DANIYEL 9:16 - Bible en langue guiziga

¹⁶ Bumbulvuŋ, ka maga gwata jeŋŋe na, anja mevel ɗik ati himaˀ ɗik, a mbiɗi duba avu Zeruzalem, walahay ɗik, muwã ɗik mipal na. Asi vur mungra ndrahay ati malambaˀ ngi dideˀ ndrahay na, sukwi mugun hirnga ndra gar, ara zaka Zeruzalem ati mizli ɗikeye.

DANIYEL 9:16 ပူးပေါင်းရင်းမြစ်များ

NEHEMI 9:8

Ki luuma Abrahama na, i mbur miteŋteŋ a mbuŋ ɗike. Akẽh na, ki jumom ˀay ati naŋ, yo ki ɓaŋ, naŋ ati dideˀ naŋhaya, kisa vula taŋ hirwuy ngi Kanaˀanay, ngi Hitihey, ngi Amorihey, ngi Perizihey, ngi Zebusihey waɗ ngi Girgasihey. Gwat ka miɓa kisa ga na, ki ga le, asi ka jeŋŋe.

DIMISEY 143:1

Dimis ngi wuzla dimis ngi Davitey. Bumbulvuŋ, cine diradibiɗ ɗu, ya mira tumbuluw na, jiko slimiɗe. Ani ka miteŋteŋ, yo ka mijeŋŋe na, mbiɗiy di.

DIMISEY 31:1

Dimis ngi wuzla ngi dimis ngi Davitey. I mulumo di ar ɗerewol ngi buy dimis.

DIMISEY 41:13

Ki jihiy le jah, ki bo ti ya le njiraŋ ti vu ɗu kuy kuy. Yo ki ɗiyi le ngi wãˀ a mbuŋ ɗike.

DIMISEY 71:2

Ka mijeŋŋe na, lihiy, cuko ya, jiko slimiɗ ng'avi ya, yo lihiy.

DIMISEY 79:4

Pura midigwi ndrahay ara zam ndra, mizli mugun hirnga ndrahay ara singiram ar ndra, yo ara buruɗam ndra.

DIMISEY 85:4

Ki kiɗa mi ngi zuɓa himaˀ ɗik na le, ki muca mevel ɗik misi ka vu na le.

DIMISEY 89:51

Bumbulvuŋ, wuluk ar gawla ɗikey, mizli mazaka taŋ na, waɗ ar mizli gar, ka mupula taŋ asi haŋ ɗu na.

BI NGI ISRAYELEY 20:5

Ko ki huruk huruk a mbuŋ gwat misi ka tayna ta, yo ki gi gwat asi taŋ ta ma, asi Bumbulvuŋ Buymisemuŋ ɗik i ya, yi Buymisemuŋ mawuɗ vu suloŋ suloŋ. Da mbur ara gi mesene ti ya na, i sa kuta ti bonoy, zle avu naŋ hã dideˀ dideˀ makir malla mufaɗa.

EZAYI 5:25

Vurˀe, Bumbulvuŋ a sa ji mevel ar mizli naŋhaya. A sa puka haŋ ng'ar taŋ, hã muwãhay a sa wusam hiɓik hiɓik, joˀ vagay taŋhay a sa ndiram kaɓa gwatay misaɓaɓa a jiviɗ madiɗahay. Amma bam ti nah kwana, Buymisemuŋ a tisla mevele t'aruŋ, haŋ naŋ a ro pak ng'ar taŋ aruŋ na si.

ZEREMI 24:9

Naŋ kanah, i tiri ti taŋ gwat ngi muɗa didak haɗa wãˀ da zuma buyoy ngi ruwuy gar. Ar li ya mizliɗa hirnga taŋ nga diga nga diga gar na, mizli a sa kiɗam ti taŋ mambaˀ, a sa singiram ar taŋ, yo a sa njiɗaka taŋ dimis, a nisaka taŋ.

ZEREMI 29:18

I sa gidiɗa taŋ ti maslalam, ti may waɗ ti jiji mozorbono. I sa ga ɓa zumabuy ngir duniya keɗeɗe gar mupuraka taŋ le na, a zluwunam, hã a sa nisam vu ti slimiɗ taŋ, i sa ga taŋ geˀ geˀ kuɗup ngi muɗa didak da mizli. Sukwi ngi mizli gar, ya masa zliɗa hirnga taŋ nga wuzla taŋ na, a sa zam vu ti slimiɗ taŋ.

ZEREMI 32:31

Walahay Zeruzalem nah na, zle angi ɗuva virzi naŋ hã wurenna, ara giy gwat ngi ji mevel, gwat ngi slikiɗa himaˀ fõh fõh. I sa ɓula taŋ a mbuŋ ɗu avra,

ZEREMI 32:32

asi malambaˀ ngi Israyeley ati ngi Zudahay migaka taŋ gar, a gikiy gwat ngi ji mevel le, taŋ vuna, buy taŋhay, mizli madiɗa ngi slra taŋhay, masay taŋhay, mijiviɗ taŋhay, taŋ Zudahay ati mizli misi a Zeruzaleme.

EZEKIYEL 22:4

Ka makiɗ hirnga tuwa na, ki gi malambaˀ le. Ka mavuɗ kulihey na, ki ci le ar dili. Naŋ kine, ki kiroho hin ngi zizi ɗike le gweˀe, ki ndilo le ar kiɗa mi ngi vi ɗike. Vurˀe, i ra ga ɓa ki pi mesem avu sukwi ngi mizli gar, yo ɓa hirwuy gar a singir ar ka.

EZEKIYEL 5:14

I sa tiri ti ka diŋ waɗ gwat ngi mesem a wuzla sukwi mugun hirnga ɗik na, a mihiri ngi mizli macohom a jiviɗ gar.

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

ZAKARI 8:3

Ya Bumbulvuŋ i ɓi ani: I ra mawa ng'avi Siyoŋ, ɓa i cifi a Zeruzaleme. A sa zilaka Zeruzaleme «Walahay-miteŋteŋ», yo a sa zilaka muwã ngi Bumbulvuŋ misi gidaŋ wãˀa ma na, «Muwã Mipal».

TESALONIKEY MUCUW NAŊ 1:6

Naŋ kine, Buymisemuŋ naŋ jeŋŋe, mizli magukum bonoy na, a sa pula bol naŋ avu taŋ.

ZAŊ MUDUMBUŊ NAŊ 1:9

Amma da i ra ɓaka mungra ndraˀahaya njah njah na, Buymisemuŋ, ndra misinakaŋ njah, yo naŋ mijeŋŋe, yo naŋ kaslsla na, a sa puya mungra ndrahay avra, a buna ndra gwat malambaˀ ndraˀahaya gar avra.

SAMUYEL MUDUMBUŊ NAŊ 2:7

Gi murga ati gi zlili gar na, taŋ asi haŋ ngi Buymisemuŋ, a vuso mburo, yo a ga zlili da mburo ma.