DANIYEL 9:14 - Bible en langue guiziga

¹⁴ Vurˀe Bumbulvuŋ, ki ga ɓa mendere hana a so ng'ar ndra gbaˀa si. Asi ka Bumbulvuŋ Buymisemuŋ ndra, ka jeŋŋe ar gwat ngi gi ɗik gar. Amma ko i cinukuw mi ta.

DANIYEL 9:14 ပူးပေါင်းရင်းမြစ်များ

ƁI NGI HINEY MUCUW NAŊ 12:6

Buy Israyeley ati buy Roboˀama, a sinaka le a gam mungra le, a ɓam: «Bumbulvuŋ naŋ jeŋŋe.»

ESDRAS 9:15

Bumbulvuŋ, Buymisemuŋ ngi Israyel, ka jeŋŋe, asi mike na, ndra misi ani ti siifa dana na, kaɓa is ngi mizli mindiram ti ndir. Ndrˀani a mbuŋ ɗike ti malambaˀ ndraˀahaya, dambalaka ko mbur misi kahana macici a mbuŋ ɗike anta loŋ ta ngbaŋ.»

NEHEMI 9:33

Ka so na, ar gwat mindilo ndra le gar na, ka, ka jeŋŋe, asi ki ga gwata ti jiviɗ naŋ kaslsla. Amma ndra, i gam di i moˀore.

DIMISEY 111:7

Naŋ, a gi di i slra migisiŋ gisiŋhey, yo i slra mijeŋŋehey, ɓi naŋ mawuɗ cek na, i ɓi migisiŋ gisiŋhey,

DIMISEY 116:5

Bumbulvuŋ, naŋ mezle, yo naŋ jeŋŋe, Bumbulvuŋ ndra a pur ircece haɗi.

DIMISEY 119:137

Bumbulvuŋ ɗu, ka jeŋŋe, yo ɓi ka mujuwa a mevel ɗik gar na, taŋ kasl kasla.

DIMISEY 51:14

Ka milihiy na, ga ɓa yi mumul, yo anja ˀUf ɗik a jihiy jah gidaŋ gidaŋ.

BI NGI ISRAYELEY 9:27

Buy Ezipte a zilo Moyis ati Aroŋ, a ɓa taŋ: «Wurenna, i gi mungra le muduba, mijeŋŋe i Bumbulvuŋ, ndra ati mizli ɗuwoy i zluɓaka le.

ZEREMI 12:1

Ka Bumbulvuŋ, ka jeŋŋe! Amma i wuɗ i cufuɗ ar gi jeŋŋe ɗike na si. Haˀaw, i wuɗ i ɓam ɓi ati ka ar ɓihey ani: Migi malambaˀhaya, gwat taŋ magaka gara, a gi kasl kasl na vur mike? Mizli miteŋteŋhey ta, ara pulam vu vur mike?

ZEREMI 31:28

Waɗ ma na, i sa gi welele ti taŋ ngi ndira taŋ ati ngi hirva taŋ, kaɓa ya migi welele ti taŋ ngi muɗ taŋ ati ngi putukus taŋ, ngi wuh taŋ ati ngi tiri taŋ diŋ, waɗ ngi ga taŋ malambaˀ na ya. I ya Bumbulvuŋ maɓi.

ZEREMI 4:17

A ndahaka hirnga ngi Zeruzaleme gun, kaɓa mijigina guvahay. A gi kanah na, asi naŋ mislikiɗ ɓi avu ya. I ya Bumbulvuŋ maɓi.

ZEREMI 44:27

I wi vu le weˀ ti taŋ ngi ga taŋ malambaˀ, mbak gi mezle le: Yudehey misi asi ruwuy Ezipte na, a sa zizam cek ti kiɗ ti maslalam waɗ ti may, hã a ngizlam pay wãˀ.

TUWUY 1:5

Mizli mazliram ti naŋ ta, a funakaŋ le, mesene naŋhay ara pulam vu, naŋ masi bonoy na, i Bumbulvuŋ migaŋ di, asi slikiɗa ɓi naŋ mihaɗa na. Ziri naŋhay i mijahay le, mizli mazliram ti taŋ ta, ara ɓulaka taŋ sesek a mbuŋ, ara ram taŋ le nga hirwuy mulak.

EZEKIYEL 16:43

Asi mike na, hin ngi gi diili ɗike, ki wulka keŋ ta, yo ki slikiɗiy mevel ti ɓi ngi gwat tayna gar. Yo kuy! Ya kwana, gi gwat ɗik na, i wuɗ i pa zayɓi nah nga hirnga ɗik vuna. Gwat ngi mesem hanayna, ki ga taŋ le jom nga hirnga gi gwat ɗik mukuy tahay na ta kwa? I ya Bumbulvuŋ, Buymisemuŋ maɓi.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 9:7

Naka Bumbulvuŋ, ka jeŋŋe! Ndra Zudahay ati ngi Zeruzalemey, Israyeley gar, migweˀ gweˀ ati mikileŋ kileŋhey, misi asi ruwuy gar, ka muɓula taŋ asi gwat malambaˀ taŋ mugukuw di na, i roko ti mesem a hirnga ndra.