DANIYEL 8:10 - Bible en langue guiziga

¹⁰ A cici zlak ngi kiɗa vu ati vurum ngi muŋhoy. Vurum ngi muŋhoy cah waɗ wurzlaŋhaya, a zliɗo taŋ nga ruwuy, a gudubura taŋ asi sar.

DANIYEL 8:10 ပူးပေါင်းရင်းမြစ်များ

EZAYI 14:13

Ki ɓi zleˀe: «I sa jiɗ sesẽŋ a muŋ, janga ɗu ngi buyo, i sa ɗuva njuroŋ a hirnga wurzlaŋ ngi Buymisemuŋhoy. I sa cifi a hirnga muwã ngi mizli ngi muŋhoy makusom a diga, ar li vay muŋ mira kiɗo mi ndoko.

ZEREMI 48:26

Moˀap mawa vu naŋ fineˀ Bumbulvuŋ na, wakaŋ duwlak ti mbaazla. Puraka ara kiɗ vu ti vunuh naŋ na. A ndir ɓa mizli a singiram angi naŋ ya!

DANIYEL 11:28

Buy vay muŋ, a sa mi nga ruwuy naŋ ti zlili haɗa. Sukwi ngi Buymisemuŋ mujum ˀay ati taŋ, naŋ a muro ti wuluk malambaˀ ar taŋ tuwa na, a wuɗ a ga wãˀ muduba, a sa mi nga hirwuy naŋ a muŋ.

DANIYEL 11:30

Mizli ngi si pas ngi miprik a sa soko nga zlir dibiɗ ati naŋ, amma a sa gaŋ vagas. A sa zuɓ huma fõh fõh ng'ar sukwi Buymisemuŋ mujum ˀay ati taŋ tuwa ma.

DANIYEL 7:7

A dirba naŋ ma na, i ro pur gwat ti kleŋ ngi hiikuɗo na si, keɗ na, gwat misahmi mumufaɗ naŋ deŋ. A gi zluwun, a muɗ didaka, naŋ gidaŋ haɗa. Naŋ ti sliŋ ngi ɓirihey ngoryoŋ ngoryoŋ. A ra zum gwat, ara nguwa gwata, a gudubura is naŋ asi sar. Naŋ wal avu gwat misahmi mudumbuŋhoyo, yo naŋ ti durumoy kuruˀu.

DANIYEL 8:7

I ra pura, a ndil a ciki zlengereke, a zuɓ mevel fõh fõh ng'ara. A kiɗa zlengerek tuwa, a ngilaŋ durumoyo cuw taŋ, zlengerek a lum gidaŋ ngi cici a mbuŋ naŋ gu ta. A zlumbura nga ruwuy, a gudubura asi sar. Mbur ngi tiɓa zlengerek avaˀa, ko anta loŋ ta.

ƁIMUNJUYO 12:4

Wurzlaŋ ngi muŋhoy muwuɗka taˀ taˀ makire, a fuca taˀ purla a wuzla taŋ ti dangwal. A cici zlak a mbuŋ ngwas mawuɗ a yi tuwa, ɓa a humbuɗa mangala zle ti naŋ masa bawa si.