DANIYEL 7:22 - Bible en langue guiziga

²² Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

DANIYEL 7:22 ပူးပေါင်းရင်းမြစ်များ

DIMISEY 149:5

Anja mizli miteŋteŋhey a zluzluɓam, a gaka dudok da Buymisemuŋ! Ko ti duvuɗ kwana, anja a jakaŋ salalay!

EZAYI 63:4

Asi mike na, a mevel ɗu, i hin ngi pula cuwal zleˀe, vi ngi mbiɗa hirnga ngi mizli ɗuwoy a ndilo le zleˀe.

DANIYEL 7:18

Amma mizli ngi Bumbulvuŋ Buymisemuŋ Mimadiɗa wãˀ, a sa lumaka zuma buyo, a sa ndir inga taŋ ngi wãˀ ngi sete.»

DANIYEL 7:23

Joˀ mbur tuwa a ɓiy: «Gwat misahmi mumufaɗ naŋ na, i zumabuy mumufaɗ naŋ masa gi asi ruwuy. A sa gi naŋ wal avu zumabuy numuŋhoyo cek. A sa zuma hirwuyo cek cek, a sa gudubura li asi sar waɗ a wuɗuka meɗ meɗe.

Matiye 19:28

Yesu a ɓa taŋ: «Gisiŋ, yi ɓukum na: Tapas gwatay gar masa mbiɗam nawayaŋ, yo tapas Mangal ngi mbur masa cifi ar janga naŋ ngi buy misi ti dudok na, kum misipi ɗuwoyo, kisa cifam ar janga ngi buy madiɗahay kuruˀ nga cuw aya, ɓa ngi gi kiita da sukwi ngi Israyel muwunuk taˀ taˀ kuruˀ nga cuw na.

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

ƁIMUNJUYO 1:6

A vula ndra zumabuy, yo a tiri ti ndra masayay ngi gi mikuli da Cine naŋ Buymisemuŋ. Anja mizli a gakaŋ dudok, yo a sinaka, naŋ gidaŋ, hã ngi set, ngi samadin! Amin.

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.

ƁIMUNJUYO 5:10

Ki vula taŋ mizli ngir zumabuy ngi Buymisemuŋ ndra le, yo ki tiri taŋ masayay le ngi gi slra da Buymisemuŋ ndra, a sa zumam buy a ruwuyo.»