DANIYEL 7:14 - Bible en langue guiziga

¹⁴ A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

DANIYEL 7:14 ပူးပေါင်းရင်းမြစ်များ

DIMISEY 102:22

Dar mizli a sa tilam mi ti slimiɗ ngi Bumbulvuŋ njuh njuh a Siyoŋ, yo a sa hunumakaŋ ti dimis a Zeruzaleme.

DIMISEY 103:19

Bumbulvuŋ a ɗuva janga naŋ ngi buyo le a muŋ, yo ara zum buy a hirnga gwatay gar.

DIMISEY 145:13

Zuma buy ɗike, i zumabuy makiɗ mi ta, gidaŋ ɗik ngi zuma buyo a ndir ngi sete. Bumbulvuŋ naŋ kaslsla, naŋ teŋteŋ ar gwat ngi gi naŋ gar.

DIMISEY 146:10

Siyoŋ, Bumbulvuŋ i buy madiɗa ngi sete, i Buymisemuŋ ɗik ngi caˀa, ngi samadin. Haleluya, yawwa Bumbulvuŋ.

DIMISEY 45:6

Luvut ɗikeye taŋ piyeŋ piyeŋ, ka masa mula mesene ɗikeye jeŋŋe a mevel dar dar na, mizli a sa ndilam saɓaɓaɓa asi sar ɗike.

DIMISEY 72:11

Buy madiɗahay gar a sa huruk hurukam a mbuŋ naŋ, sukwi ngi mizli ngi si ruwuyoy gar a sa gam gawla naŋ.

DIMISEY 72:17

Anja slimiɗ ngi buyo, a zil hã ngi sete, anja a ndih asi pasa zlar gar! Anja mizli a ɗuwulam mi ar wala taŋ ti slimiɗ naŋ, yo anja sukwi ngi mizli gar a ɓam, buy madiɗa naŋ ar mumul.

DIMISEY 8:6

Ki ga mburo, naŋ slakka asi modro ɗikey. Vurˀe, dudok ati ɗuva hirnga, ki tuwuɗaŋ di vah vah a hirnga.

EZAYI 16:5

Akẽh na, zuma buyo, a sa ndir gidaŋ gidaŋ ndrehhe ti gi mezle ɗik na. Ar guɗuk ngi Davite, mbur miteŋteŋ a sa cifi ara ngi gi kiita, hiri ɗeŋ ɗeŋ ngi ga ɓimuɗuva mitaˀ gar, waɗ a sa wus vu ngi gi gwat mijeŋŋe ma.»

EZAYI 60:12

Sukwi ngi mizli malla hirwuy mazumam buyoy gar mangumam gukuw slra ta na, a sa ngizlam, sukwi tayna a sa ngizlam pay wãˀ.

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

DANIYEL 2:35

Akẽh na, ɓiri ho gar, hohoy muzluma, ɓiri gaza ati ɓiri bara waɗ ɓiri tapasl tapasl tuwa, himiɗ a kil taŋ jom arleˀe kaɓa himiɗ ngi sifi makil ti cekwesl ngi daw a məlaŋ. Ko li naŋ a ndir ta. Ɗugur muwaha gwat miciɗa tuwa, a tiri muwã madiɗa, a naha hirwuyo wãˀ.

DANIYEL 2:37

Aw buy ɗu, ki buy madiɗa ngi buyoy gar. Ka, zumabuy, gidaŋ ngi wi mizli waɗ dudoko, Buymuŋ a vuluw taŋ le.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 3:4

Buy ɓi ngi muguzlumo, a til mi ti gidaŋ, a ɓi: «Kum mizli gar, kum sukwi ngi mizli miwal walay, kum maɓam ti mi wal walay, cinam ɓi maɓukum di ani:

DANIYEL 4:3

Yi ɓa mizli, a soko ti misi sinmijileŋ ngi Babiloŋhoyo cek ng'avi ya, ɓa a ɓikiy mbiɗeˀvra ngi musuwun ɗu na.

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

DANIYEL 7:18

Amma mizli ngi Bumbulvuŋ Buymisemuŋ Mimadiɗa wãˀ, a sa lumaka zuma buyo, a sa ndir inga taŋ ngi wãˀ ngi sete.»

DANIYEL 7:27

Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

ABDIYAS 1:21

Mizli milahay a sa jiɗam nga muwã Siyoŋ, ɓa a waka hirwuy Edomo. Joˀ Bumbulvuŋ a sa cifi buy taŋ.

MISE 4:7

Mizli maram kiciɗek kiciɗek vuna, i sa ga ɓa mandiram i taŋ, muroko kileŋ kileŋ na, i sa ga ɓa a tiram sukwi migidaŋ. Ya Bumbulvuŋ i sa cifi i buy taŋ a muwã Siyoŋ, zle wurenna hã ngi sete.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Ɓimezle ngi Yesu Kristu LUK mitil di mi 1:33

A sa zum buy ar sukwi ngi Zakop hã ngi sete. Zumabuy naŋ anta sa kiɗ mi ta wãˀ.»

Ɓimezle ngi Yesu Kristu LUK mitil di mi 10:22

Baha a pula gwataya le gar asi haŋ ɗu. Hana i Mangal na, mbur misina anta, sey Cine. Malla hana i Cine na, mbur misina anta, sey Mangal ati ko wa gar Mangal muwuɗ le ɓa a njikaŋ di.»

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

Ɓimezle ngi Yesu Kristu ZAŊ mitil di mi 3:35

Cine a wuɗ Mangala, a vula gwatay gar asi haŋ naŋ.

HEBEREY 12:28

Gukum sise da Buymisemuŋ so, asi i sa lumam di i Zumabuy misi mbur mawusa gu ta. Dilkukum avu Buymisemuŋ kaslsla ka naŋ mawuɗo, ti hina hirnga, waɗ ti zluwun.

PIYER MUDUMBUŊ NAŊ 3:22

Yesu Kristu muru nga muŋ, naŋ mujoˀ tir vay hazum ngi Buymisemuŋ na, ara zum buy ar modrohoy, yo ar gwat madiɗahay waɗ ar gwat misi gidaŋ ngi muŋhoy gar.

ƁIMUNJUYO 1:6

A vula ndra zumabuy, yo a tiri ti ndra masayay ngi gi mikuli da Cine naŋ Buymisemuŋ. Anja mizli a gakaŋ dudok, yo a sinaka, naŋ gidaŋ, hã ngi set, ngi samadin! Amin.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.