DANIYEL 8:8 - Bible en langue guiziga

⁸ Bazuway ara gil kuy kuy. Amma naŋ minaha vu so na, durum naŋ madiɗa tuwa a ngil, mekelemey yor mufaɗ, a boko ar li naŋ, pulaˀ pulaˀ ng'asi diˀis mumufaɗaya.

DANIYEL 8:8 ပူးပေါင်းရင်းမြစ်များ

ƁI NGI HINEY MUCUW NAŊ 26:16

Naŋ migidaŋ haɗa tuwa na, a zla huhumo vu a mevele, hã ara zizaŋ, a zla gi teŋteŋ a mbuŋ Bumbulvuŋ Buymisemuŋ naŋ mata: a ci ng'ar hay ngi Bumbulvuŋ nga wura mukuturɓuy ar li gi mikuli ti urdi.

ESTER 9:4

Gisiŋ, Mardoke i mbur madiɗa a hay buyo gwaɗ naŋ. Mizli ara zilaka slimiɗ naŋ ti mezle ar li ngi buy miwi liheye gar. Naŋ kanah, Mardoke ara tiri madiɗa nga mbuŋ nga mbuŋ.

ZEREMI 49:36

Tir vay muŋ, yo tir vay ruwuy, tisi pas ngi miprik, yo tisi pas ngi pastaˀa, i sa go himiɗ mumufaɗay na ng'ar Elama, i sa zliɗa taŋ hirnga suɓulak si li gar, mizli Elamay mizliɗam hirnga na, a sa ndilam angi sukwi gar, sukwi masa ndir manja a ndilam a diga na anta.

ZEREMI 5:27

Hay taŋhaya, ndeŋ ndeŋ ti gwat muhulohoy, kaɓa hay ngi ɗiyuw mindeŋ ndeŋ ti ɗiyuwoy. A tiram mizli madiɗahay, misi zlilihey na vueˀe,

EZEKIYEL 16:7

Yi giluw kaɓa giziŋ ar guva. Dar ki zla ki ra muruɗu, ki ra gil, hã ki tiri kuy gwatta. Ki zla bo ti ɗuwa, ngwic ara pusawa, amma ka manja zana, gulndiŋ kine.

EZEKIYEL 28:9

Ko a mihiri ngi mbur masa kuɗuw vagay vuna kwana, kisa ɓi: ‹Yi kuli›, aruŋ na si kwa? Ki pura vu ɗike kaɓa ki Buymisemuŋ. Amma na, ka ki mbur titra ngbaŋ. Mbur ɗu, kisa ndir a haŋ mbur masa kuɗuw vagay na si.

DANIYEL 11:4

Da naŋ misa cifi le kuy kuy ar buyo na, gidaŋ nga naŋ ngi zuma buyo a sa kiɗi, zumabuy naŋ a sa wuɗkaka asi gazlavay kuɗgulum gar. Anta i dideˀ naŋhay masa zumaka li naŋ ta, anta sa ndilaka gidaŋ nga naŋ miwi di mizli zleˀe na ta, asi zumabuy nga naŋ a sa kiɗi, anta sa mo ng'asi haŋ taŋ mata.

DANIYEL 4:31

Nabukodonozor a ɓi: «Ar kiɗa mi ngi vi tarnaˀ na, ya Nabukodonozoro, i zuɓa hiri paɗ nga muŋ na, wuluk ɗu a mawa a muŋ. I ga sise da Buymisemuŋ Mimadiɗa wãˀa, yo i hunumaŋ, i ga dudok da misi ti siifa ngi sete. Zuma buy nga naŋ, i zumabuy ngi sete, yo zumabuy nga naŋ, naŋ vur dideˀ vur dideˀ.

DANIYEL 5:20

Joˀ a huhum, hirnga naŋ a tiri gidaŋ haɗa. Dar a putukusokoŋ tir janga naŋ ngi buyo, a tiɓaka dudok naŋ.

DANIYEL 7:2

Daniyel a zla a ɓi: «Ngi hiikuɗo, i pur gwat ti kleŋ. Himiɗ a so tisi diˀisey mufaɗ taŋ ng'ar mubuliy madiɗa.

DANIYEL 7:6

A dirba nah, i ra pur hiri ma ni, keɗ na, mekelem deŋ ma. A bam vu ati kokoyta, kirpasl ngi ɗiyuw kaˀ kaˀ mufaɗ a duba, hirnga mufaɗ. A vulakaŋ buy madiɗa miwãˀ.

DANIYEL 8:22

Ti durum mingil na, mekelemey a boko mufaɗ ar li naŋ. Tayna i buyoy mufaɗ masa boko ti hirwuy nah, amma anta a lumaka gidaŋ nga naŋ na ta.

DANIYEL 8:5

I ra wuluk ara zleˀe, keɗ na, bazuway a bo tisi pas ngi pastaˀa. A bula ruwuyo bal bal kurzluˀ, amma a ɗuva sar a ruwuyo ta. Bazuway nah vuna, naŋ ti durumoy giŋ giŋ ar wala ngi hiriheye.

DANIYEL 8:7

I ra pura, a ndil a ciki zlengereke, a zuɓ mevel fõh fõh ng'ara. A kiɗa zlengerek tuwa, a ngilaŋ durumoyo cuw taŋ, zlengerek a lum gidaŋ ngi cici a mbuŋ naŋ gu ta. A zlumbura nga ruwuy, a gudubura asi sar. Mbur ngi tiɓa zlengerek avaˀa, ko anta loŋ ta.

Matiye 24:31

Yo a sa slina modro naŋhay misi a muŋ, ɓa a faka tulum a mivay ngi ruwuy mufaɗ taŋ gar. A sa kusoko mizli naŋ muwuna taŋ angi duniya kuɗgulum gar.

Mark 13:27

Dar a sa slina modro naŋhay nga mivay ngi ruwuy mufaɗ gar, zle avu kiɗa mi ngi ruwuy hã avu mekelem, ɓa a cikila mizli muwunahaya.

Slu cuw 31:20

Naŋ kine, yi sa ci ti mizli tayna nga hirwuy misi ɗuwa ati mam ara ɓulom a ra, hirwuy ya miɓa ti hudum da dideˀ taŋhay tuwa. Adiga, a sa zumam ka taŋ mawuɗam, a zlumburam. A dirba nah, a sa mbiɗam hiri ng'avu kulihey, a gaka gwat kulihey mawuɗama. A sa hirsikiy ya, a sa ngilaka jumoˀay ɗu ati taŋ.

ƁIMUNJUYO 7:1

A dirba nah na, i pur modro ngi Buymisemuŋhoy mufaɗ, dedeŋ ar zlirɗiy ngi hirwuy mufaɗ taŋ gar. A tikaka himiɗ mumufaɗ ngi si duniya gar, ɓa a gi asi ruwuyo ta. Ko angi mubuliy, malla ko angi widis pal tekeɗe, a gi ta.