DANIYEL 9:2 - Bible en langue guiziga

² Ar vi mudumbuŋ naŋ ngi zumabuy ngi Dariyus na, ya Daniyele, i ra pur ɗerewoloy, i luuma Bumbulvuŋ misla vi kukur tarnaˀ da walahay Zeruzalem masa ndir i diŋ, naŋ miɓa da mijiviɗ Zeremi na, a wuɗ a gi muduba.

DANIYEL 9:2 ပူးပေါင်းရင်းမြစ်များ

ƁI NGI HINEY MUCUW NAŊ 36:21

Mingiɓi ngi Bumbulvuŋ mubo ti balam Zeremi na, a gi le muduba: «Asa pulaka hirwuyo mbak ngi vi kukur tarnaˀ, hã hin ngi sabat naŋhay mikiɗam mi le, ɓa ngi wurka hin ngi sabatay, mija taŋ a hirnga zleˀe ta na.»

ESDRAS 1:1

Ar vi mudumbuŋ ngi Sirus mazum buy a Perse na, ɓa gwat Bumbulvuŋ miɓa zleˀe ti balam mijiviɗ Zeremi a gi muduba na, Bumbulvuŋ a ca wuluk ani da Sirus, buy Perse, ɓa a til di mi, yo ɓa a toho ti tuh toh toh da mizli ngi si ruwuy naŋhay gar ma.

DIMISEY 119:24

Magiy mumul haɗa na, i gwat ka mawuɗo, mavuliy kuti i naŋ.

EZAYI 64:10

Hay ndra mipal, mimezle, cine ndrahay mazlukuw dimis ngi hunum ɗik ara tuwa, vu a wura le. Yo li ndra mawuɗam haɗa tuwa, a tiri diŋ le.

ZEREMI 1:1

Ɗerewol hana, a ɓi di i ɓi ngi Zeremi, mangal ngi Hilkiya. Zeremi i dideˀ ngi masayay, taŋ a Anatot, hirwuy Benjameŋ.

ZEREMI 25:18

I zla vul naŋ dumbuŋ ngi si da walahay Zeruzalem waɗ da walahay Zudahay, da buy ngi raˀahay ati mizli madiɗa ngi slra taŋhay, ɓa i tiri taŋ diŋ cay, li midaŋ daŋ mayi zluwun madiɗa, dar mizli a sa nisam vu ti naŋ, kaɓa naŋ magi dana ani na.

ZEREMI 26:18

«Mise, mbur Moreset, ti naŋ miga slra naŋ ngi mijiviɗ ti hin ngi Ezekiyas, buy Zuda na, a ɓa mizli Zudahaya gar: Bumbulvuŋ misi gidaŋ wãˀa, a ɓi na: Walahay Siyoŋ, mesene naŋhay a sa huvakaŋ kaɓa guva, Zeruzaleme kwana, a sa tiri diŋ hoŋ, yo muwã ngir hay Buymisemuŋ, a sa tiri ɓuh misi widis ngiriɗi.

ZEREMI 26:6

Naɓa yi sa gi ti walahay hana, kaɓa ya migi ti walahay Silo na ya, yo i sa tiri di i gwat sukwi ngi mizli ngisi ruwuy gar, manisam di vu ar wala taŋ.›»

ZEREMI 27:7

Sukwi ngi mizli ngi si ruwuyoy gar, a sa cinakaŋ mi, yo a sa cinaka mi da mangal naŋ waɗ da dideˀ naŋ, hã tapas hirwuy naŋ masa hin hirnga a mbuŋ sukwi ngi mizli haɗa waɗ a mbuŋ buy migidaŋhay.

ZEREMI 29:10

«Ya Bumbulvuŋ i ɓi na: ‹Da zumabuy ngi ruwuy Babiloŋ a naha vi naŋ le kukur tarnaˀ na, i sa ki slimiɗ ar kum, ɓi ngi mo kum ng'ar li hana, ya muɓukum di ɗaˀ le zleˀe tuwa na, i sa ga muduba.

