DANIYEL 9:11 - Bible en langue guiziga

¹¹ Israyeley gar a ngilaka ɓimujuwa ɗike, yo a mbiɗam duba manja a cunukuw mi. Vurˀe nis ati hazi mutoho ar ɓimujuwa ngi gawla ɗik Moyis na, a mbiɗam le nga hirnga ndra, asi i zluɓam ɓi le avu ka.

DANIYEL 9:11 ပူးပေါင်းရင်းမြစ်များ

BUYOY MUCUW NAŊ 18:12

Ɓi nah migi kanah na, asi Israyeley a cinaka mi ngi Bumbulvuŋ Buymisemuŋ, taŋ na ta, yo asi taŋ mingilaka ɓi naŋ mujum di ˀay ati taŋ na ma. Moyis, gawla ngi Buymisemuŋ, ɓi naŋ muvula taŋ di gar na, ko a cinaka ta, yo a gam di slra ta.

BUYOY MUCUW NAŊ 22:16

Bumbulvuŋ a ɓi na: «I wuɗ i go mendere ng'ar li hana waɗ ng'ar mizli ngi raˀahaya. Mingiɓi ngir ɗerewol buy zuda muslufa hana gar na, i ga muduba.

EZAYI 1:3

Ko sla kwana, a si na buy naŋ, yo zungu, a si na li zum naŋ nga hay buy naŋ le, amma Israyeley a sinam gwat ta. Mizli ɗuwoy anta slaka wala ngi ɓi ta.»

EZAYI 43:28

Mizli madiɗa kumoy ngir hay nga ya Buymisemuŋ, yi vuso taŋ vus vus, yi vula mizli ngi Zakopoyo le, ɓa a ngizlaka taŋ ar slimiɗ ɗu, yo Israyeleye, yi pula taŋ le mbak, ɓa mesene taŋhay a zaka taŋ.

ZEREMI 16:11

Ka kisa ɓa taŋ na: «I gukum di kahana, asi dideˀ kumoy a pulikiy le, ara sipam kulihey, a huruk hurukam, yo a hurukom a mbuŋ taŋ. A pulikiy ya le mbaka, yo gwat ya mudubuna taŋ di na, a jaka a hirnga ta.

ZEREMI 2:29

Ki tuwam ti ya vur mike? Ki mbiɗam hirnga le cek avu ya. I ya Bumbulvuŋ maɓi.

ZEREMI 30:14

Mangasl ɗikey gar, a puyukom ti ka hirnga le, t'anta lukukuw mata. I kuɗuw le kaɓa makiɗam mesene, i kutuw kuti ngi bonoy le haɗi, vur mungra ɗik madiɗahay mihaɗi, waɗ vur malambaˀ ɗik makiɗ mi pas le ta na.

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

ZEREMI 40:3

Bumbulvuŋ a so ti bonoyo le, a gi di i gwat mikaslsla kaɓa naŋ ɓi micica ɓi naŋ. Gwat mindilo kahana na, asi ki zluɓaka le, ki cinaka mi da Bumbulvuŋ ta.

ZEREMI 44:22

Gwat ngi gi kum ngi moˀore zleˀe, yo malambaˀ kum mukuyta wãˀ migaka zleˀe na, Bumbulvuŋ anta ɓusa ɓi nah mata, yo ma na, hirwuy kumo, a tiri diŋ le, li cay daŋ daŋ lambaˀ. Mizli ara nisam vu ti slimiɗ ngi hirwuy kum vuna, mbur loŋ anta ara ta, naŋ kaɓa mapur ani dana na!

ZEREMI 44:23

Kum muwuram gwat ngi migamay da kulihey na, ki zluɓam ɓi le avu Bumbulvuŋ, ki cinakaŋ mi ta, ki sipaka ɓi naŋ mudubunukum di na ta, ɓimuɗuva naŋhay ati gwat naŋ mawuɗ cummo na, ki sipaka taŋ ta, bonoy muso lumukum na vurˀe, naŋ kaɓa mapur ani dana na!»

ZEREMI 6:19

Mizli ngi si ruwuy keɗeɗe, cinam ɗi: Yi wuɗ i slino hiryi ng'ar mizli tayna, i migir ngi wuluk ngi kwacay taŋ malambaˀ na. Anta jam lesl ar mingiɓi ɗu ta, yo ɓi ɗu, ya madubuna taŋ di gar na, a burɗaka ɓi nah.

DANIYEL 9:13

Mendere tayna gar a gam ar ndra, kaɓa mutoho ar ɓimujuwa ngi Moyis. Amma i pulaka gwat malambaˀ ndraˀahaya ta, i jikam slimiɗ asi ɓi mikaslsla ɗike, ɓa i tuslukuw mevel da ka Bumbulvuŋ Buymisemuŋ ndra ta.

DANIYEL 9:5

I gam mungra le, i gam gwat malambaˀ le. I gam moˀore le, i slikiɗam ɓi le, yo i mbuɗam duba le avu ɓimuɗuva ati ɓi miɗaˀ le ɗikeye.

ZAKARI 1:6

Dambalaka ɓi ɗuwoy, ya miɓa taŋ ɗaˀ le, yo ɓi ya mujuwa taŋ a mevel ɗu, ya muvula asi haŋ ngi mijiviɗ, gawla ɗuwoy na, a ci le avu dideˀ kumoyo kwa? Dar a moko, taŋ ti balam taŋ a njikaka le, a ɓam: ‹Bumbulvuŋ misi gidaŋ wãˀa, a juwa le a mevele, a gi ti ndra le weˀe avu jiviɗ ndra masipakaŋ ati gwat ngi gi ndra, yo naŋ migi ti ndrakanah vuna, naŋ kaslsla gwaɗ naŋ.

ZAKARI 7:12

A tiram ti mevel taŋ gidaŋ ka ɗugur mupuɗaw gingiliw gingiliw, mingiɓi Bumbulvuŋ misi gidaŋ wãˀ, ˀUf naŋ ati mijiviɗ misi zleˀehey maɓaka taŋ di na, ɓa a cine ka ta Dar Bumbulvuŋ misi gidaŋ wãˀa, a slikiɗ mevel haɗa teˀe.

ZAKARI 8:13

Naŋ kine, kum Zudahay ati kum Israyeley, ani ki bigaka le a wuzla sukwi mekelemeye, kum i mizli minisahay le. Naŋ kine ya, i sa luhukum, yo i sa biga, kum i mizli muɗuwulukum mi le. Cicam gidaŋ gidaŋ, ki zluwunam ta so!»

Slu cuw 8:20

Haˀaw, da kum anta cinaka mi da Bumbulvuŋ Buymisemuŋ kumo ta na, a sa nguzlukum pay, kaɓa naŋ masa ngizla sukwi ngi mizli a mbuŋ kum na ya.