DANIYEL 9:24 - Bible en langue guiziga

²⁴ A ɗuvam vihey le tarnaˀ tarnaˀ makaw kukur tarnaˀ, vur mizli ɗikey ati walahay ka misi ara na, ɓa ngi kiɗa mi ngi moˀore ati mungra, ɓa ngi pula mungra, ngi so ti gi jeŋŋe ngi sete. Ɓa pura gwat ti kleŋ ati ɓi ngi mijiviɗey a gam muduba, yo ɓa a pam mal ngi vula li mihĩˀĩ da Buymisemuŋ a muŋ.

DANIYEL 9:24 ပူးပေါင်းရင်းမြစ်များ

ƁI NGI HINEY MUCUW NAŊ 29:24

Masayay, a slaka ˀay taŋ, a tiɓaka pumbus taŋ, a paka ng'ar li gi mikuli ɓa ngi zuɓa mungra ngi Israyeley gar, vur mike na, mikuli mizlam zlam ati mikuli ngi pula mungra, buy miɓi ɓa a gaka na, vur Israyeley gar.

DIMISEY 2:6

A ɓi: «Ya i ca buy ɗu madiɗa le a Siyoŋ, Siyoŋ, muwã ɗu mipal.»

DIMISEY 45:7

Haˀaw Buymisemuŋ ɗu, gidaŋ ngi zumabuy ɗike naŋ hã ngi sete. Ki jigina mizli kasl kasl ti ganday ngi ɗik ka buyo.

EZAYI 42:4

N'anta sa hĩhĩy ta, anta sa pula vu naŋ mbak a vus ta, sey da naŋ muɗuva ɓi mikaslsla le asi ruwuyo, yo mizli mikileŋ kileŋhey gar, a sa kutukoko ɓi ngi dubun naŋhaya.»

EZAYI 51:6

Zuɓaka hiri nga muŋ ɗi, yo puram nga ruwuyo ma ɗi. Haˀaw, muŋ a sa susuyum kaɓa cunju, hirwuy a sa hiryi kaɓa zana, dar mizli ngi raˀahay a sa micam kaɓa mevreŋhey. Amma laha vu ya masa ga na, a sa ndir ngi set, yo gi bugawla ɗu, anta sa kiɗ mi ta ndiɗaˀa.

EZAYI 51:8

Asi tuˀuf a sa zuma taŋ kaɓa zana, mumuyuŋ a sa zuma taŋ kaɓa gugumay mislirkeɗ. Amma gi jeŋŋe ɗu a sa ndir ngi set, gi bugawla ɗu a sa ndir vur dideˀ vur dideˀ.

EZAYI 56:1

Bumbulvuŋ a ɓi na: «Gwat ngi gi zuy na, jaka kaw kuy kuy, yo gi jeŋŋe kwana, gam di slra, asi laha vu ya maso di na, a wuɗ a ndilo gweˀ, yo gi jeŋŋe ɗu, a wuɗ a njik gweˀ.

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

TUWUY 4:22

Kum mizli Siyoŋhoy, bonoy kum vur gi moˀore kum na, a kiɗ mi le muduba, Buymisemuŋ anta sa jukum nga ruwuy mulaka mata. Amma kum mizli Edomoyo, Buymisemuŋ a sa kutukum vur moˀore kumo: a sa njika mungra kumoyo ngbay ar li babaraŋ.

EZEKIYEL 28:12

«Ka mburu, zli dimis ngi tuwa buy Tir. Ki sa ɓaŋ: Bumbulvuŋ, Buymisemuŋ a ɓi na: Vur kuy cummo na, a kiɗ mi zleˀe ar ka. Ka ti sinmijileŋ zleˀe haɗa, kay, kuy ɗik a zli ta wãˀ.

EZEKIYEL 4:5

I tikuw ˀay ngi ti hiney weˀe avu vi ngi taŋ migam di mungra na: i hin skat skat makir ti kukur ngoltir, kisa jijira mungra ngi Israyeleye.

EZEKIYEL 4:6

Daka misa kiɗa mi gi hin tayna le na, kisa hin sar mucuw naŋ a muŋ ma, tir vay hazum, ɓa ki jijira mungra ngi Zudahay: i hin kukur mufaɗa. Vi gar na, i ɗuvuw hin purla vurˀe.

