DANIYEL 9:12 - Bible en langue guiziga

¹² Mingiɓi Buymisemuŋ miɓa zleˀe da ndra ati da buy miwi lihey muwam ndra na, a ga le wãˀ muduba. Ki so ndra ti mendere madiɗa, ko a gi ɗaˀ asi ruwuyo kaɓa magi ani a Zeruzalem na ta.

DANIYEL 9:12 ပူးပေါင်းရင်းမြစ်များ

BUYOY MUDUMBUŊ NAŊ 3:9

Ambuh! Bumbulvuŋ, vuliy lesl mezle da ya gawla ɗike, ɓa ngi zumabuy ar mizli ɗikey, yo ɓa ngi sla wala ngi mezle ati malambaˀa. Da kanah ta na, i wa mazum buy gu ar mizli ɗikey mupuɗaw hanayna ka?»

BUYOY MUCUW NAŊ 22:16

Bumbulvuŋ a ɓi na: «I wuɗ i go mendere ng'ar li hana waɗ ng'ar mizli ngi raˀahaya. Mingiɓi ngir ɗerewol buy zuda muslufa hana gar na, i ga muduba.

Ɗerewol JOP 12:17

Buymisemuŋ a ga ɓa mizli madiɗa ngi ngomnahay a laˀam kiŋ kiŋ lambaˀ, yo a ga ɓa migi kiitahay a bam hirngaŋ.

DIMISEY 148:11

Buy madiɗa ngi si ruwuyoy ati mizli gar, yarmahay ati buy ngi ruwuyoy gar,

DIMISEY 2:10

Na wurenna so na, kum buyoy, jam lesle. Migi kiita ngi si ruwuyoy, mbak mizli a kutukum.

MIKUCUWULOY 8:16

Yarmahay mawam li na, tisi ya, yo mizli madiɗa ngi buyoyo, i migi kiita mijeŋŋehey na, tisi ya.

EZAYI 43:28

Mizli madiɗa kumoy ngir hay nga ya Buymisemuŋ, yi vuso taŋ vus vus, yi vula mizli ngi Zakopoyo le, ɓa a ngizlaka taŋ ar slimiɗ ɗu, yo Israyeleye, yi pula taŋ le mbak, ɓa mesene taŋhay a zaka taŋ.

EZAYI 44:26

Ɓi ngi gawla ɗu maɓa na, yi gaŋ. Gwat ngi gi, mislin ɗuwoy mitilam di mi na, yi ga ɓa a gi kanah. Yi ɓi vur Zeruzaleme: «Anja mizli a pakaŋ.» Vur walahay Zudahaya, i ɓi: «Anja a ndiraka hiri taŋ a muŋ.» Gwat mihiryahay le zleˀe gar na, i sa slikiɗa hiri taŋ a muŋ.

ZEREMI 30:7

I bonoy mike gawlay! Haˀaw, hin nah, i hin madiɗaŋ, hin mubam vu ati naŋ anta wãˀ. I hin ngi bonoy avu Zakopo, amma a sa lahakaŋ ti raˀa.

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

ZEREMI 39:16

«A ra ɓa mingiɓi ani da Ebet-Melek, mbur Etiyopi: ‹Bumbulvuŋ misi gidaŋ wãˀ, Buymisemuŋ ngi Israyel a ɓi na: I wuɗ i ra luuma walahay hana tris ti ɓi ya miɓa taŋ tuwa, anta ngi gaŋ mezle ta, amma ngi gaŋ malambaˀa, kisa pura tapasa ti hiri ɗiki.

ZEREMI 44:23

Kum muwuram gwat ngi migamay da kulihey na, ki zluɓam ɓi le avu Bumbulvuŋ, ki cinakaŋ mi ta, ki sipaka ɓi naŋ mudubunukum di na ta, ɓimuɗuva naŋhay ati gwat naŋ mawuɗ cummo na, ki sipaka taŋ ta, bonoy muso lumukum na vurˀe, naŋ kaɓa mapur ani dana na!»

TUWUY 1:12

Kum mizli gar macohom ar jiviɗ hana, gwat misenna a gi ɗaˀ avu kumo ta, ani, puraka ɗi, ki puram bonoy ɗaˀ ɗaˀ ka nga ya na ta, ara guzuvuriy haɗi. I bonoy Bumbulvuŋ migiy di tapas naŋ muzuɓ himaˀ haɗa na.

TUWUY 2:13

Aw Zeruzalem ɗu Mimezle, i gi sedewo wana ar ka aruŋ maka? I sa wa ɓi ɗik ati ɓi wana aruŋ maka? I sa ɓuw di i ɓi wana ngi tikin ɗike, ɓa ki taˀa tuwuyo ka? Siyoŋ walahay Mimezle. Kay, hiryi mulumuw na, naŋ haɗa kaɓa firndiw ngi mubuliy. Mambuluw gu i waka?

TUWUY 2:17

Bumbulvuŋ a ga gwat naŋ muwulka ngi gi na le, ɓi naŋ ɓi micica zle ngadana ta na, a ga le. A nguɓuca gwataya, manja pura ircece. A ga ɓa mesene ɗik a mumul, vur ka misi ar bonoy na, a ska gidaŋ ngi mizli mazliram ti ka tahaya le.

