DANIYEL 9:4 - Bible en langue guiziga

⁴ I ra dir dibiɗ da Bumbulvuŋ Buymisemuŋ ɗu, i njikaŋ mungra ɗuwoyo, i ɓaŋ: «Aw Bumbulvuŋ ɗu! Ka ki Buymisemuŋ madiɗaŋ, yo magi zluwun da mbur. Mizli mawuɗam ɓimuɗuva ɗikey, yo majaka taŋ a hirnga na, ki ndir ti jumoˀay waɗ ka teŋteŋ avu taŋ.

DANIYEL 9:4 ပူးပေါင်းရင်းမြစ်များ

BUYOY MUDUMBUŊ NAŊ 8:23

Joˀ a ɓi: «Bumbulvuŋ, Buymisemuŋ ngi Israyeley, Bumbulvuŋ misi kaɓa ka, ko ar birngiŋ a muŋ anta, ko a ruwuy aka anta ma. Gawla ɗikeye, da t'ada ram kuy kuti mevel purla a mbuŋ ɗike na, jumoˀay ɗik ati taŋ, K'anta ngila ɓi nah ta, yo ki ndir teŋteŋ avu taŋ.

ƁI NGI HINEY MUCUW NAŊ 7:14

yo da mizli ɗuwoy ya muvula taŋ slimiɗ ɗu na, a hinam hirnga le, ara diram dibiɗ, yo ara sipikiy, a pulaka gwat ngi gi taŋ malambaˀ na le na, ya i sa jiko slimiɗ vur taŋ baɗ a muŋ, i sa pula taŋ mungra taŋhaya, yo i sa ɗiya hiri ngi gwat ya mihirya asi ruwuy taŋ na.

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

NEHEMI 1:5

Yi ɓaŋ: «Aw Bumbulvuŋ, Buymisemuŋ ngir birngiŋ, ki Buymisemuŋ madiɗa, yo ki Buymisemuŋ magi zluwun da mburu. Mizli mawuɗokuw, yo majaka ɓimuɗuva ɗikey a hirnga na, ka Buymisemuŋ, ki ro ti jumoˀay ati taŋ, yo k'ada teŋteŋ avu taŋ.

NEHEMI 9:32

Na wurenna so na, ka Buymisemuŋ ndra, Buymisemuŋ madiɗa, migidaŋ, magi zluwun da mburu, ma ngila jumoˀaya ta, yo ki Buymisemuŋ miteŋteŋ. Bonoy ndra mijam di hirnga ati buy madiɗa ndrahay, buy meciɗek ndrahay, masay ndrahay ati mijiviɗ ɗik ngi si ndrahay, dideˀ ndrahay ati mizli ɗikey gar na, ki slimiɗ anga takwa. I bonoy mindilo ndra zle ti hin ngi buy Asirihey, hã dana na.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

BI NGI ISRAYELEY 20:6

Amma da mbur ara wuɗiy, yo ara ja ɓimuɗuva ɗuwoy a hirnga na, i sa gaŋ mezle gbaˀ avu dideˀ dideˀ durmuk mbeˀ mbeˀe.

ZEREMI 3:13

Amma si na malambaˀ ɗik na ɓula: ka mislikiɗ ɓi na, avu Bumbulvuŋ Buymisemuŋ ɗiki. Ki wus vu ngi ru aka aka ng'avi kulihey, asi widis mutukuf tukufoy gar. Ki cine mingiɓi ɗu ta. I ya Bumbulvuŋ maɓi.

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

DANIYEL 6:10

Ar nah na, buy Dariyus a tuh ɓi micica ngi tika gwatay, a ɗuva haŋ ara.

DANIYEL 9:3

I mbiɗi hiri ng'avu Bumbulvuŋ Buymisemuŋ, ɓa i diraŋ dibiɗ, i tumbuloŋ, ti gi dalyam, i ki zana ngi vagay waɗ kor kor fucu avu vu.

Ɓimezle ngi Yesu Kristu LUK mitil di mi 1:72

A biga gimezle naŋ le da dideˀ ndraˀahaya, a wulka jumoˀay naŋ le.

ROMAHAY 8:28

Yo ma na, i sinaka le, Buymisemuŋ a jum jom ng'ar gwat ngi mizli mawuɗakaŋ gar, ɓa a tiri gwat mezle avu taŋ. Taŋ i mizli Buymisemuŋ mizila taŋ ka naŋ mutoho ɓi nah zleˀe.

Slu cuw 5:10

Amma mizli mawuɗikiy, majaka ɓimuɗuva ɗu a hirnga na, i ga taŋ mezle hã dideˀ dideˀ durmuk mbeˀ mbeˀe.

Slu cuw 7:12

Da ki jam lesl le kuy kuy asi ɓi ngi sirikeye, ki ra gam taŋ slra kuy kuy na, naɓa Bumbulvuŋ Buymisemuŋ kumo, jumoˀay naŋ naŋ miɓa ti hudum da dideˀ kumoy tuwa na, a sa ga cummo ar kum.

Slu cuw 7:21

Ki jijikam ti mizli tayna ta, asi Bumbulvuŋ Buymisemuŋ kumo, naŋ da a wuzla kumo. I Buymisemuŋ madiɗa magi zluwun da mburu.

Slu cuw 7:9

Sinaka sin le, Bumbulvuŋ Buymisemuŋ kumo, Buymisemuŋ mijeŋŋe pal i naŋ. Mizli mira wuɗakaŋ, mira jaka ɓimuɗuva naŋhay a hirnga na, a ga taŋ gwat ngi jumoˀay naŋ na cummo, hã avu dideˀ dideˀ durmuku.

Ɗerewol ZAK 1:12

Mbur maɓusa bonoy muso le avu naŋ ngi puraŋ na, a mumul! Asi da naŋ muɓusa le na, a sa lum siifa, Buymisemuŋ miɓa le ɗaˀ le da mizli mawuɗakaŋ na.

Ɗerewol ZAK 2:5

Yeme ɗuwoy, cinam! Misi murga ngir duniya hanayna, i Buymisemuŋ muwuna taŋ, ɓa a tiri ti taŋ misi zlilihey ar tiɓi, yo ɓa a zumam buy, naŋ miɓa le ɗaˀ le da mizli mawuɗakaŋ na.