DANIYEL 7:13 - Bible en langue guiziga

¹³ I ra pur gwat ti kleŋ ngi duvuɗo ni, keɗ na, gwat mibam vu ati Mangal ngi Mbur, ara so, gazlavay gun hirnga naŋ. A ndilo sesẽŋ avu mbur midigila, dar a kirohoko di nga mbuŋ naŋ.

DANIYEL 7:13 ပူးပေါင်းရင်းမြစ်များ

DIMISEY 110:2

Anja Bumbulvuŋ a ndaha gidaŋ ngi zumabuy ɗike, ndah ndah zle a muwã Siyoŋ. Ka kwana, wa mesene ɗikey mugun hirnga ɗik na.

DIMISEY 2:8

Cufuɗiy, yi sa vuluw sukwi ngi mizli gar da ka, ɓa ki wa taŋ, yo hirwuy kuɗgulum gar i ngi ɗiki, ɓa ki waŋ.

DIMISEY 47:5

A wuna ndra hirwuy le da ndra, ndr'i ra jijiham di, ndra mizli ngir sukwi ngi Zakop yeme naŋ.

ZEREMI 49:19

«I sa so kaɓa mobor mabo tisi kalaf mingiriɗ a mi mizaw Zurdeŋ, ɓa ngi ru ng'ar li ngi yam mivi: naŋ kanah, gurjik si na, i ɓula taŋ ti Edomo, i slin ti gawla migi vurumoy kutum ɓa ara lumakaŋ. Asi misi kaɓa ya i waka? Masa ziliy gu ng'ar kiita i waka? Mijigin ngi mizli, masa cici gu a mbuŋ ɗu i waka?

EZEKIYEL 1:26

Yo ti hirnga birngiŋ misi a hirnga taŋ tuwa na, gwat kaɓa ɗugur mupuɗaw ngil ngil, a bam vu ati janga ngi buy. Ar sukwi ngi janga ngi buy tuwa, a hirnga naŋ wãˀ na, gwat kaɓa mbur deŋ.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 7:12

A tiɓaka zumabuy ngi gwat misahmi numuŋhoyo. Joˀ a slaka taŋ hin ngi siifa taŋ nga mbuŋ, ar hin naŋ kaslsla.

DANIYEL 7:2

Daniyel a zla a ɓi: «Ngi hiikuɗo, i pur gwat ti kleŋ. Himiɗ a so tisi diˀisey mufaɗ taŋ ng'ar mubuliy madiɗa.

DANIYEL 7:22

Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

DANIYEL 7:9

I ra pur hiri aruŋ, keɗ na, a ɗuvam janga ngi buyoy, dar mbur midigila a cifi ara. Zana naŋ babara ndazl kaɓa yam, ngwic hirnga naŋ, kaɓa ngwic ngi tumuŋ mubuna le, li cifi naŋ ngi buyo, i irne vu, sar ngi janga nah, a wucuɗ kaɓa vu mihilɓiɓ.

DANIYEL 8:15

Dambalaka, ti ya Daniyel mira pura gwat ti kleŋ, i wuɗ i sla wala naŋ tuwa, keɗ na, mbur mibam vu ati mbur, a so deŋ a ciki ɗu.

Matiye 13:41

Mangal ngi mbur a sa slino modro naŋhay. Mizli magam gwat ngi hizigiɗa mizli ng'ar mungra ati migi mungrahay gar na, a sa cikilaka taŋ, a sa bam taŋ avra tir Zumabuy naŋ,

Matiye 24:30

Dar gwat mabiga Mangal ngi mburo, a sa bugo vu a muŋ. Sukwi ngi mizli ngi si ruwuyoy gar a sa tuwam, a sa puraka Mangal ngi mbur masa sawa, ar gazlavay a muŋ ti gidaŋ waɗ ti dudok naŋ gar.

Matiye 25:31

«Tapas Mangal ngi mbur masa sawa ar dudok naŋ ati modrohoy aseˀe na, a sa cifi ar janga naŋ ngi zumabuy ti dudoko.

Matiye 26:64

Yesu a mbiɗaŋ di: «Ki ɓa le. Amma yi ɓukum na: Zle wurenna, kisa puraka Mangal ngi mburo joˀ tir vay hazum ngi Misi gidaŋ wãˀ, yo ara sawa ar gazlavay a muŋ.»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Matiye 8:20

Yesu a mbiɗaŋ di: «Bigaɗaya, taŋ ti vigiɗ taŋhay, ɗiyuw ngi ɓuhoy kwana, taŋ ti hay taŋhay, amma ya Mangal ngi mburo, ko li ki hirnga kwana, anta.»