LEVIHEY 25:8

«Ki sa sluf luuma ngi vi tarnaˀ tarnaˀ is tarnaˀ, mbiɗeˀvra, vi tarnaˀ tarnaˀ makaw tarnaˀ. Vi ngi luuma tarnaˀ tarnaˀ, makaw tarnaˀ tayna na, i vi kukur mufaɗ nga ngoltir.

LEVIHEY 8:15

Moyis a slaˀay ngi gusoŋ, a tiɓa pumbus naŋ. Li gi mikuli, mivay naŋhay muyoŋ yoŋ yoŋ kaɓa durumoyo, Moyis a ca muzuŋ haŋ yop ar pumbuso, a ga taŋ di njoffo njoffo, ɓa ngi bi ti hiryi naŋ avra, waɗ is naŋ sek ng'asi virzi ngi li gi mikuli, a vula da Buymisemuŋ ti gi mezegwel ngi pula mungra.

ZAKARI 4:14

Dar a ɓiy: «Tayna i mizli muwunahay le cuw, mipa taŋ mal ngi vula slra le, muroko deŋ deŋ a mbuŋ Buy ngi ruwuy keɗeɗe.»

SLUFA VU 14:34

Ki gam hin kukur mufaɗ ar li pura hirwuy Kanaˀana. Na kisa gam vi kukur mufaɗ ngi wurka malambaˀ kumo, mbiɗeˀvra, hin pal a tiri vi pal, ɓa kisa sinaka tuwaˀ ngi kum mutuwam ti ya na.

Matiye 1:21

A sa yi mangal mizile, kisa zila Yesu, asi i naŋ masa laha mizli naŋhay avu mungra taŋhaya.»

Matiye 11:13

Mijiviɗey gar ati Ɓimujuwa a tilam mi le ti ɓi ngi Zumabuyo, hã a ndilo avu Zaŋ.

Matiye 4:5

Dar Satan aru ti Yesu ng'ar walahay Zeruzalem, walahay mipal, a jiɗ di nga hirngi hay ngi Bumbulvuŋ,

Mark 1:24

«Ki wuɗ mi avu ndra ka, Yesu mbur Nazarete? Ki so ɓa ngi ziza ndra kwa? Yi sinuw le, ki mbur Mipal ngi Buymisemuŋ.»

Ɓimezle ngi Yesu Kristu LUK mitil di mi 1:35

Modro a mbiɗaŋ di: «ˀUf Mipal a sa so ar ka, gidaŋ ngi Buymisemuŋ Mimadiɗa a sa sirtuw ti susuɗuk naŋ. Vurˀe, mangal masa ya ka na, naŋ pal, yo a sa zilaka Mangal ngi Buymisemuŋ.

Ɓimezle ngi Yesu Kristu LUK mitil di mi 21:22

Asi hin nah na, a sa gi i hin ngi pula cuwal, ɓa ɓi mutohoko gar a gi muduba.

Ɓimezle ngi Yesu Kristu ZAŊ mitil di mi 1:41

Andre ara luuma Simoŋ, sukum naŋ migisiŋ gisiŋ dumbuŋ kwaɗay, a ɓaŋ: «I lumaka Mesi le.» Mesi, mbiɗeˀvra: ‹Kristu.›

Ɓimezle ngi Yesu Kristu ZAŊ mitil di mi 3:34

Naŋ kine, mbur Buymisemuŋ mislino di le na, a ɓi di i ɓi ngi Buymisemuŋ, asi Buymisemuŋ ara nahaŋ haɗa ti ˀUf naŋ.

SLRA 3:14

Mbur mipal, mbur mijeŋŋe, ki hizigakaŋ zloh avra. Dar ki cufuɗam ɓa a pulukum ngi kumo, i mbur mikiɗa hirnga jaka.

SLRA 3:22

Dumbuŋ zleˀe, Moyis ɓi na: ‹Bumbulvuŋ, Buymisemuŋ a sa slinukum mijiviɗ misi kaɓa ya, a sa bo ti wuzla kum vuna si. Ki sa cinaka mingiɓi naŋ, naŋ masa ɓukum di gar.

