DANIYEL 9:13 - Bible en langue guiziga

¹³ Mendere tayna gar a gam ar ndra, kaɓa mutoho ar ɓimujuwa ngi Moyis. Amma i pulaka gwat malambaˀ ndraˀahaya ta, i jikam slimiɗ asi ɓi mikaslsla ɗike, ɓa i tuslukuw mevel da ka Bumbulvuŋ Buymisemuŋ ndra ta.

DANIYEL 9:13 ပူးပေါင်းရင်းမြစ်များ

BUYOY MUCUW NAŊ 22:16

Bumbulvuŋ a ɓi na: «I wuɗ i go mendere ng'ar li hana waɗ ng'ar mizli ngi raˀahaya. Mingiɓi ngir ɗerewol buy zuda muslufa hana gar na, i ga muduba.

Ɗerewol JOP 36:13

Mizli misi moˀorehey muroko hirnga gidaŋ ti mevel fõh fõh na, da Buymisemuŋ ara juwa taŋ na, t'anta tumbulokoŋ ta.

DIMISEY 119:18

Wuniy hiri, ɓa i pura gwat ngi zuma hirngahay misi ar ɓimujuwa ɗike.

DIMISEY 119:27

Sliy wala ngi gwat ka mawuɗo, ɓa i wuluk ar gwat ngi zuma hirnga ɗikey na.

DIMISEY 119:73

Mindiriy ndar ndar, yo maciciy deŋ ti deŋ na, i ka, vuliy lesle, ɓa i dubuna ɓimuɗuva ɗikeye.

DIMISEY 85:4

Ki kiɗa mi ngi zuɓa himaˀ ɗik na le, ki muca mevel ɗik misi ka vu na le.

EZAYI 31:1

Mizli ara ram nga sipa jini ˀis a Ezipte, kay! I bonoy avu taŋ. A ɗuvaka wuluk taŋ taˀ ar pilisey, a pulaka vu taŋ da mota ngi pilisey asi taŋ haɗa, waɗ da misi pilisey asi taŋ migidaŋ. Amma a ɗuvaka hiri taˀ le ar Buymisemuŋ mipal ngi Israyele ta, t'anta sipaka Bumbulvuŋ ta.

EZAYI 42:9

Ani gwat mudumbuŋhoy a gam le si, amma ya i ra til mi ti ɓi ngi gwat nawayahay ma. Ɓa a sa gam tikeˀe na, yi wuɗ ki cinaka cin le.

EZAYI 43:22

Bumbulvuŋ a ɓi na: «Israyeley, ki zilam di i ya ta, mizli ngi Zakopoy, ani ki giram ti ya le gar ngi tumbul ɗu.

EZAYI 64:6

Ko mbur loŋ mazila slimiɗ ɗik anta, ko mbur mapuɗuk ɓa a gumbuˀ kap ti ka anta. Asi ki ɗumo mihiri ɗike le avu ndra, joˀ ki pula ndra mbak da malambaˀ ndra migaka vuna, ɓa i susuymom wãˀ le.

EZAYI 64:7

Ani, cine ndra i ka Bumbulvuŋ ngbaŋ, ndr'i hohoy ngatara, mindira ndra i ka, ndra gar na, ndr'i slra ngi haŋ ɗiki.

EZAYI 9:13

Vurˀe, ar hin purla si na, asi ruwuy Israyele, Bumbulvuŋ a buko hirnga ati dangwala, waɗ mihaŋ ngi dibinoje ati lavaɗaya.

ZEREMI 2:30

Ya makiɗa ziri kumoy na, i gir ngataraŋ, t'anta tiɓaka mi ngi kuti ta. Maslalam kumoy a zumaka mijiviɗ kumoyo le kap, kaɓa mobor maji gwatay sunok sunok.

ZEREMI 30:14

Mangasl ɗikey gar, a puyukom ti ka hirnga le, t'anta lukukuw mata. I kuɗuw le kaɓa makiɗam mesene, i kutuw kuti ngi bonoy le haɗi, vur mungra ɗik madiɗahay mihaɗi, waɗ vur malambaˀ ɗik makiɗ mi pas le ta na.

ZEREMI 31:18

I ra cine, haˀaw, Efrayim makuɗuma tuwuy na, i ra cine, a ɓi: «Ya zleˀe kaɓa ngaari manja siriki, amma ki sirkiy le. Na mo ti ya, ɓa i mo gu ng'avi ka, asi ka Bumbulvuŋ, ki Buymisemuŋ ɗu.