Mark 13:26

Ar nah na, a sa puraka Mangal ngi mbur ara sawa, gazlavay gun hirnga naŋ, naŋ ti gidaŋ naŋ wãˀ waɗ dudok naŋ wãˀ.

Ɓimezle ngi Yesu Kristu LUK mitil di mi 21:27

Ar nah so na, a sa puraka Mangal ngi mbur ara sawa, gazlavay gun hirnga naŋ, naŋ ti gidaŋ waɗ dudok haɗi wãˀ.

Ɓimezle ngi Yesu Kristu LUK mitil di mi 21:36

Amma ki hinjam ta, diram dibiɗ ndrehhe, ɓa ki lumam gidaŋ ngi lih tir gwat masa ndilo gar, yo ɓa kisa cicam deŋ gu a mbuŋ Mangal ngi mburo.»

Ɓimezle ngi Yesu Kristu LUK mitil di mi 24:27

Dar a biga taŋ wala ngi Ɓimutoho miɓi vur naŋ gar. A zlo di avu ɗerewol ngi Moyis, hã bal bal ti ɗerewol ngi mijiviɗeye gar.

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

Ɓimezle ngi Yesu Kristu ZAŊ mitil di mi 3:13

Ko mbur mijiɗ ɗaˀ nga muŋ anta ndiɗaˀ, sey Mangal ngi mbur mupo sar paɗ ti muŋ.

Ɓimezle ngi Yesu Kristu ZAŊ mitil di mi 5:27

A vulaŋ gidaŋ ngi gi kiita, asi i Mangal ngi mburu.

SLRA 7:56

Dar a ɓi: «Ani, i ra singila muŋ, a wucuh le wucah, waɗ Mangal ngi mbur deŋ tir vay hazum ngi Buymisemuŋ.»

TESALONIKEY MUDUMBUŊ NAŊ 4:17

A dirba nah, ndra misi ti siifahay tapasa gar na, a sa hilam ndra jom ati taŋ ng'ar gazlavay, nga ji hirnga ti Buy Yesu ar birngiŋ ngi muŋ. Naŋ kanah, i sa cifam ndrehhe ati Bumbulvuŋ.

TIMOTE MUDUMBUŊ NAŊ 6:16

Mamuc ta wãˀ, i naŋ pal naŋ. Naŋ angi li miciɗak ciɗak, mbur a ndil ng'ava gu ta. Ko mbur mupuraŋ ɗaˀ anta, yo mbur mapuraŋ gu anta wãˀ. Dudok ati gidaŋ ngi sete, inga naŋ. Amin.

HEBEREY 2:14

Ani so na, ziri, kaɓa Yesu mazila taŋ vuna na, taŋ ti dumvu ati pumbusu. Naŋ vuna kanah ya, naŋ ti kpak ngi vu, rak rak ka taŋ vuna ya. Vurˀe, a muc na, ɓa ngi ziza mbur misi gidaŋ ngi muc asi haŋ naŋ na, mbiɗeˀvra milyam,

HEBEREY 9:24

Vur mike na, hay ngi Bumbulvuŋ, Kristu mici anga na, i hay mizli miɗiyaka ti haŋ, yo i foto ngi hay migisiŋ gisiŋ naŋ na ta. Amma Kristu a ci nga muŋ vuna, ɓa a cici deŋ wurenna ar deɗe ndra a mbuŋ Buymisemuŋ.

ƁIMUNJUYO 1:13

waɗ mbur mubam vu ati Managal ngi mbur deŋ a wuzla li ɗuva lampehey mitarnaˀ tuwaŋ. A ki jibe silmir sesẽŋ a ruwuy. Kanda ngi ɓiri tapasl tapasl, hir a didaka.

ƁIMUNJUYO 1:18

yo ya ti siifa. Yi muc le zleˀe, amma pura, y'ani ti siifa hã ngi sete. Lakle ngi muc ati ngi li cifi ngi mizli mumucahaya, naŋ asi haŋ ɗu.

ƁIMUNJUYO 1:7

Puraka, ara sawa a wuzla gazlavay. Mbur gar a sa puraŋ, ko mizli mizligakaŋ gor njoŋ na kwana, a sa purakaŋ. Haˀaw! Sukwi ngi mizli ngi ruwuyoy gar a sa tuwam tuwuy ngi vagay ˀirslik ˀirslik aseˀe. Amin!

ƁIMUNJUYO 14:14

Dar yi pur hiri ma, keɗ na, gazlavay babara, yo ar gazlavay tuwa ma na, kaɓa mbur anga, loppol ngi ɓiri tapasl tapasl tuwaɗ tuwaɗ a hirnga, waɗ slagway mazum raɓ raɓ kaw a haŋ.