DANIYEL 9:5 - Bible en langue guiziga

⁵ I gam mungra le, i gam gwat malambaˀ le. I gam moˀore le, i slikiɗam ɓi le, yo i mbuɗam duba le avu ɓimuɗuva ati ɓi miɗaˀ le ɗikeye.

DANIYEL 9:5 ပူးပေါင်းရင်းမြစ်များ

BUYOY MUCUW NAŊ 18:12

Ɓi nah migi kanah na, asi Israyeley a cinaka mi ngi Bumbulvuŋ Buymisemuŋ, taŋ na ta, yo asi taŋ mingilaka ɓi naŋ mujum di ˀay ati taŋ na ma. Moyis, gawla ngi Buymisemuŋ, ɓi naŋ muvula taŋ di gar na, ko a cinaka ta, yo a gam di slra ta.

BUYOY MUCUW NAŊ 21:15

Asi mike na, zle ti dideˀ taŋhay muboko put ti Ezipte, hã a ndilo dana na, a gam di i gwat malambaˀ a mihiri ɗu, yo a pulaka gi gwat ngi slikiɗiy mevele mbak le ta si»

ESDRAS 9:6

i ɓaŋ na: «Buymisemuŋ ɗu, lesl ɗu a mbiɗi le, mesem ara giy haɗi ngi ɗuva hiri ng'avi ka Buymisemuŋ ɗu, asi malambaˀ ndra a ji le haɗa dum hirnga ndra, yo mungra ndra, naŋ jirngasl jirngasl haɗa, sesẽŋ a muŋ.

DIMISEY 106:6

I gam mungra le kaɓa dideˀ ndrahay na ya, i ngizlam le avu jiviɗ ɗike, i zluɓaka le.

DIMISEY 119:102

Ɓi ka mujuwa a mevel ɗik gar na, yi mbiɗi duba avaˀa ta, asi mudubuniy di i kaha.

DIMISEY 119:176

I ra liˀi kiŋkiŋ lambaˀ kaɓa tumuŋ miziza le, aru ti supo ya, ya gawla ɗike, asi i puyuk hirnga ti ɓimuɗuva ɗikeye ta.

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

EZAYI 59:13

Bumbulvuŋ, i cunukuw mi ta, i jam ti ka mi le, i ngumam ɓa i supukuw ka Buymisemuŋ ndra ta. Misi a mevel ndra i ɓi ngi guzuvura vu ati ngi slikiɗa ɓi tewle, ɓi ngi tikina vu kilaw kilaw, kaw a hirnga ndra.

EZAYI 64:4

Mizli mamulom ti gi gwat mijeŋŋe, yo mizli mawulkam sipa jiviɗ ɗik na, ki ra ru nga ji taŋ hirnga. Ani ki ji mevel le, asi i ngizlam le baˀ avu jiviɗ ɗike, dambalaka ndra masa laham na, ar jiviɗ ndra mibaˀam ava vuna.

ZEREMI 14:20

Bumbulvuŋ ɗu, i sinaka mungra ndra madiɗa le, yo i sinaka malambaˀ ngi dideˀ ndraˀahaya le, gisiŋ, i zluɓam ɓi le avu ka.

ZEREMI 14:7

Aw Bumbulvuŋ ɗu, da mungra ndrahay ara mbiɗam ndra hirnga tehhe a muŋ na, gi gwat neˀ ɓa ngi ɗuva hirnga da slimiɗ ɗike! Naŋ kanah ɓula, i ra jam mi ndrehhe: i sinukuw ta, i sinukuw ta, i zluɓam ɓi le avu ka.

ZEREMI 3:25

Hunukum tup ar mesem ndra, anja mi ndra a ruwuy na, a sirta ndra ngbulum wãˀ! Haˀaw i zluɓam ɓi le avu Bumbulvuŋ Buymisemuŋ ndra gisiŋ, ndra ati cine ndraˀahaya, zle ti ndra misi ti zuŋ, hã dana, i cinaka mi da Bumbulvuŋ, Buymisemuŋ ndr

ZEREMI 30:14

Mangasl ɗikey gar, a puyukom ti ka hirnga le, t'anta lukukuw mata. I kuɗuw le kaɓa makiɗam mesene, i kutuw kuti ngi bonoy le haɗi, vur mungra ɗik madiɗahay mihaɗi, waɗ vur malambaˀ ɗik makiɗ mi pas le ta na.