SLRA 4:26

Buy madiɗa ngi ruwuyoy, a juwam vu le, yo madiɗa ngi mizli, a jumom ˀay le, ɓa a gam vurum ati Bumbulvuŋ waɗ avu mbur naŋ muwunaŋ.›

ROMAHAY 5:10

Naŋ kine, ndr'i mesene ngi Buymisemuŋhoy zleˀe, amma tisi Mangal naŋ mumuc na, ɓi ndra a ɗiyi le ati Buymisemuŋ muduba. Da naŋ kine na, ɓi ndra miɗiyi ati naŋ na, a sa laha ndra tisi siifa ngi Mangal naŋ vuna ta jak kwa?

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

FILIPIHEY 3:9

I ndir jom ati naŋ wãˀ, anta asi gi jeŋŋe ɗu, ya maluma tisi ɓimujuwa na ta. Amma asi gi jeŋŋe, mbur maluma ti tiɓi Kristu na, i gi jeŋŋe maso ti vu Buymisemuŋ, yo naŋ maɗiya mburo jeŋŋe a mbuŋ naŋ tiɓi na.

KOLOSOY 1:20

Yo gwatay naŋ miga taŋ gar na, a ɗiya ɓi naŋ ati naŋ Buymisemuŋ tisi Mangal naŋ. Gwat ngi ruwuyoy ati ngi muŋhoy gar na, Buymisemuŋ a cica ɓi ngi vula taŋ zuyo, tisi pumbus ngi Mangal naŋ muɓul ar dum mizliraŋ.

KOLOSOY 2:14

Duvus misi a hirnga ndra, mabiga i zluɓaka le, ɓimujuwa mamo di nga hirnga ndra na, Buymisemuŋ a susuymo le avra, a dira le avu dum mizliraŋ.

HEBEREY 10:14

Naŋ kine, sedege naŋ miga is purla na, mizli, naŋ mazuɓa mungra taŋhay avra na, a ɗiya taŋ le hã ngi sete.

HEBEREY 2:17

Vurˀe, sey a tiri rak rak kaɓa sukum naŋhay ar gwat gar, ɓa a tiri masay madiɗa a mbuŋ Buymisemuŋ, mapur ˀircece, miteŋteŋ ar slra naŋ a mbuŋ Buymisemuŋ, ɓa ngi puya mungra ngi mizli avra.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

HEBEREY 9:26

Da Kristu a ga kanah zleˀe ta na, zle avu ɗuva virzi ngi duniya na, anja a si bonoy le is mbeˀ mbeˀe. Amma naŋ a bugo vu is purla tewle, gweˀ avu kiɗa mi ngi hin, ɓa a susuymo mungra ngi mizli ti gi mikuli a mbuŋ Buymisemuŋ ti hirnga naŋ tehhe a muŋ.

PIYER MUCUW NAŊ 1:1

I ya Simoŋ Piyer, gawla ngi Yesu Kristu, yo mislin naŋ, matuhukum ɗerewol hana da kum mulumam tiɓi mupuɗaw ka ngi ndra, tisi jeŋŋe ngi Buymisemuŋ ndra ati ngi Milih ndra Yesu Kristu na.

ZAŊ MUDUMBUŊ NAŊ 3:8

Mbur magi mungra na, i mbur ngi milyam, asi zle angi zli virzi naŋ na, milyam i migi mungra. Mangal ngi Buymisemuŋ mubugo vu na, ɓa ngi hirya slra ngi maliyam avra.

ƁIMUNJUYO 14:6

Dar yi pur modro mekelem ngi Buymisemuŋ, a slikiɗ hã a dadala muŋ. Naŋ ti Ɓimezle ngi sete, ɓa ngi til di mi da mizli ngi ruwuyoy: da sukwi ngi mizli ngi ruwuyoy gar, mizli mitaˀ taˀ gar, mizli maɓam mi wal wal gar, waɗ da mizli gar.

ƁIMUNJUYO 3:7

«Toho da modro ngi cikil ngi misikristu ngi Filadelfiheye ɓaŋ na: Mbur ngi Buymisemuŋ, mbur mikaslsla, mbur maja lakle ngi buy Davit a ɓi na, da naŋ muwuna gwata le na, mbur masa gica gu anta. Yo da naŋ migica le kwana, mbur mawuna gu anta na, a ɓi: