DANIYEL 8:19 - Bible en langue guiziga

¹⁹ Joˀ a ɓiy: «Gwat masa ndilo a dirba mevel mufõh fõh na, i wuɗ i njukuw di, asi kiɗa mi ngi hin i misla le si.

DANIYEL 8:19 ပူးပေါင်းရင်းမြစ်များ

DIMISEY 102:13

Amma ka Bumbulvuŋ, ki buy madiɗa ngi caˀa, mizli a sa slufaka ɓi ɗike, hã ngi set, ngi samadin.

DANIYEL 11:27

Buy mucuwoy na, a sa zliram ar zuma gwat ar sikiɗ purla, taŋ muroko ti moˀore ndus ndus a kwacay tuwa, a sa gam slir tewle. Amma anta sa gi ta, asi hin ngi kiɗa mi na, sey a ndila hin nah.

DANIYEL 12:4

Naka, Daniyele, ndir ti mingiɓi hana yaŋ a mevel ɗiki, yo slirɓa ɗerewol hana sliraɓ hã avu kiɗa mi ngi hin. Mizli haɗa a sa slufaka, yo sin taŋ kwana a sa sik nga mbuŋ aya.»

DANIYEL 8:23

Ar kiɗa mi ngi zumabuy taŋ na, misi moˀorehey a gaka moˀore taŋ, a mbam di le muduba so na, a dirba nah, buy muhuhumo vu, misi wer ngi tikina vu a sa bawa.

HABAKUK 2:3

asi gwat ka mupura ti kleŋ na, hin naŋ i manja sli aruŋ. Naŋ gweˀ ngi kiɗa mi, anta sa gi slir ta. Da ki puraka le kaɓa ara mur na, kutukokoŋ, asi a sa ndilo gbaˀa, ko anta mur ta.

Ɓimezle ngi Yesu Kristu LUK mitil di mi 21:23

Tapasa, ngwas misi ti huroy ati ngwas misi ziri a dubahay na, kay, taŋ ar bonoy! Asi bonoy madidiɗa a sa gi asi ruwuyo, yo himaˀ ngi Buymisemuŋ a sa pi a hirnga mizli tayna.

ƁIMUNJUYO 1:1

Gwatay magam na, Yesu Kristu a njika taŋ le ar li babara. Gwatay masa gam gweˀ na, Buymisemuŋ a pulaŋ ɓi nah ɓa a biga da gawla naŋhay. Kristu a slina modro naŋ ng'avi gawla naŋ Zaŋ, ɓa a bigaŋ ɓi nah.

ƁIMUNJUYO 10:7

Amma tapas mizli masa cinam modro mitarnaˀ naŋ masa zla fi tulum naŋ na, naɓa Buymisemuŋ a sa kiɗa mi ngi ɓi naŋ muɗum na, kaɓa naŋ mitil mi ti ɓi nah da mijiviɗ, gawla naŋhay zleˀe.»

ƁIMUNJUYO 11:18

Sukwi ngi mizli a slam himaˀ le avu ka, amma hin a ndila le ɓa mazuɓ himaˀ, i kaha. I hin ngi ga kiita da mizli mumucahay, hin ngi wurka migir ngi mijiviɗ, gawla ɗikey, ngi wurka mizli ɗikey, waɗ ngi mizli muzluwun ti kahay, ko mizli mizlewey malla ko mizli madiɗahay gar. I hin ngi ziza mizli mahiryaka hirwuy na.»

ƁIMUNJUYO 15:1

Dar i pur gwat mekelem a muŋ ma, i gwat mabigi gwat. Naŋ madiɗa, yo i gwat ngi zuma hirnga. I modro ngi Buymisemuŋhoy tarnaˀ ti bonoyoy tarnaˀ kaw kaw a haŋ. I bonoy ngi dirbahay wãˀ, asi himaˀ ngi Buymisemuŋ na, i taŋ masa kiɗaka mi naŋ.

ƁIMUNJUYO 17:17

Asi i Buymisemuŋ mica wuluk naŋ a mevel taŋ, ɓa a gaka gwat naŋ mujuwa ngi gi na, ɓa a vulaka zumabuy taŋ ngi gi slra ngi gwat misããmi, hã gwat Buymisemuŋ miɓa gar na a gi ɗagay.