DANIYEL 9:21 - Bible en langue guiziga

²¹ Ti ya madir dibiɗ kanah na, Gabriyel, mbur ya mupura ti kleŋ tuwa, a slikiɗo faw kutum ng'avi ya, ar ler ngi vula gwat ngi mikuli ngi pastaˀa.

DANIYEL 9:21 ပူးပေါင်းရင်းမြစ်များ

BUYOY MUDUMBUŊ NAŊ 18:29

Wuzla papas mucuh na, a ɓam kaɓa mijiviɗey hã a ndila pas ngi vula gwat da Buymisemuŋ. Amma, ko ˀay anta, zila mi anta, gwat mabiga slra naŋ vuna neˀ tekeɗe anta ma.

BUYOY MUDUMBUŊ NAŊ 18:36

Hirak ti ler ngi vula gwat da Buymisemuŋ, mijiviɗ Eli a kirahawa, a ɓi: «Bumbulvuŋ, Buymisemuŋ ngi Abraham, ngi Izak ati Israyel, dana, ga ɓa mizli a sinaka Buymisemuŋ ngi Israyel i kaha, ya i gawla ɗiki, yo ya maga gwat hanayna gar na, tisi mingiɓi ɗiki.

DIMISEY 103:20

Kum modro ngi Bumbulvuŋhoy, gakaŋ sise, gwat naŋ muɓukum di le na, ki ra gaka mbar vu wãˀ, yo naŋ miɓi le ɗaˀ si na, ki ra cinakaŋ mi.

DIMISEY 104:4

Himiɗe, ki tiri di mislin ɗikey, yo irne vu, ki tiri di gawla ɗikey.

DIMISEY 141:2

Anja diradibiɗ ɗu, aru cir cir ng'avi ka, kaɓa cunju ngi urdi mazlumaka ti zlum, yo anja haŋ ɗu mipaɗ a muŋ na, a tiri gwat ngi mikuli ngi pastaˀa.

BI NGI ISRAYELEY 29:39

Mikuli ti tumuŋ mudumbuŋ ti mipriki, mucuw naŋ ti li zuyyo.

EZAYI 6:2

Modro naŋ misi vuhoy a roko a hirnga naŋ. Modro gar ti kirpasl merkeɗ merkeɗ: cuw ngi sirta mihiri, cuw ngi sirta saray, waɗ cuw ngi slikiɗi.

EZEKIYEL 1:11

Mihiri taŋhaya taŋ kanah. Amma kirpaslaya, avu gwat misi titiri gar na, mucuwoyo binjar binjar ng'a muŋ, mi taŋhaya zlar arleˀe, yo mucuw mekelemeye kwana, a sirtam di dumvu taŋ.

EZEKIYEL 1:14

Dar gwat misi titiri tuwa, a mbiɗam ti ka ti ka, kuɗiɗiɗi kuɗiɗiɗi kaɓa wucuɗ ngi vuŋ.

EZEKIYEL 14:14

Nowe, Daniyel waɗ Jopo, ko da t'ada makir taŋ a hirwuy nah tekeɗe kwana, i taŋ masa laham tewle asi gi jeŋŋe taŋ na. I ya Bumbulvuŋ, Buymisemuŋ maɓi.

DANIYEL 10:10

Akẽh na, haŋ ngi mbur a sa wusiy, a slikiɗiy, a puliy dilak ti miliwis, haŋ jah jah da ruwuy, i ra jijik.

DANIYEL 10:16

Amma mbur, kaɓa mburu, a sa wusiy avu mi, i wuna mi, i ra ɓi. I ɓa mbur mideŋ a ciki ɗu tuwa: «Kumani, gwat mubugo vu na, a muɗiy didak le haɗi, yo gidaŋ ɗu anta mata.

DANIYEL 10:18

Akẽh na, gwat mubam vu ati mbur titira tuwa, a wusiy ma, dar a vuliy gidaŋ.

DANIYEL 8:16

Joˀ i cin ˀay ngi mbur mawudo ti mizaw Ulay, a ɓi: «Gabriyel! Mbur hana mupura gwat ti kleŋ na, inga slaŋ wala nah.»

DANIYEL 8:18

Ti naŋ maɓiy na, i ro ɗokɗok, durus a ruwuy. A wusiy, a slikiɗiy deŋ ar li ɗu a muŋ.

Matiye 27:46

Hirak ti pas ngi ɓula away ngi hay tuwa na, Yesu a til mi ti gidaŋ: «Eli, Eli, lemasabaktani?» Mbiɗeˀvra: «Buymisemuŋ ɗu, Buymisemuŋ ɗu, ki puliy fuk vur mike?»

Ɓimezle ngi Yesu Kristu LUK mitil di mi 1:19

Modro a mbiɗaŋ di: «Yi Gabriyel, yi ro deŋ a mbuŋ Buymisemuŋ. A slinoko ya ngi ɓuw ɓi, yo ɓa i suw ti ɓi mezle hana.

Ɓimezle ngi Yesu Kristu LUK mitil di mi 1:26

Angi kiya mimerkeɗ ngi hur ngi Elizabet na, Buymisemuŋ a slino modro naŋ Gabriyel ng'ar walahay mazilaka Nazaret, hirwuy Galile,

SLRA 10:3

Ngi pas mekelem ada, hirak ng'avi pas ngi ɓula away ngi hay na, a pur modro ngi Bumbulvuŋ ti kleŋ, a pura kaɗaŋ kaɗaŋ, ara ci ngi hay naŋ, ara zilaŋ: «Korney, Korney!»

SLRA 10:9

Li naŋ muwuno, naɓa taŋ a jiviɗi, taŋ gweˀ avu walahaya, Piyer a jiɗ le nga hirnga gbale, ɓa a dir dibiɗi, a gi ng'avi pas deŋ gu.

SLRA 12:7

Amma gurjik si na, modro ngi Bumbulvuŋ a ndilawa, li taŋ majuwakaŋ anga tuwa, a pusluɗ njah. Modro tuwa, a vurka Piyere vrek vrek angi giliw, a puɗukoŋ, a ɓaŋ: «Slikiɗ kutum!» Celeluhoy a pam kwalal tivi haŋ ngi Piyere.

SLRA 3:1

Ngi hin mekelem ada, ngi pas ngi ɓula away ngi hay na, Piyer ati Zaŋ ara jiɗam ng'ar hay ngi Bumbulvuŋ a Zeruzalem ɓa a diram dibiɗi.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 1:7

Buymisemuŋ a ɓi vur modrohoyo na: «I tiri himiɗ ti modro ɗuwoyo, yo i tiri irne vu ti migi slra ɗuwoyo.»

ƁIMUNJUYO 9:17

Buymisemuŋ mibigiy pilisey ati mizli mujoˀ angi taŋ, ya mupura taŋ na, a kam libiti, gagaza kaɓa vu, ngil ngil ka ɗugur safir, yo wuy wuy kaɓa baruudu. Hirnga ngi piliseye, taŋ kaɓa hirnga ngi mobor. Vu, cunju waɗ baruudu a boko ti balam taŋhaya.