DANIYEL 9:27 - Bible en langue guiziga

²⁷ Ar vi mitarnaˀ ngi dirbahay na, a sa tika ˀay ngi jumoˀay da zigiduw, yo angi reta ngi vi tarnaˀ na kwana, a sa kiɗa mi ngi mikuli ati gwat ngi vulo. Mingizla mizli a sa sawa, a sa ga gwat mukuy ta naŋhaya kutum, hã ɓi micica tuwa, a mbiɗi nga hirnga naŋ a muŋ.»

DANIYEL 9:27 ပူးပေါင်းရင်းမြစ်များ

EZAYI 28:15

Ki ɓam: «I ɗiyam ɓi ngi jumo ˀay le ati muco, i slam ˀay kiri le ati li ngi mizli mumucahaya. Bonoy masa ndilo na, a sa cuh, ko a luuma ndra ta, asi slire, i tiram di li ɗum ndra le, yo gi gwat ti kwacay cuwo, i li ɗum ndra.»

EZAYI 28:22

Wurenna, ki ɓam mi ngi maraɓa mata, vur jum kum masa nguw, asi yi cin avu Bumbulvuŋ Buymisemuŋ misi gidaŋ wãˀ na, ɓi ngi ngizla ruwuy gar na, a juwa ɓi nah le si.

EZAYI 42:6

A ɓi na: «I ya Bumbulvuŋ muziluw ti jiviɗ mijeŋŋe, i ya mujuw kaw avu haŋ, i ya mucufuw baˀ pal, yo i cufuw hĩˀĩ ɓa ki jumoˀay ngi mizli, yo ɓa ki tiri li minjahha ngi sukwi ngi mizli.

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

EZAYI 55:3

Jikoko slimiɗ, soko ng'avi ya, cinam, ɓa kisa ndiram ti siifa. I sa jumˀay ati kum wãˀ ngi sete. Gi mezle, ya miɓa ɗaˀ le da Davit na, y'anta sa pula teˀ ta.

ZEREMI 7:30

Mizli Zudahay a gam gwat malambaˀ ya mawuɗ ta. A tukoko li daˀ ar hay mazilaka slimiɗ ɗu anga na, a hiryaka ti dili. I ya Bumbulvuŋ maɓi.

DANIYEL 11:31

A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

DANIYEL 8:13

Akẽh so na, i cin ˀay ngi modro maɓi, yo modro mekelem a cufuɗaŋ: «Gwat ngi mikuli magaka vur hin gar, mevel ngi waha virzi ngi hay muvula le da Buymisemuŋ ati vurum ngi muŋ maguduburaka asi sar na, pur naŋ ti kleŋ, a sa kiɗ mi hã ti vunaka?»

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

SLUFA VU 7:62

Kop ngi ɓiri tapasl tapasl, dudok naŋ gram skata, naŋ ceɓe ceɓe ti urdi ngi zlum ar vu,

Matiye 24:15

«Malambaˀvu mukuy ta wãˀ, mihirya gwat, mijiviɗ Daniyel miɓa ɓi naŋ na, da kisa puraka le ar li mipal na, anja mbur maslufa ɗerewolo, a sla wala naŋ.

Matiye 26:28

Asi hana i pumbus ɗu, pumbus ngi jumoˀay, a pi ɓa ngi buna mungra ngi zigiduw haɗi.

Matiye 27:51

Hirak ti nah na, godo misi ar hay ngi Bumbulvuŋ a Zeruzaleme, a ngir puɗak a wuzla cuw, zle a muŋ sesẽŋ a ruwuy. Hirwuy a wus, mandazlay muwãhay a ciram puɗak puɗak.

Mark 13:14

Ki sa puraka mukuy ta wãˀ, mihirya gwata, a cici le angi li mizlir ɓa a cici anga zleˀe ta. Anja mbur maslufa ɓi hana, a sla wala naŋ. Akẽh na, mizli misi a Yude, anja a kilam nga muwãhay.

Ɓimezle ngi Yesu Kristu LUK mitil di mi 21:20

Da ki puraka le, sojehey a gunoko Zeruzaleme le gun na, sinaka sin le, naɓa pas ngi wuh naŋ a ndilo le.

Ɓimezle ngi Yesu Kristu LUK mitil di mi 21:24

Maslalam a sa zuma taŋ, a sa jaka taŋ ng'ar beke, a sa jaka taŋ nga wuzla sukwi ngi mizli ngi ruwuyoy gar. Sukwi mekelemey a sa kirpaka Zeruzaleme asi sar, hã da hin taŋ mikiɗ mi le.

ROMAHAY 11:26

Kahana so na, Israyeley gar a sa laham. Kaɓa Ɓimutoho miɓi: «Milahavu a sa so baɗ ti Siyoŋ, a sa zuɓa moˀore ngi dideˀ ngi Zakopoyo gar avra.

ROMAHAY 5:15

Amma mezle Buymisemuŋ maga ndra di na, i gwat mupurla ati mungra ngi Adamu na ta. Asi da mizli haɗi a micam le vur mbur pal migi mungra na, sokkota gimezle Buymisemuŋ miga ndra di, naŋ mipa a hirnga zigiduw haɗa tisi mbur pal, Yesu Kristu na jak kwa?

ROMAHAY 5:19

Mizli haɗa a tiram migi mungrahay asi mbur pal micin mi ta. Naŋ kanah ya, Buymisemuŋ a sa ɗiya mizli haɗi jeŋŋe asi cine mi ngi mbur pal, Yesu Kristu.

HEBEREY 9:28

Naŋ kine, Kristu kwana, a vula hirnga naŋ ngi gi mikuli a mbuŋ Buymisemuŋ is purla, ɓa ngi zuɓa mungra ngi zigiduw haɗi avra, yo a sa bugo vu is purla sar mucuw naŋ ma, anta ngi zuɓa mungra mata, amma ngi laha mizli makutukokoŋ.