DANIYEL 7:9 - Bible en langue guiziga

⁹ I ra pur hiri aruŋ, keɗ na, a ɗuvam janga ngi buyoy, dar mbur midigila a cifi ara. Zana naŋ babara ndazl kaɓa yam, ngwic hirnga naŋ, kaɓa ngwic ngi tumuŋ mubuna le, li cifi naŋ ngi buyo, i irne vu, sar ngi janga nah, a wucuɗ kaɓa vu mihilɓiɓ.

DANIYEL 7:9 ပူးပေါင်းရင်းမြစ်များ

BUYOY MUDUMBUŊ NAŊ 22:19

Mise a mbiɗaŋ di ma: «Haˀaw Cina mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yogawla naŋhaya, dedeŋ dedeŋ tir vay hazum waɗ tir vay gula naŋ a muŋ.

ƁI NGI HINEY MUCUW NAŊ 18:18

Mise a mbiɗaŋ di ma: «Haˀaw, cine mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yo gawla naŋhaya, dedeŋ dedeŋ tir vay hazum waɗ tir vay gula naŋ a muŋ.

DIMISEY 45:8

Ki wuɗ di i gi gwat mijeŋŋe, amma ki hirsa gi gwat malambaˀa. Buy ɗik, Buymisemuŋ mupuw mal ngi vula mumul a hirnga na, vurˀe, yo a wini di i ka, mbak cil ɗikeye le.

DIMISEY 90:2

Ti muwãhay mubugoko vu t'aruŋ, yo ti ka miga duniya t'aruŋ na, naɓa ka ki Buymisemuŋ diga zlezle, hã ngi surmut.

DIMISEY 93:2

Buymisemuŋ, zumabuy ɗike, naŋ gidaŋ gidaŋ diga zlezle, k'ada ki Bumbulvuŋ diga zle misi ngadana ta.

EZAYI 6:1

Ar vi ngi buy Oziyas mumuc na, i pura Bumbulvuŋ a ro joˀ ar janga munjuroŋ nga naŋ buyo. Mi ngi zana naŋ a naha hay naŋ wãˀ.

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

ZEREMI 49:38

I sa ɗuva janga ɗu ngi buy a Elama, yo i sa susuymo buy ati mizli madiɗa ngi slraˀahaya. I ya Bumbulvuŋ maɓi.

EZEKIYEL 1:26

Yo ti hirnga birngiŋ misi a hirnga taŋ tuwa na, gwat kaɓa ɗugur mupuɗaw ngil ngil, a bam vu ati janga ngi buy. Ar sukwi ngi janga ngi buy tuwa, a hirnga naŋ wãˀ na, gwat kaɓa mbur deŋ.

DANIYEL 7:13

I ra pur gwat ti kleŋ ngi duvuɗo ni, keɗ na, gwat mibam vu ati Mangal ngi Mbur, ara so, gazlavay gun hirnga naŋ. A ndilo sesẽŋ avu mbur midigila, dar a kirohoko di nga mbuŋ naŋ.

DANIYEL 7:22

Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

MISE 5:2

Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

HABAKUK 1:12

Zle ar zli virzi ngi gwatay na, Bumbulvuŋ i ka takwa? Buymisemuŋ ɗu, Mipal kine, i ka takwa? K'anta muc ta. Bumbulvuŋ ɗu, ki cifa Babiloŋ ngi gi kiita da mizli, ki cifa kaɓa mandazlay muwã, ɓa ngi kuta ndra.

Matiye 17:2

Vu ngi Yesu a mbiɗi a mbuŋ taŋ: mihiri naŋ a zla a wucuɗ ka pas, zana naŋhay a mbiɗam njazlazl njazlazl ka li minjahha.

Matiye 28:3

Modro vuna a wucuɗ ka vuŋ, zana naŋhaya babara ndarara ka gugumay.

Mark 9:3

Zana naŋhay a mbiɗam wilik wilik, babara ndarara, ko mbur pal a ruwuyo mapusluɗa zana kanah gu, anta.

SLRA 2:30

Naŋ i mijiviɗ zleˀe. A si na le, Buymisemuŋ a ɓaŋ le ti hudum: a sa cifi ar li naŋ ngi zuma buyo, i zuŋ ngi kwacay naŋ.

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

FILIPIHEY 3:9

I ndir jom ati naŋ wãˀ, anta asi gi jeŋŋe ɗu, ya maluma tisi ɓimujuwa na ta. Amma asi gi jeŋŋe, mbur maluma ti tiɓi Kristu na, i gi jeŋŋe maso ti vu Buymisemuŋ, yo naŋ maɗiya mburo jeŋŋe a mbuŋ naŋ tiɓi na.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

ZAŊ MUDUMBUŊ NAŊ 1:5

Ɓi ndra micinaka avu Yesu Kristu, ndra manjikukum di na, n'anihĩ: Buymisemuŋ i li minjahha, ko luvuŋ neˀ anta ava ta.

ƁIMUNJUYO 1:14

Hirnga naŋ ati himac hirnga naŋ, babara tullo ka ngwic ngi tumuŋ babara, naŋ ka gugumay. Hiri njilim njilim kaɓa vu.

ƁIMUNJUYO 19:18

Ɓa ngi zuma ˀuse ngi buy madiɗahay, ngi buy ngi sojehey, ngi pilisey ati ngi mizli ngi raˀahay, ngi mizli gar, diimuhoy, bekehey, yo ngi mizlewey ati ngi mizli madiɗahay.»

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.

ƁIMUNJUYO 4:2

Angi nah si na, ˀUf Mipal a so angi ya. Keɗ na, janga ngi buy a muŋ waɗ mbur anga.