DANIYEL 7:11 - Bible en langue guiziga

¹¹ Yi pur hiri ava ni, asi durum meciɗek tuwa, ara gi mi haɗa, ara ɓi ɓi ngi huhumo vu. Ti ya mapur hiri tuwa, keɗ na, a kiɗaka gwat misahmi mumufaɗ naŋ tuwa le vagay, a hizigaka vagay naŋ ng'ar vu, dar a zlizlir.

DANIYEL 7:11 ပူးပေါင်းရင်းမြစ်များ

DANIYEL 11:45

A sa nga guɗuk nga naŋhaya, ar wala ngi mubuliy ati muwã mipal, mimezle ngisi ruwuyo. Naŋ a sa muc manja mbur a jiniˀis aseˀe.›»

DANIYEL 7:12

A tiɓaka zumabuy ngi gwat misahmi numuŋhoyo. Joˀ a slaka taŋ hin ngi siifa taŋ nga mbuŋ, ar hin naŋ kaslsla.

DANIYEL 7:8

I ra singila durum naŋhaya zleˀe, keɗ na, durum mekelem meciɗek, ara bo a wuzla taŋ. A wuzla durum mudumbuŋhoy mimakire, a muɗaka taŋ a mbuŋ naŋ. Durum meciɗek tuwa, hiri ava kaɓa hiri ngi mbur waɗ mi maɓi ɓi ngi huhumo vu.

DANIYEL 8:25

Naŋ misi ti wer tuwa, a sa si na tikina vu gisiŋ gisiŋ. A sa gil ti huhumo vu a mevele, yo a sa ngisl zigiduw mapuraka kaɓa taŋ zuy zuyo. A sa zlir didak ati madiɗa ngi yarmahay, amma a sa ngilakaŋ ngiɓac ngiɓac, ko mitiɓi naŋ anta pal ta.

TESALONIKEY MUCUW NAŊ 2:8

A dirba nah, mbur misi moˀore tuwa a sa bugo vu, dar Buy Yesu, ti naŋ masa so na, a sa kiɗa vagay ti himiɗ ngi balam naŋ, yo a sa zizaŋ wãˀ ti wucuɗ naŋ.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

ZUDE 1:16

Mizli tayna, t'anta cinam ndum ta ndrehhe, ara mbulom mi. Taŋ vur may gwat ngi vu taŋ tew si. A ɓam ɓi ngi huhumvu taŋ. Mizli zliv li lum ada avu taŋ na, a puram mupuɗaw i taŋ.

ƁIMUNJUYO 18:8

Vurˀe, bonoyoy muzuwulakaŋ taŋ na, a sa lumakaŋ angi hin purla: Muc, tuwuy ngi vagay, may, waɗ vu a sa zumaŋ. Asi Bumbulvuŋ, Buymisemuŋ mislaŋ kiita na, naŋ gidaŋ.»

ƁIMUNJUYO 19:20

A jaka gwat misããmi waɗ mijiviɗ misi slir magi cekenehey a mbuŋ naŋ ngi tikina mizli mulumam lammba ngi gwat misããmi, yo midilkam a mbuŋ foto naŋ tuwaŋ. A hizigaka taŋ cuw taŋ titiri ng'ar mubuliy ngi vu ngi baruudu mawur njilim njilime.

ƁIMUNJUYO 20:10

Milyam, mitikin taŋ tuwa, a hizigaka ng'ar mubuliy ngi vu ati ngi baruudu, aciki gwat misããmi ati mijiviɗ misi slir tuwa. A sa sam bonoy duvuɗ ti papas hã ngiset ngi samadin.

ƁIMUNJUYO 20:12

Waɗ ma na, i pur mumucahay, mizli madiɗahay ati mizlewey deŋ deŋ a mbuŋ janga ngi buy tuwaŋ, waɗ ɗerewol muwunahay wun wun. A wunam ɗerewol mekelem ma na, i ɗerewol ngi siifa. Dar a gaka kiita da mumucahaya weˀe avu gwat ngi gi taŋ, kaslsla avu taŋ mutohoko ɓi naŋ angi ɗerewoloy vuna.

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.