DANIYEL 8:25 - Bible en langue guiziga

²⁵ Naŋ misi ti wer tuwa, a sa si na tikina vu gisiŋ gisiŋ. A sa gil ti huhumo vu a mevele, yo a sa ngisl zigiduw mapuraka kaɓa taŋ zuy zuyo. A sa zlir didak ati madiɗa ngi yarmahay, amma a sa ngilakaŋ ngiɓac ngiɓac, ko mitiɓi naŋ anta pal ta.

DANIYEL 8:25 ပူးပေါင်းရင်းမြစ်များ

Ɗerewol JOP 34:20

Akẽh na, mizli madiɗa tayna a micam gurjik ti wuzla duvuɗo si, mizli a wusam haɓar haɓar, joˀ buyoy a ngizlam kap, a zizaka mbur migidaŋ wãˀa, manja haŋ kaw le ava.

ZEREMI 48:26

Moˀap mawa vu naŋ fineˀ Bumbulvuŋ na, wakaŋ duwlak ti mbaazla. Puraka ara kiɗ vu ti vunuh naŋ na. A ndir ɓa mizli a singiram angi naŋ ya!

TUWUY 4:6

Malambaˀ ngi mizli ɗuwoy migaka na, naŋ haɗa fineˀ malambaˀ ngi Sodom zleˀe, Sodom a kiɗ mi a haŋhaŋ si, manja mbur a kil widi naŋ.

DANIYEL 11:12

Buy vay ruwuyo naŋ mulum bugawla ar zigiduw na, a huhum vu. A kiɗ sojehey durmuk mbeˀ mbeˀ, amma ko a lum bugawla vurˀe ta na si.

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 7:26

A dirba nah, a sa cifam ngi gi kiita, a sa tikakaŋ ngi zuma buyo, ɓa a susuyumokoŋ, a zizakaŋ ngi wãˀ.

DANIYEL 7:8

I ra singila durum naŋhaya zleˀe, keɗ na, durum mekelem meciɗek, ara bo a wuzla taŋ. A wuzla durum mudumbuŋhoy mimakire, a muɗaka taŋ a mbuŋ naŋ. Durum meciɗek tuwa, hiri ava kaɓa hiri ngi mbur waɗ mi maɓi ɓi ngi huhumo vu.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

SLRA 12:23

Amma angi nah vuna si na, modro ngi Bumbulvuŋ, a kiɗa Herodo, asi a ɗuva hirnga da Buymisemuŋ ta. Mumuyuŋ a zumaŋ, a mucu.

TESALONIKEY MUCUW NAŊ 2:3

Anja ko ki pulaka mbur a gukum gilaw ko ti ɓi wanaka ta wãˀ si. Asi hin nah na, anta ndilo lambaˀ kine ta, amma sey slikiɗa ɓi ngi durba wãˀ, yo mbur misi moˀore, muzuwulakaŋ ngi zizi angi vu na kwana, sey naŋ mubugo vu le ɗagay.

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»