazlaŋ ngbazlaŋ, yam anta.

Ɗerewol OZE 13:15

Ko Efrayim a sik le a wuzla sukum naŋhaya tekeɗe kwana, himiɗ ngi si pas ngi miprik a sa sawa, i himiɗ ngi Bumbulvuŋ masa so ti wuzlaɓuh mikirɗak kirɗaka: joˀ miviɗiviɗi ngi yam a sa hisik, vigiɗ ngi yam a sa muˀul, a sa tiɓaka zlili naŋ, gwat mupuɗaw puɗaw naŋhaya gar.

Ɗerewol OZE 2:10

Alkamari ati mbaazla si, waɗ mal muɗuco wureˀe, mavulaŋ taŋ i ya na, a sla wala naŋ ta. I vulaŋ ɓiri bara ati ɓiri tapasl tapasla le haɗa, a gam taŋ slra da kuli Baˀal.

ƁIMUNJUYO 17:16

Durumoy mukuruˀ ka mupura taŋ, waɗ gwat misããmi na, a sa hirsaka ngwas sulome, a sa pulakaŋ ɗoɗok pal naŋ, gulndiŋ kine. A sa zumaka ˀuse naŋ, yo a sa wuraka angi vu.

MIGI KIITAHAY 15:18

Yam a wuɗ a kiɗa Samsoŋ. A zila Bumbulvuŋ, a ɓaŋ: «Muvula bugawla madiɗa hana da gawla ɗik i ka. Na wurenna mbak i muc ti madalyam, ɓa i ci ng'asi haŋ ngi mizli manja ci mizaw tayna sukwa?»