DANIYEL 7:27 - Bible en langue guiziga

²⁷ Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

DANIYEL 7:27 ပူးပေါင်းရင်းမြစ်များ

DIMISEY 145:13

Zuma buy ɗike, i zumabuy makiɗ mi ta, gidaŋ ɗik ngi zuma buyo a ndir ngi sete. Bumbulvuŋ naŋ kaslsla, naŋ teŋteŋ ar gwat ngi gi naŋ gar.

DIMISEY 22:27

Mihina hirngahaya, ara zumam, hã a mbam, mizli masipaka Bumbulvuŋ, ara hunumakaŋ: Anja a mumulom, yo a ndiram hutuŋ subur!

DIMISEY 72:11

Buy madiɗahay gar a sa huruk hurukam a mbuŋ naŋ, sukwi ngi mizli ngi si ruwuyoy gar a sa gam gawla naŋ.

DIMISEY 86:9

Bumbulvuŋ, sukwi ngi mizli, ka miga taŋ gar na, a sa hurukom huruk huruk a mbuŋ ɗiki, a sa gukuw dudok ti zila slimiɗ ɗike.

EZAYI 14:2

Mizli a sa tiɓaka taŋ, a sa moko taŋ ng'ar hirwuy nga taŋ. Mizli Israyeleye, a sa wunkaka taŋ, ar hirwuy ngi Bumbulvuŋ, ɓa a tiram beke taŋ mizile ati mongosohoy. Israyeleye, mizli mijaka taŋ zleˀe nga ruwuy mulak tuwa, taŋ a sa jaka taŋ aya, yo mizli muguzuvuraka taŋ zleˀe na, taŋ a sa tikaka taŋ ˀay aya.

EZAYI 54:3

Asi kisa buduh tika tika gar. Dideˀ ɗikey a sa zumaka hirwuy ngi ciki ɗikeye, walahay ɗikey midaŋ daŋ na, a sa paka taŋ.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

DANIYEL 7:18

Amma mizli ngi Bumbulvuŋ Buymisemuŋ Mimadiɗa wãˀ, a sa lumaka zuma buyo, a sa ndir inga taŋ ngi wãˀ ngi sete.»

DANIYEL 7:22

Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

ABDIYAS 1:21

Mizli milahay a sa jiɗam nga muwã Siyoŋ, ɓa a waka hirwuy Edomo. Joˀ Bumbulvuŋ a sa cifi buy taŋ.

ZAKARI 14:9

Dar Bumbulvuŋ a sa biga vu naŋ i buy madiɗa ngi si ruwuy gar. Tapasa, Bumbulvuŋ a sa ndir i naŋ tewle, yo slimiɗ inga naŋ tewle.

Ɓimezle ngi Yesu Kristu LUK mitil di mi 1:33

A sa zum buy ar sukwi ngi Zakop hã ngi sete. Zumabuy naŋ anta sa kiɗ mi ta wãˀ.»

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

KORENTIHEY MUDUMBUŊ 15:24

A dirba nah, gwat gar a sa kiɗ mi. Kristu a sa ngizla gwat matikaˀay da mizli gar, miwi mizli gar waɗ misi gidaŋhay gar. Joˀ a sa mi ti zuma buyo da Cine Buymisemuŋ.

ƁIMUNJUYO 11:1

Dar a vulikiy lavaɗ, a bam vu ati ganday ngi wi gwat, a ɓikiy: «Slikiɗ ɓa ki wa hay ngi Buymisemuŋ ati li gi mikuli a mbuŋ Buymisemuŋ, yo slufa mizli misi ara, madilkam a mbuŋ naŋ na.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.

ƁIMUNJUYO 22:5

Duvuɗo anta ji a diga mata wãˀ. Ko mbur anta sa wuɗ li minjahha ngi lampe malla ngi pasa mata, asi Bumbulvuŋ, Buymisemuŋ a sa pusluɗa li minjahha naŋ ar taŋ, yo a sa zumam buy hã ngi set, ngi samadin.