DANIYEL 7:5 - Bible en langue guiziga

⁵ A dirba nah, i pur gwat misahmi mucuw naŋ, naŋ kaɓa luˀuf. A cifi jangaw tir vay purla, cakay makir ngik ngik avu sliŋ. Joˀ a ɓakaŋ: «Slikiɗi! Humbuɗ useˀe kuy kuy.»

DANIYEL 7:5 ပူးပေါင်းရင်းမြစ်များ

BUYOY MUCUW NAŊ 2:24

Elize a mbuɗo hiri, a zizira taŋ ziziri ziziri, a nisa taŋ ti slimiɗ ngi Buymisemuŋ. Akẽh na, gwatay kaɓa mbaagumoy cuw a boko tisi widisey. Gwat misãmi tayna tuwa, a kiɗam asi ziri tayna kukur mufaɗ nga cuw.

MIKUCUWULOY 17:12

Zuwen ka maji hirnga ti luˀuf masipi ziri naŋhay, a funa ka maji hirnga ti mbur gilaw ar li gi gwat ngi gilaway na le.

EZAYI 56:9

Kum gwat misãmi ngi ɓuhoy, kum gwat ngi si dumoy, soko zumam.

DANIYEL 11:2

Wurenna, i wuɗ i ɓuw ɓi mikaslsla so. Pura buyoy a sa boko makir a ruwuy Perse, amma mumufaɗ taŋ a sa cikil zlili haɗa wãˀ fineˀ nga taŋ gar. Da naŋ misa lum gidaŋ le ti zlili nah na tuwa so na, a sa slikiɗ ɓi avu zumabuy ngi ruwuy Greke.

DANIYEL 2:39

A dirba ɗike, zumabuy mekelem a sa bawa, a ndila ngi ɗike ta. A dirba nah mana, zumabuy mekelem ma, mimakir naŋ, i mipa ti ɓiri gaza. Naŋ a sa wa hirwuyo kurzluˀ wãˀ.

DANIYEL 5:28

PERES a mbiɗiavra ‹Muwuɗuka le.› Zuma buy ɗike, i muwuɗka le, a vulaka cah da Medihey, cah numuŋ kwana, da Persehey.»

DANIYEL 7:4

Mudumbuŋ naŋ kaɓa mobor, amma naŋ ti kirpasl ngi kurom. Ti ya mapura na, a mburcakaŋ kirpaslay avra. A slikiɗ ti ruwuyo, a cici deŋ ar sar kaɓa mbur, waɗ a vulakaŋ lesl ngi mbur.

DANIYEL 7:6

A dirba nah, i ra pur hiri ma ni, keɗ na, mekelem deŋ ma. A bam vu ati kokoyta, kirpasl ngi ɗiyuw kaˀ kaˀ mufaɗ a duba, hirnga mufaɗ. A vulakaŋ buy madiɗa miwãˀ.

Ɗerewol OZE 13:8

I zlukum ngi ji, kaɓa luˀuf mijaka ziri naŋhay le, i ngirukum didakaya pitikay pitikay. I sa nguwukum ngaw ngaw daˀ arleˀe kaɓa madiya mobor manguw useˀ, dar gwat ngi ɓuhoy a sa puwukum meɗ meɗ.

ƁIMUNJUYO 13:2

Gwat ya mupura nah na, a bam vu ati lungum, saray a bam vu ati luˀuf naŋ, naŋ ka ngi mobor. Joˀ ngoŋngoŋ tuwa, a vulaŋ gidaŋ naŋ, li cifi naŋ ngi zuma buyo, waɗ dudok haɗi ma.