DANIYEL 8:14 - Bible en langue guiziga

¹⁴ A ɓiy: «Sey hiney a cohom durmuk durmuk cuw ti skat skat makir ɗagay, a dirba nah, hay ngi Buymisemuŋ a sa ndiraka ti jiviɗ naŋ.»

DANIYEL 8:14 ပူးပေါင်းရင်းမြစ်များ

ZLI VIRZI 1:5

Buymisemuŋ a vula slimiɗ da li minjahha tuwa ‹papasa›, yo luvuŋ kwana ‹duvuɗu.› Hiikuɗ a ji, yo li a wun, hana i hin mudumbuŋ naŋ.

EZAYI 1:27

Walahay Siyoŋ a sa lih asi naŋ magi gwat mijeŋŋe, yo mizli ngi raˀahay mimbiɗam mevel na, a sa laham asi taŋ magaka gwata kasl kasla.

EZAYI 45:25

Amma dideˀ ngi Israyeleye, a sa ndiram jeŋŋe, yo a sa mumulom na, mbele ya.»

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 12:12

Mbur masa kutuko hin nah, yo masa ndila hin durmuk ti skat skat makir ti kukur makir nga zlum na, naŋ ar mumul.

DANIYEL 12:7

Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

DANIYEL 8:26

Ka mupur gwatay ti kleŋ ngi pastaˀ ati ngi miprik kaɓa miɓaka ɓi naŋ na, naŋ kaslsla gisiŋ. Ka ja gwat ka mupura ti kleŋ hana ɗum a kwacay ɗik. Asi naŋ vur hin mikileŋhey.»

GALATAY 3:8

Na zle, Buymisemuŋ masa ɗiya mizli Yudehey ta jeŋŋe a mbuŋ naŋ, asi tiɓi taŋ, Ɓimutoho a ɓa ɓimezle hana le daf dumbuŋ da Abrahama zleˀe si: «Buymisemuŋ a sa ɗuwula mi da sukwi ngi mizli gar tisi ka.»

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 12:14

Amma a vulaka kirpaslay cuw da ngwas tuwa, kirpasl ngi mulu madiɗa, ɓa a slikiɗ di nga wuzlaɓuh mikirɗak kirɗaka, li muwakaŋ di vu ɓa ngi zum a diga, hã vi makir ti reta, kileŋ a mihiri ngi kawa.

ƁIMUNJUYO 13:5

A pulaka jiviɗ da gwat misããmi ɓa a bo ti ɓi ngi huhumvu, waɗ ɓi ngi zi Buymisemuŋ. A vulakaŋ gidaŋ ngi ga slra naŋ, hã kiya kukur mufaɗ nga cuw.