DANIYEL 7:21 - Bible en langue guiziga

²¹ I ra pur hiri ni, keɗ na, durum tuwa, ara kiɗam vu ati mizli muvuku vu taŋ, a lum bugawla ar taŋ.

DANIYEL 7:21 ပူးပေါင်းရင်းမြစ်များ

DANIYEL 11:31

A sa slino mizli, a tiɓaka hirwuyo. A sa hiryaka hay ngi Buymisemuŋ muguno ti moholo. A sa tikaka mikuli misi ti hin gara, a gam gwat mukuy ta muwãˀ ngi ngizla vu.

DANIYEL 12:7

Yi ra cine ˀay ngi mbur misi zana ngi gugumay mislirkeɗ, misi a hirnga yam ngi mizaw tuwa. A hila haŋ hazum ati haŋ gula hoc ng'a muŋ, a ɓi: «Hadam, ti slimiɗ ngi Buymisemuŋ mandir caˀkine ngi sete. Gwat hanayna, a sa zikam hã vi makir ti reta. Da a sa tikaka gidaŋ ngi mizli ngi Buymisemuŋhoyo le na, naɓa a sa kiɗam mi.»

DANIYEL 7:20

I cufuɗaŋ vur durum mukuruˀ misi a hirnga gwat misahmi, waɗ vur durum meciɗek misa bawa, dar mimakir numuŋhoy a ndilam na. Durum nah na naŋ ti hirihey, yo naŋ ti mi maɓi ɓi ngi huhumo vu. A biga vu naŋ fineˀ numuŋhoyo gar.

DANIYEL 8:12

Vurum ngi muŋhoy jom ati mikuli magaka vur hin gara, a vulaka taŋ ti mevel. Durumo, a hizigo ɓi mikaslsla nga ruwuy. Gwat naŋ muwuɗ gar ngi gi na, a gi le.

DANIYEL 8:24

Gidaŋ naŋ ngi wi mizli, a sa ru nga mbuŋ nga mbuŋ, amma anta ti gidaŋ ngi hirnga naŋ ta. A sa wuh gwatay haɗa, yo gwat naŋ muwuɗ le ngi gi gar na, a sa gi. A sa ngizl mizli migidaŋhay, mizli ngi Bumbulvuŋhay.

DANIYEL 8:9

Avu durum pal numuŋ, mekelem meciɗek wãˀ a bawa, a gil haɗa ng'ar vay ruwuy, ng'asi pas ngi miprik waɗ tir vay hirwuy mimezle haɗa.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 17:6

Keɗ na, ngwas tuwa a wi le ti pumbus ngi mizli ngi Buymisemuŋhoy, waɗ ti pumbus ngi migi sedewo ngi Yesuhoy. Ya mupura keɗ na, a giy welele teˀe.

ƁIMUNJUYO 19:19

Akẽh na, i pur gwat misããmi, buy madiɗa ngi si ruwuyoy ati soje taŋhay, a kusom le ɓa ngi gi vurum ati mbur misi angi pilis waɗ ati soje naŋhay tuwa.