DANIYEL 7:20 - Bible en langue guiziga

²⁰ I cufuɗaŋ vur durum mukuruˀ misi a hirnga gwat misahmi, waɗ vur durum meciɗek misa bawa, dar mimakir numuŋhoy a ndilam na. Durum nah na naŋ ti hirihey, yo naŋ ti mi maɓi ɓi ngi huhumo vu. A biga vu naŋ fineˀ numuŋhoyo gar.

DANIYEL 7:20 ပူးပေါင်းရင်းမြစ်များ

DANIYEL 7:11

Yi pur hiri ava ni, asi durum meciɗek tuwa, ara gi mi haɗa, ara ɓi ɓi ngi huhumo vu. Ti ya mapur hiri tuwa, keɗ na, a kiɗaka gwat misahmi mumufaɗ naŋ tuwa le vagay, a hizigaka vagay naŋ ng'ar vu, dar a zlizlir.

DANIYEL 7:19

A dirba naŋ, i wuɗ sey i sla wala ngi gwat misahmi mumufaɗ naŋ na. Naŋ wal avu numuŋhoyo gar, naŋ gidaŋ haɗa. Naŋ ti sliŋ ngi ɓiri ho gar, waɗ zlenek ngi ɓiri gaza. A ra zum gwata, a nguwa ngaw ngaw waɗ a gudubura is naŋ asi sar.

DANIYEL 7:21

I ra pur hiri ni, keɗ na, durum tuwa, ara kiɗam vu ati mizli muvuku vu taŋ, a lum bugawla ar taŋ.

DANIYEL 7:23

Joˀ mbur tuwa a ɓiy: «Gwat misahmi mumufaɗ naŋ na, i zumabuy mumufaɗ naŋ masa gi asi ruwuy. A sa gi naŋ wal avu zumabuy numuŋhoyo cek. A sa zuma hirwuyo cek cek, a sa gudubura li asi sar waɗ a wuɗuka meɗ meɗe.

DANIYEL 7:7

A dirba naŋ ma na, i ro pur gwat ti kleŋ ngi hiikuɗo na si, keɗ na, gwat misahmi mumufaɗ naŋ deŋ. A gi zluwun, a muɗ didaka, naŋ gidaŋ haɗa. Naŋ ti sliŋ ngi ɓirihey ngoryoŋ ngoryoŋ. A ra zum gwat, ara nguwa gwata, a gudubura is naŋ asi sar. Naŋ wal avu gwat misahmi mudumbuŋhoyo, yo naŋ ti durumoy kuruˀu.

DANIYEL 7:8

I ra singila durum naŋhaya zleˀe, keɗ na, durum mekelem meciɗek, ara bo a wuzla taŋ. A wuzla durum mudumbuŋhoy mimakire, a muɗaka taŋ a mbuŋ naŋ. Durum meciɗek tuwa, hiri ava kaɓa hiri ngi mbur waɗ mi maɓi ɓi ngi huhumo vu.

ƁIMUNJUYO 12:3

Akẽh na, gwat mekelem mabigi gwat a bugo vu a muŋ ma: i ngoŋngoŋ madiɗa, gagaza ka vu. Naŋ ti hirngahay tarnaˀ, durumoy kuruˀ, waɗ loppol a hirnga naŋhay tuwa purla purla gar.