DANIYEL 8:24 - Bible en langue guiziga

²⁴ Gidaŋ naŋ ngi wi mizli, a sa ru nga mbuŋ nga mbuŋ, amma anta ti gidaŋ ngi hirnga naŋ ta. A sa wuh gwatay haɗa, yo gwat naŋ muwuɗ le ngi gi gar na, a sa gi. A sa ngizl mizli migidaŋhay, mizli ngi Bumbulvuŋhay.

DANIYEL 8:24 ပူးပေါင်းရင်းမြစ်များ

DIMISEY 37:35

Yi pur mbur miziriɗa mi le, maga gwata gaɗay gaɗay le, yo a cici le zlak gidaŋ gidaŋ kaɓa widis mutukuzo.

DANIYEL 11:23

A sa jumˀay ati buy nah tuwa, ɓa a tikin vu. A sa zli mizli ngi kiɗa vu, amma a sa lum bugawla ti mizli naŋhay mineˀ vuna.

DANIYEL 12:7

Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

DANIYEL 8:10

A cici zlak ngi kiɗa vu ati vurum ngi muŋhoy. Vurum ngi muŋhoy cah waɗ wurzlaŋhaya, a zliɗo taŋ nga ruwuy, a gudubura taŋ asi sar.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

DANIYEL 8:12

Vurum ngi muŋhoy jom ati mikuli magaka vur hin gara, a vulaka taŋ ti mevel. Durumo, a hizigo ɓi mikaslsla nga ruwuy. Gwat naŋ muwuɗ gar ngi gi na, a gi le.

DANIYEL 8:23

Ar kiɗa mi ngi zumabuy taŋ na, misi moˀorehey a gaka moˀore taŋ, a mbam di le muduba so na, a dirba nah, buy muhuhumo vu, misi wer ngi tikina vu a sa bawa.

ƁIMUNJUYO 16:6

Naŋ kine, taŋ mipaka pumbus ngi mizli ɗikey ati ngi mijiviɗ ɗikey na, wurenna, ki vula taŋ pumbus ɓa a saka ya. A ndilaka le ngi lum naŋ.»

ƁIMUNJUYO 17:17

Asi i Buymisemuŋ mica wuluk naŋ a mevel taŋ, ɓa a gaka gwat naŋ mujuwa ngi gi na, ɓa a vulaka zumabuy taŋ ngi gi slra ngi gwat misããmi, hã gwat Buymisemuŋ miɓa gar na a gi ɗagay.

ƁIMUNJUYO 17:6

Keɗ na, ngwas tuwa a wi le ti pumbus ngi mizli ngi Buymisemuŋhoy, waɗ ti pumbus ngi migi sedewo ngi Yesuhoy. Ya mupura keɗ na, a giy welele teˀe.

ƁIMUNJUYO 19:2

Asi kiita naŋ miga na, naŋ ti jiviɗ naŋ kaslsla, jeŋŋe. A sla kiita le da ngwas sulome madiɗa mihirya hirwuy ti sulome naŋ na. Yo a pul di i cuwal ngi pumbus ngi gawla naŋhay.»