DANIYEL 7:10 - Bible en langue guiziga

¹⁰ Mizaw ngi vu ara ɓulo ti mbuŋ naŋ kaɓa yam maɓul. Mizli milyoŋ mbeˀ mbeˀ, ara gakaŋ slra, milyoŋ kukur mbeˀ mbeˀ, deŋ deŋ a mbuŋ naŋ. Migi kiitahay a cifam jojoˀ, dar mizli a wunaka ɗerewoloyo.

DANIYEL 7:10 ပူးပေါင်းရင်းမြစ်များ

BUYOY MUDUMBUŊ NAŊ 22:19

Mise a mbiɗaŋ di ma: «Haˀaw Cina mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yogawla naŋhaya, dedeŋ dedeŋ tir vay hazum waɗ tir vay gula naŋ a muŋ.

ƁI NGI HINEY MUCUW NAŊ 18:18

Mise a mbiɗaŋ di ma: «Haˀaw, cine mingiɓi ngi Bumbulvuŋ. Yi pura Bumbulvuŋ le ar janga naŋ ngi buyo. Yo gawla naŋhaya, dedeŋ dedeŋ tir vay hazum waɗ tir vay gula naŋ a muŋ.

Ɗerewol JOP 25:3

Mbur maslufa soje naŋhaya gu ada kwa? Pas naŋ mabo na, a bo ta ar waka?

DIMISEY 103:21

Kum soje ngi Bumbulvuŋhoy, kum madiɗa ngi slra naŋhay magakaŋ gwat naŋ mawuɗ gar, gakaŋ sise.

DIMISEY 50:3

Anja Buymisemuŋ ndra a sawa, yo anja a taˀa mi ta! Vu mihilɓiɓ, ara zuma li a mbuŋ naŋ, burkataŋ gambara gun hirnga naŋ.

DIMISEY 68:17

Muwã misi mesengel mbeˀmbeˀe, muwã Buymisemuŋ muwuɗ ɓa a cifi ara na, a guw hiri vur mike? Haˀaw! Bumbulvuŋ a cifi ara ngi sete.

EZAYI 30:27

Puraka Bumbulvuŋ zle kileŋ, ara so ti haŋ naŋ. Mevel aro njim njim ka vu, mi ngi balam naŋ i ɓi ngi himaˀ, irne naŋ, naŋ kaɓa irne ngi vu mazum li.

EZAYI 30:33

Vu i miɗiya le zleˀe si, naŋ vur buy vuna ya. A kusom dum ndit ngi ɗiy naŋ, ar li miligidaˀa. ˀUf ngi Bumbulvuŋ misi kaɓa mekepel ngi himiɗna, a sa bula vu.

DANIYEL 12:1

«Modro ngi Bumbulvuŋ a ɓiy na: ‹Ti hin tayna, Misel madiɗa ngi vurum ngi muŋhoyo naŋ macici zlak ar mizli ɗikey na, a sa bugo vu. A sa tiri i hin ngi muɗa didakay, zle ar zli virzi ngi ruwuy, hã dana, ko gwat ngi muɗa didak kanah, a gi ɗaˀ ta. Ti hin tayna, mizli ɗikey a sa laham, ko wa gar a wuzla taŋ, misi slimiɗ naŋ i mutoho le ar ɗerewol ngi siifa na, a sa lihi.

DANIYEL 7:22

Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

DANIYEL 7:26

A dirba nah, a sa cifam ngi gi kiita, a sa tikakaŋ ngi zuma buyo, ɓa a susuyumokoŋ, a zizakaŋ ngi wãˀ.

ZAKARI 14:5

Dar kisa kilam tir sozo misi ɓaˀ ar wala muwã ɗuwoyo, vur sozo a sa ndil sesẽŋ a Asal. Ki sa kilam kaɓa kum mikilam zleˀe ti hirwuy muwus ti hin ngi zumabuy ngi Oziyas, buy Zuda. Akẽh na, Bumbulvuŋ, Buymisemuŋ ɗu a sa ndilawa, mizli naŋhay mipal na gar sesek aseˀeŋ.

Matiye 25:31

«Tapas Mangal ngi mbur masa sawa ar dudok naŋ ati modrohoy aseˀe na, a sa cifi ar janga naŋ ngi zumabuy ti dudoko.

Slu cuw 33:2

A ɓi: «Buymisemuŋ a so ti muwã Sinaya, a slikiɗo ka pas mabawa baɗ tir vay ruwuy Seˀire, vur taŋ, a cuɗuko mizli naŋhaya baɗ a muwã Paraŋ. A so ng'avi mizli naŋhay, modrohoy durmuk mbeˀmbeˀ aseˀe. ɓimujuwa matiɓi njilim njilim kaw a haŋ.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 12:22

Amma kumo, ki kiraham ng'avu muwã Siyoŋ waɗ ng'avu walahay madiɗa ngi Buymisemuŋ misi ti siifa, Zeruzalem ngi muŋ, modrohoy durmuk mbeˀ mbeˀ ar kus ngi muguzlum a diga.

ZUDE 1:14

Henok, mbur mitarnaˀ naŋ, zle avu Adamu na, a njik ɓi le vur taŋ, a ɓi na: «Puraka, Bumbulvuŋ, ara sawa ati modro naŋhay gwat ngi durmuk kukur mbeˀ mbeˀ,

ƁIMUNJUYO 11:18

Sukwi ngi mizli a slam himaˀ le avu ka, amma hin a ndila le ɓa mazuɓ himaˀ, i kaha. I hin ngi ga kiita da mizli mumucahay, hin ngi wurka migir ngi mijiviɗ, gawla ɗikey, ngi wurka mizli ɗikey, waɗ ngi mizli muzluwun ti kahay, ko mizli mizlewey malla ko mizli madiɗahay gar. I hin ngi ziza mizli mahiryaka hirwuy na.»

ƁIMUNJUYO 5:11

I ra pur hiri ma na, i cin ˀay ngi modrohoy haɗi, gun hirnga janga ngi buy ati gwat misããmi mumufaɗay, waɗ mizli micawwahay kukur cuw nga mufaɗ tuwa. Taˀ taŋ na, a gi durmuk kukur mbeˀ mbeˀ, a sluf ta.