ZEREMI 44:23

Kum muwuram gwat ngi migamay da kulihey na, ki zluɓam ɓi le avu Bumbulvuŋ, ki cinakaŋ mi ta, ki sipaka ɓi naŋ mudubunukum di na ta, ɓimuɗuva naŋhay ati gwat naŋ mawuɗ cummo na, ki sipaka taŋ ta, bonoy muso lumukum na vurˀe, naŋ kaɓa mapur ani dana na!»

ZEREMI 44:27

I wi vu le weˀ ti taŋ ngi ga taŋ malambaˀ, mbak gi mezle le: Yudehey misi asi ruwuy Ezipte na, a sa zizam cek ti kiɗ ti maslalam waɗ ti may, hã a ngizlam pay wãˀ.

ZEREMI 5:3

Bumbulvuŋ, ka ki hiyĩ di i mbur magi teŋteŋ takwa? Ki kiɗa taŋ ti kiɗ kwana, amma ko a ga taŋ gwat ta, ki ra ngizla taŋ kwana, amma ko anta ngumam tiɓa mi ɗike ta si. ara gaka hirnga taŋ gidaŋ fineˀ ɗuguro, t'anta ngumam moko ng'avi ka ta.

TUWUY 5:21

Aw Bumbulvuŋ ndra, mo ti ndra ng'avi ka a muŋ, naɓa i sa moko gisiŋ gisiŋ, tiri ti hin ngi siifa ndra nawaya nawaya a muŋ, kaɓa misi zleˀe.

EZEKIYEL 16:43

Asi mike na, hin ngi gi diili ɗike, ki wulka keŋ ta, yo ki slikiɗiy mevel ti ɓi ngi gwat tayna gar. Yo kuy! Ya kwana, gi gwat ɗik na, i wuɗ i pa zayɓi nah nga hirnga ɗik vuna. Gwat ngi mesem hanayna, ki ga taŋ le jom nga hirnga gi gwat ɗik mukuy tahay na ta kwa? I ya Bumbulvuŋ, Buymisemuŋ maɓi.

DANIYEL 9:11

Israyeley gar a ngilaka ɓimujuwa ɗike, yo a mbiɗam duba manja a cunukuw mi. Vurˀe nis ati hazi mutoho ar ɓimujuwa ngi gawla ɗik Moyis na, a mbiɗam le nga hirnga ndra, asi i zluɓam ɓi le avu ka.

Ɗerewol OZE 7:10

Huhumo vu ngi mizli Israyeley, ara ga sedewo ngi hirnga taŋ tehhe a muŋ, amma ko a moko ng'avi ya Bumbulvuŋ Buymisemuŋ taŋ ta. gar ti nah kwana, a sipikiy ya Buymisemuŋ ta na si.

Ɗerewol OZE 7:14

Taŋ mawudam ng'avi ya na, ti mevel taŋ wãˀ ta. Taŋ tup tup ar li niˀici, a ciraka vuhoyo ɓulot ɓuloto, amma a gaka ngi luuma alkamari nawaya ati mbaazla si. Taŋ mabigaka cine mi taŋ na, da ya.

Ɗerewol OZE 7:7

Taŋ njulili gar, kaɓa li di ɗaf, a ngizlaka madiɗa taŋhaya le pay, buy taŋhay a ndilam le cek, ani, a wuzla taŋ, ko mbur pal ngi hizigo widi ng'avi ya anta.

Ɓimezle ngi Yesu Kristu LUK mitil di mi 24:45

Joˀ a wuna taŋ lesl ɓa a slaka wala ngi Ɓimutoho muduba so.

Ɓimezle ngi Yesu Kristu ZAŊ mitil di mi 10:35

Mizli Buymisemuŋ miɓa taŋ mingiɓi naŋ na, a zila taŋ buymisemuŋhoy. Na, mbur makiɗa Ɓimutoho avra gu, anta.

Ɓimezle ngi Yesu Kristu ZAŊ mitil di mi 6:45

Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya.

Ɓimezle ngi Yesu Kristu ZAŊ mitil di mi 8:32

Ki sa sinaka ɓi mikaslsla, ɓi mikaslsla a sa tiri ti kum mizli mulumam hirnga taŋ le.»

EFESEY 4:21

Ɓi mikaslsla ngi Yesu, ki cinaka le ɗaˀ gisiŋ. Kum misikristuhoyo, a dubunukum di i nah.

Slu cuw 29:4

A ngir ti kum wuzlaɓuh, hã vi kukur mufaɗ, ko zana kumoy a hiryam ta, yo tarak kumoy a hiryam a sar kumoyo ta.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.