ZEREMI 44:3

A gi kanah, asi malambaˀ taŋ migakaŋ. A gikiy gwat ngi ji mevel ti taŋ mawuram gwat ngi migamay, taŋ mahuruk hurukam a mbuŋ kulihey misi a jinaka taŋ ɗaˀ vuna ta, a jinukum kum malla ko dideˀ kumoy vuna ɗaˀ ta ma.

TUWUY 1:18

«Bumbulvuŋ naŋ jeŋŋe, a ga kanah, asi naŋ miɓi ɗaˀ na, yi cinaŋ mi ta. Kum mizli gar, cinam so, puraka bonoy ya masa na. Ziri diili ati ziri gawla ɗuwoyo, a jaka taŋ le nga hirwuy mulak.

TUWUY 1:20

Aw Bumbulvuŋ ɗu, pura ɗi, nga ya, i si na bonoy tewle, kwacay ɗu ara mbiɗi di kucoˀosl kucoˀosl, didak ara muɗiy a hur ɗo, asi cin mi na, i cin ta gwaɗ naŋ. Tivra, maslalam ara zuma dideˀ ɗuwoyo, a hur haya, i puraka kaɓa ndra a wuzla mumucahay.

TUWUY 3:42

Ndra, ndr'i slikiɗam ɓi le, i cinam mi ta, na ka Buymisemuŋ, ki pula mungra ndra ta mbrike!

EZEKIYEL 5:6

Amma ɓi ya mujuwa taŋ a mevel ɗu na, Zeruzalem a slikiɗ ɓi vurˀe, fineˀ sukwi mekelemeye, yo ɓimujuwa ɗuwoyo, a slikiɗ ɓi vurˀe fineˀ hirwuy mugun hirnga naŋhay vuna jak ma. Asi ɓi ya mujuwa taŋ a mevele, a zliɗaka taŋ le avra, a sipaka jiviɗe kaɓa ɓimujuwa ɗu mawuɗo ta.

EZEKIYEL 6:9

Mizli kumoy milaha tayna, ar taŋ misi a wuzla sukwi mijaka taŋ nga ruwuy mulak tuwa na, a sa wulkam keŋ ar ya. Mevel taŋ magi sulome, mimbiɗi hirnga avu ya, waɗ pura hiri taŋ magi sulome ati kulihey na, i sa hirya taŋ. Gwat mahiryi vu ati gi gwat taŋ mukuyta wãˀ tuwa na, a sa puraka vu taŋ kuyta wãˀ vurˀe.

DANIYEL 9:11

Israyeley gar a ngilaka ɓimujuwa ɗike, yo a mbiɗam duba manja a cunukuw mi. Vurˀe nis ati hazi mutoho ar ɓimujuwa ngi gawla ɗik Moyis na, a mbiɗam le nga hirnga ndra, asi i zluɓam ɓi le avu ka.

DANIYEL 9:15

Na wurenna, Bumbulvuŋ Buymisemuŋ ndra, ka mubo ti sukwi ɗik ti ruwuy Ezipte ti gidaŋ ɗik na, slimiɗ ɗik a zil le ti di nah, kaɓa naŋ mazil dana ani na, amma ndr'i gam mungra le, i ziriɗaka mi ɗike le.

DANIYEL 9:9

Amma Bumbulvuŋ Buymisemuŋ ndra, i slikiɗam ɓi le avu ka, pura ndra ircece, pula mungra ndraˀahaya.

Ɗerewol OZE 1:2

Mingiɓi ngi Bumbulvuŋ miɓa ti balam Oze na, zli virzi naŋ n'ani. Bumbulvuŋ a ɓa Oze na: «Aru, zuɓ ngi ngwasa, i ngwas magi sulome vur Buymisemuŋ. Ziri kum masa ya ka taŋ ati naŋ na, i ziri ngi ngwas sulomehey, asi mike na, hirwuy taˀ gar a mbiɗa duba le da Bumbulvuŋ, ara gam sulome lambaˀ.»

MALASI 3:7

Zle avu dideˀ kumoy na, kumo ki baˀam le avu ɓi ɗu, ya muɓukum di ɗaˀ le na, yo kum anta jaka a hirnga ta. Moko ng'avi ya, ɓa ya i sa mo ng'avu kum aya. I ya Bumbulvuŋ misi gidaŋ wãˀ maɓi. Na ki ɓam jak ma na: «I sa moko vuna mbri mbrike!» kini ma.

HEBEREY 3:12

Vurˀe, sukum ɗuwoy, jam lesl, anja mbur a wuzla kum a ndir ti mevel malambaˀ ta, yo anja a ndir hirnga gidaŋ, ɓa a gwahakaŋ avu Buymisemuŋ misi ti siifa na ta.