DANIYEL 8:11 - Bible en langue guiziga

¹¹ A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

DANIYEL 8:11 ပူးပေါင်းရင်းမြစ်များ

EZAYI 37:23

Ka mizi na i waka? Ka miɓi ɓi malambaˀ na, ar waka? Ka mubuc na, i waka? Yo ka mupur hiris le na, i waka? I ya Bumbulvuŋ mipal kine ngi Israyel na takwa?

EZAYI 37:29

Asi ka mislikiɗ himaˀ fõh fõh ng'ar ya, yo ya micina huhumo vu ɗik na cin cin na, yi sa cuw ɓiri avu hutuŋ, waɗ lejeŋ kulaˀ a mi, joˀ yi sa mi ti ka ngi hay ɗike, tir jiviɗ ka muso zleˀe ti raˀa na a muŋ.

ZEREMI 48:26

Moˀap mawa vu naŋ fineˀ Bumbulvuŋ na, wakaŋ duwlak ti mbaazla. Puraka ara kiɗ vu ti vunuh naŋ na. A ndir ɓa mizli a singiram angi naŋ ya!

ZEREMI 48:42

A wahaka Moˀapa le, t'anta i mizli sukwi taˀ mata, asi a ga vu naŋ kaɓa a funa Bumbulvuŋ le.

EZEKIYEL 46:14

Vur hin gar na, a sa vul kilo zlum waɗ mal litir cuw ngi fukuɗa hapa. Hana i gwat ngi vul ngi mikuli da ya Bumbulvuŋ, i ɓimuɗuva mandir caˀa kine.

DANIYEL 11:22

Mizli matiɓaka hirwuy ti gidaŋ na, a sa ngizlam pay a mbuŋ naŋ, jom ati buy ngi mizli mujumom ˀay le.

DANIYEL 11:31

A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 12:11

Zle avu hin ngi mikuli vur hin gar masa kiɗ mi, hã tapas masa kaka malambaˀ mukuyta wãˀ ngi hirya gwata, ɓaˀ ar li gi mikuli na, naɓa hin a gi le durmuk ti skat skat cuw ti kukur ngoltir.

DANIYEL 5:23

Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.

DANIYEL 7:25

A sa ɓi ɓi malambaˀ ar Buymisemuŋ Mimadiɗa wãˀa, yo a sa guzuvura mizli ngi Buymisemuŋ Mimadiɗa. A sa wuɗ ɓa a mbiɗa hin ngi muguzlumoy ati ɓimujuwahaya. Mizli tayna a sa ndiram asi haŋ naŋ ngi vi makir ti reta.

DANIYEL 8:12

Vurum ngi muŋhoy jom ati mikuli magaka vur hin gara, a vulaka taŋ ti mevel. Durumo, a hizigo ɓi mikaslsla nga ruwuy. Gwat naŋ muwuɗ gar ngi gi na, a gi le.

DANIYEL 8:24

Gidaŋ naŋ ngi wi mizli, a sa ru nga mbuŋ nga mbuŋ, amma anta ti gidaŋ ngi hirnga naŋ ta. A sa wuh gwatay haɗa, yo gwat naŋ muwuɗ le ngi gi gar na, a sa gi. A sa ngizl mizli migidaŋhay, mizli ngi Bumbulvuŋhay.

DANIYEL 8:25

Naŋ misi ti wer tuwa, a sa si na tikina vu gisiŋ gisiŋ. A sa gil ti huhumo vu a mevele, yo a sa ngisl zigiduw mapuraka kaɓa taŋ zuy zuyo. A sa zlir didak ati madiɗa ngi yarmahay, amma a sa ngilakaŋ ngiɓac ngiɓac, ko mitiɓi naŋ anta pal ta.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

SLUFA VU 28:3

Ki sa ɓa taŋ: «vur hin gar na, kisa soko ti ziri tumuŋ ngi vi pal palay cuw da ya Bumbulvuŋ, tumuŋ manja hereweɗ avu taŋ, a sa zlumaka taŋ zlam zlam wãˀ vur hin gar, anta mbak le ta.

Ɓimezle ngi Yesu Kristu LUK mitil di mi 21:24

Maslalam a sa zuma taŋ, a sa jaka taŋ ng'ar beke, a sa jaka taŋ nga wuzla sukwi ngi mizli ngi ruwuyoy gar. Sukwi mekelemey a sa kirpaka Zeruzaleme asi sar, hã da hin taŋ mikiɗ mi le.

TESALONIKEY MUCUW NAŊ 2:4

Gwat gar mizli mapuraka kaɓa i bumbulvuŋ, malla madilkam a mbuŋ naŋ gar na, mbur misi moˀore nah na, a sa tika mizli ɓa a dilkam a mbuŋ naŋ ta. Hã a sa ci angi hay ngi Buymisemuŋ, naŋ ti hirnga naŋ a sa til mi, a ɓi: «Yi Buymisemuŋ.»

HEBEREY 2:10

Naŋ kine, Buymisemuŋ miga gwatay gar, yo naŋ majaha taŋ gar na, a zlir le ava ɓa a tiri ti Yesu, a sa bonoy naŋ na, ko gwat makic neˀ anga, anta wãˀ, ɓa aru ti ziri haɗi nga lum dudok naŋ na ya. Asi mabiga taŋ jiviɗ ngi lih, i naŋ.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»