ZEREMI 7:34

Angi walahay Zudahay waɗ ar buwal madiɗahay a Zeruzalemeye, i sa taˀa dimis ngi ɓuruk ati ji salalaya, dimis ngi mbur zil mira zuɓ ngwas ati mumul ngi ngwas mira zuɓ zile. Asi hirwuy a sa tiri diŋ taˀa.

TUWUY 1:1

ˀEy eh! Walahay misi mizli haɗa araŋ, mbak ɗoɗok pal naŋ ka ngwas wudiga mbrike! Zleˀe na, slimiɗ naŋ a zil deŋ a wuzla sukwi ngi mizli ngbaŋ, i maˀãy a wuzla hirwuy ngi buy miwi liheye, ani wurenna i beke ngi gi slra mitakˀay so.

EZEKIYEL 29:11

Mbur malla ko ginew masa ɗuf sar cirek ngi liˀi ti kẽh anta. A sa ndir hã vi kukur mufaɗ, manja a pam anga.

DANIYEL 9:3

I mbiɗi hiri ng'avu Bumbulvuŋ Buymisemuŋ, ɓa i diraŋ dibiɗ, i tumbuloŋ, ti gi dalyam, i ki zana ngi vagay waɗ kor kor fucu avu vu.

MISE 3:12

Vurˀe, asi ɓi kumo, Siyoŋ a sa tiri kaɓa guva muhuva le ɓultoŋ ɓultoŋ, Zeruzalem a sa tiri kaɓa kitikil, yo muwã ngir hay ngi Bumbulvuŋ a sa tiri ɓuh.

ZAKARI 1:12

Dar modro ngi Bumbulvuŋ a zuɓa ˀay a muŋ: «Bumbulvuŋ misi gidaŋ ŋwˀa, walahay Zeruzalem ati walahay ngi ruwuy Zudahaya, ki ji mevel le haɗa ar taŋ, ki gi di le ani vi kukur tarnaˀa, na kisa pura taŋ ircece tuvunaka?»

ZAKARI 7:5

Mizli ngi si ruwuyo gar ati masayaya, ɓa t'ani: Ki goko ani vi kukur tarnaˀ, ti kiya muzlum naŋ ati mitarnaˀ ngi vi gar na, ki roko gam dalyam, yo ki roko ti tuwuy, na ki gaka dalyam nah vuna da ya kwa?

Matiye 24:15

«Malambaˀvu mukuy ta wãˀ, mihirya gwat, mijiviɗ Daniyel miɓa ɓi naŋ na, da kisa puraka le ar li mipal na, anja mbur maslufa ɗerewolo, a sla wala naŋ.

Mark 13:14

Ki sa puraka mukuy ta wãˀ, mihirya gwata, a cici le angi li mizlir ɓa a cici anga zleˀe ta. Anja mbur maslufa ɓi hana, a sla wala naŋ. Akẽh na, mizli misi a Yude, anja a kilam nga muwãhay.

SLRA 8:34

Mbur Etiyopi tuwa a ɓa Filipe: «Ambuh, ɓiy di: mijiviɗ maɓi kahana vuna, a hirnga waka? A hirnga naŋ tehhe a muŋ kwa, malla a hirnga mbur mekelem kwa mbrike?»

TIMOTE MUDUMBUŊ NAŊ 4:13

Vula vu ɗike ngi slufa Ɓimutoho a wuzla mizli, ngi vula taŋ gidaŋ, dubuna taŋ gwat cici, hã tapas ya masa ndilawa.

ƁIMUNJUYO 1:3

Mbur maslufa ɗerewol hana, kay, naŋ ar wuya! Mizli macinam ɓi Buymisemuŋ manjika hana na, waɗ mutohoko angi ɗerewol hana gar, a jaka a hirnga na, kay, taŋ ar wuya, asi hin a ndilo le gweˀe.