Ɗerewol OZE 1:4 - Bible en langue guiziga

⁴ Dar Bumbulvuŋ a ɓa Oze: «Mangal ɗik na, caŋ slimiɗe Zizreyel, asi hin neˀ ng'aka, pumbus ngi mizli Zizreyel na, i sa cufuɗa ɓi naŋ avu dideˀ ngi Zehuhoy, yo zumabuy ngi Israyele, i sa kiɗa tay wãˀ avra.

Ɗerewol OZE 1:4 ပူးပေါင်းရင်းမြစ်များ

BUYOY MUCUW NAŊ 10:1

Zir mizile ngi buy Akapay ada kukur tarnaˀ a Samari. Zehu a tuh letir toh toh, a slin di da mizli micawwa ati buy ngi Zisreyeleye, yo da mizli masirkaka ziri ngi Akapaya, a ɓa taŋ:

BUYOY MUCUW NAŊ 10:17

Zehu mindil a Samari na, mizli ngi hay Akapay mindiram ti siifa ar walahaya gar na, Zehu a kiɗa taŋ cek vagay vagay. A ngizla taŋ leɗeɗ gar kaɓa Buymisemuŋ miɓa zleˀe da mijiviɗ naŋ Eli.

BUYOY MUCUW NAŊ 15:29

Ti hin ngi zumabuy ngi Peka, buy Israyele na, Teglat-Falasar, buy Asiri, a so zuma walahay Yoŋ, Abel-Bet-Maˀaka, Yanowa, Kedes ati Hasor, yo Galaˀat, Galile ati hirwuy Neftali gar. A jaka mizli ngi si ruwuy hanayna nga Asiri.

BUYOY MUCUW NAŊ 15:8

Zakari, mangal ngi Zeroboˀam, micifi buy madiɗa Israyel na, naɓa Azariya, buy Zuda a ɓul di i vi mizli ngir makir nga dangafaɗ naŋ angi zuma buyo. Zakari a zum buyo vi merkeɗe a Samari.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

EZAYI 8:3

Mijiviɗ ngwasa, i gi di ngwas. A gi hur, a yi mangal mizile. Bumbulvuŋ a ɓiy: «Caŋ slimiɗe ‹Kutum, ara tuɓoko gwat ngi lum ar vurumo, wusam vu, ara voko gwat ngi mesene kumoyo!›

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

ZEREMI 20:3

Put ngi miprik naŋ na, Pasehur a so ɓa a puska Zeremi mujuwa avu ɓamtal tuwa, Zeremi a ɓaŋ na: «Bumbulvuŋ anta ziluw Pasehur mata, amma a sa ziluw ‹Zluwun ɓaˀ li.›

ZEREMI 23:2

Yo mbak ɗagay so, ya Bumbulvuŋ, Buymisemuŋ ngi Israyele, i ra ɓi ani vur mijigina mizli ɗuwoyo: «Mupulaka ginew ɗuwoy mbak, ki zliɗaka hirnga taŋ mber mber, ko ki kam slimiɗ ar taŋ ta na, i kum takwa! Na, ya i wuɗ i ki slimiɗ ar kum, i sa kutukum kuti ngi bonoy, asi gwat ngi gi kum malambaˀ na. I ya Bumbulvuŋ maɓi.

ZEREMI 3:8

Israyel mapula sipi jiviɗ na, yi ɓulaŋ le asi gi madama naŋ na, yo i vulaŋ ɗerewol ngi ɓul naŋ le. Amma sukum naŋ mongoso Zuda miteŋteŋ ta na, a pura le ngbaŋ, ti nah gar na, ko zluwun a gaŋ neˀ le ta, a zla a gi sulome ya.

EZEKIYEL 23:10

Joˀ taŋ a pulakaŋ virzi ti mi, a hilaka ziri naŋ mizile ati mongosohoyo, a kiɗakaŋ ti maslalam. Ɓi migi ava gar na, ɓa ngwasay a purakaŋ. Mizli a gakaŋ kiita, a jaŋ le.

EZEKIYEL 23:31

Ki zuɓ di i jiviɗ ngi sukum ɗik mongoso tuwa. Yawwa! Bonoy naŋ misa na, kisa si di i naŋ ya.

Ɗerewol OZE 1:6

Gomer tuwa a gi hur ma, a yi zuŋ mongoso. Joˀ Bumbulvuŋ a ɓa Oze: «Ki sa zila Lo-Ruhama mbiɗe avra: ‹Mapurakaŋ ircece ta› asi y'anta sa pura ircece da Israyeleye mata, i sa pula pura taŋ ircece wãˀa.

Ɗerewol OZE 1:9

Bumbulvuŋ a ɓaŋ na: «Caŋ slimiɗe Lo-Ami, mbiɗe avra: ‹Mizli ɗuwoy ta›, asi kum i mizli ɗuwoy ta, yo ya kwana, yi zliram neˀ le ati kumo ta.»

Ɗerewol OZE 2:13

Cira hiri naŋ gar, muguzlum naŋhay, ngi kiyakaˀ ati sabat naŋhay, waɗ kus naŋhay ngi wuzla mizli, yi sa ga ɓa a kiɗam mi.

Ɗerewol OZE 2:22

I sa gi ti ka mangasl da ya ti gi teŋteŋ, joˀ kisa si na Bumbulvuŋ.

Ɗerewol OZE 9:17

Buymisemuŋ ɗu, a sa ɓula taŋ avra, asi a cinakaŋ mi ta, a sa laˀam lambaˀ a wuzla sukwi ngi mizli.

AMOS 9:8

Ani Bumbulvuŋ, Buymisemuŋ ɗu, a ro hiri taˀ ar zumabuy ngi Israyel muzluɓ ɓi. A ɓi: I wuɗ i ngizlakap wãˀ asi ruwuyo. Amma, y'anta ngizla hay ngi Zakopo kap wãˀ ta ɓula. I ya Bumbulvuŋ maɓi.

Matiye 1:21

A sa yi mangal mizile, kisa zila Yesu, asi i naŋ masa laha mizli naŋhay avu mungra taŋhaya.»

Ɓimezle ngi Yesu Kristu LUK mitil di mi 1:13

Amma modro tuwa a ɓaŋ: «Ki zluwun ta, Zakari, asi Buymisemuŋ a tiɓa dira dibiɗ ɗike le. Ngwas ɗik Elizabete, a sa yuw mangal mizile, kisa caŋ slimiɗe Zaŋ.

Ɓimezle ngi Yesu Kristu LUK mitil di mi 1:31

Ani, kisa gi hur, kisa yi mangal mizile, kisa caŋ slimiɗe Yesu.

Ɓimezle ngi Yesu Kristu LUK mitil di mi 1:63

Zakari a cufuɗ dum misliprakka, a toho anga: «Slimiɗ naŋ Zaŋ.» Ɓi nah a zuma taŋ hirnga le gar.

Ɓimezle ngi Yesu Kristu ZAŊ mitil di mi 1:42

Andre tuwa aru ti Simoŋ ng'avi Yesu. Yesu a ɗuva hiri taˀ angaŋ, a ɓi: «Ki Simoŋ, mangal ngi Zaŋ. A sa zulukuw Kefas.» A mbiɗivra: «mandazlay muwã.»

ZOZUWE 19:18

Maakway ngi hirwuy taŋ a bi kini ngir ti Zisreyel, Kesulot, Sunem,