DANIYEL 9:20 - Bible en langue guiziga

²⁰ I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

DANIYEL 9:20 ပူးပေါင်းရင်းမြစ်များ

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

NEHEMI 1:6

Anja ki jiko slimiɗ, yo ki ɗuvo hiri ng'ar ya, ɓa ki cine diradibiɗ nga ya gawla ɗike takwa! Wurenna, duvuɗ ti papas gar na, i ra dir dibiɗ a mbuŋ ɗike, vur gawla ɗik Israyeleye. Mungra, ndra Israyeley mugukuw di gar na, i ra njukuw di. Ya ati dideˀ ɗuwoyo i gam mungra le avu ka.

DIMISEY 145:18

Bumbulvuŋ naŋ gweˀ avu mizli gar mazilakaŋ, gweˀ avu mizli gar mazilakaŋ ti mevel purla.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

TILA MI 7:20

Vur a ruwuy aka na, mbur mindila le, naŋ jeŋŋe, a gi mezle, manja a gi mungra na, anta ko loŋ ta.

EZAYI 56:7

i sa so taŋ nga muwã ɗu mipal, i sa ga ɓa a sa mumulom haɗa ar hay ɗu ngi diradibiɗe. Mikuli taŋ mizlamzlamay wãˀ ati mikuli taŋhay muho gar, taŋ magikiy taŋ ar li gi mikuli na, i sa tiɓa taŋ. Asi mike na, hay ɗu a sa zilaka: ‹Hay ngi mizli gar madiram dibiɗ araŋ.›

EZAYI 58:9

Akẽh so na, da ka misa zila Bumbulvuŋ le na, a sa ziluw mi, Da ka misa wuɗ jini le na, a sa ɓuw «Y'ani!» Asi hirwuy ɗike, da k'anta gi beke ti mizli mata, k'anta gil ɓi da mbur ta, k'anta ɓi ɓi malambaˀ ar mbur ta,

EZAYI 6:5

Dar yi ɓi: «Kay, ya ar bonoy! Yi zizi le, asi mi ɗu ya mazum, di gwata, i malambaˀa, ya a wuzla mizli misi mi taŋ i malambaˀ vuna ya. Ani Buy madiɗa, Bumbulvuŋ misi gidaŋ wãˀa, hiri ɗu a pura le.»

EZAYI 65:24

Ɓa a sa zilikiy tikeˀe na, naɓa i zila taŋ mi le si, ɓa a sa ɓam tikeˀe kwana, i cine taŋ di le si.

DANIYEL 10:12

A ɓiy na: ‹Ki zluwun ta Daniyel, asi mingiɓi ɗik a ndil le sesẽŋ avu Buymisemuŋ, zle ti ka mija a mevel ɗike, ɓa ki sla wala ngi ɓi, yo ki hin hirnga a mbuŋ Buymisemuŋ na, ya muso na, vur ɓi nah.

DANIYEL 10:2

Ti hin nana, ya Daniyele, naɓa i gi le luuma makir ar li vagay.

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 9:16

Bumbulvuŋ, ka maga gwata jeŋŋe na, anja mevel ɗik ati himaˀ ɗik, a mbiɗi duba avu Zeruzalem, walahay ɗik, muwã ɗik mipal na. Asi vur mungra ndrahay ati malambaˀ ngi dideˀ ndrahay na, sukwi mugun hirnga ndra gar, ara zaka Zeruzalem ati mizli ɗikeye.

ZAKARI 8:3

Ya Bumbulvuŋ i ɓi ani: I ra mawa ng'avi Siyoŋ, ɓa i cifi a Zeruzaleme. A sa zilaka Zeruzaleme «Walahay-miteŋteŋ», yo a sa zilaka muwã ngi Bumbulvuŋ misi gidaŋ wãˀa ma na, «Muwã Mipal».

SLRA 4:31

Angi kiɗa mi ngi diradibiɗ taŋ na, li taŋ mukusom anga, a wus hiɓik hiɓik, ˀUf Mipal, a naha taŋ le gar, a tilam mi ti ɓi ngi Buymisemuŋ manja zluwun.

ROMAHAY 3:23

Mizli gar a gam mungra le, a ndiram le manja luuma dudok ngi Buymisemuŋ.

Ɗerewol ZAK 3:2

Ndra gar, i ra zluɓam ɓi haɗa. Da mbur anta zluɓ ar mingiɓi naŋ ta na, naɓa i mbur manja hereweɗe. A jigina dumvu naŋ gara gu.

ƁIMUNJUYO 21:10

ˀUf Mipal a ci angi ya, a zuɓiy faw nga hirnga muwã madiɗa, migilaŋ. Joˀ a bigiy Zeruzalem, walahay mipal, ara po sar ti muŋ, ti ciki Buymisemuŋ.

ƁIMUNJUYO 21:2

Keɗ na, walahay madiɗa mipal, Zeruzalem nawaya, ara po sar paɗ a muŋ ti ciki Buymisemuŋ. A juw vu le kaɓa ngwas miɗiya vu naŋ le ngi kutuko zil naŋ ngi sliˀi.