TUWUY 4:6

Malambaˀ ngi mizli ɗuwoy migaka na, naŋ haɗa fineˀ malambaˀ ngi Sodom zleˀe, Sodom a kiɗ mi a haŋhaŋ si, manja mbur a kil widi naŋ.

EZEKIYEL 13:6

Pur gwat taŋ ti kleŋ na, i ɓi ngatara lambaˀa, yo ɓi taŋ manjikaka na, i ɓi ngi gi gilaw da mbur. Da ara ɓam na, a ɓam: ‹Hana i ɓi ngi Bumbulvuŋ›, manja ya Bumbulvuŋ vuna mislina taŋ si. Dar a kutukom, anja ɓa i ga gwat taŋ miɓaka vuna.

EZEKIYEL 5:9

I guw gwat ya miga ɗaˀ ta ngi mbuɗuw hirnga, asi gi gwat malambaˀ ɗikey na. I gwat misi y'anta sa ga mata ndiɗaˀ wãˀ.

DANIYEL 12:1

«Modro ngi Bumbulvuŋ a ɓiy na: ‹Ti hin tayna, Misel madiɗa ngi vurum ngi muŋhoyo naŋ macici zlak ar mizli ɗikey na, a sa bugo vu. A sa tiri i hin ngi muɗa didakay, zle ar zli virzi ngi ruwuy, hã dana, ko gwat ngi muɗa didak kanah, a gi ɗaˀ ta. Ti hin tayna, mizli ɗikey a sa laham, ko wa gar a wuzla taŋ, misi slimiɗ naŋ i mutoho le ar ɗerewol ngi siifa na, a sa lihi.

ZOWEL 2:2

I hin ngi luvuŋ, luvuŋ titira mihezek hezek, hin ngi gazlavay, gazlavay titira lozoŋ lozoŋ. Keɗ na, mizli sirgiɗim, mizli migidaŋhay, sirit hirnga muwãkaɓa li mawun maga hirnga muwã njahha zlar, ko a puram gwat kanah ɗaˀ ta, yo tumbuŋ kwana anta sa puram kanah mata ndiɗaˀ wãˀ, hã avu dideˀ ngi misin ti wakahay.

AMOS 3:2

A wuzla mizli ngi si ruwuyoy gar na, yi sin di i kum, vurˀe gwat malambaˀ miwãˀ kum migaka na, i sa cufuɗukum, ɓa kisa slufaka ɓi nah.

ZAKARI 1:6

Dambalaka ɓi ɗuwoy, ya miɓa taŋ ɗaˀ le, yo ɓi ya mujuwa taŋ a mevel ɗu, ya muvula asi haŋ ngi mijiviɗ, gawla ɗuwoy na, a ci le avu dideˀ kumoyo kwa? Dar a moko, taŋ ti balam taŋ a njikaka le, a ɓam: ‹Bumbulvuŋ misi gidaŋ wãˀa, a juwa le a mevele, a gi ti ndra le weˀe avu jiviɗ ndra masipakaŋ ati gwat ngi gi ndra, yo naŋ migi ti ndrakanah vuna, naŋ kaslsla gwaɗ naŋ.

ZAKARI 1:8

Ngi duvuɗ nah na, i pur gwata: mbur gilaˀ ar pilis muvurziŋŋe. Naŋ deŋ a wuzlakalaf miɗiɗahay tukuf tukuf ar sozo. Ti dirba naŋ na, pilis mivirziŋŋe, birfikke waɗ babarahay.

ZAKARI 7:12

A tiram ti mevel taŋ gidaŋ ka ɗugur mupuɗaw gingiliw gingiliw, mingiɓi Bumbulvuŋ misi gidaŋ wãˀ, ˀUf naŋ ati mijiviɗ misi zleˀehey maɓaka taŋ di na, ɓa a cine ka ta Dar Bumbulvuŋ misi gidaŋ wãˀa, a slikiɗ mevel haɗa teˀe.

Matiye 24:21

Asi mike na, tapasa, bonoy madiɗa a sa ndilawa. Zle avu ɗuva virzi ngi duniya hã dana na, ko bonoy migi ɗaˀ kanah anta, yo ko bonoy masa gi kanah anta ma kini.

Matiye 5:18

Gisiŋ, yi ɓukum na: ɓa hã muŋ ati hirwuy a sa kiɗam mi na, ko gwat meciɗek mineˀ ar Ɓimujuwa masa kiɗ avra anta, sey da gwatay a gam le cek far.

Mark 13:19

Naŋ kine, tapasa, mizli a sa sam bonoy haɗi. Zle avu Buymisemuŋ miga duniya hã wurenna na, ko mbur misi bonoy kanah anta, yo ko mbur masa si bonoy kanah anta ndiɗaˀ wãˀ.

Ɓimezle ngi Yesu Kristu LUK mitil di mi 21:22

Asi hin nah na, a sa gi i hin ngi pula cuwal, ɓa ɓi mutohoko gar a gi muduba.

ROMAHAY 15:8

Naŋ kine, i ɓukum na: Kristu mitiri gawla ngi Yudehey na, ɓa a biga taŋ di, Buymisemuŋ naŋ jeŋŋe, ɓa gwat Buymisemuŋ miɓa ɗaˀ le zleˀe da dideˀ mudumbuŋ ngi Yudehey na, a gi muduba,