DANIYEL 6:3 - Bible en langue guiziga

³ A cifi madiɗa ngi slrahay makir ma, Daniyele naŋ a wuzla taŋ. A ca taŋ ɓa mizli micawwahay a slufaka taŋ ɓi ngi gwat macuh ar zumabuy taŋhaya, ɓa ko gwat a zuma hirnga da buyoyo ta.

DANIYEL 6:3 ပူးပေါင်းရင်းမြစ်များ

ESDRAS 4:22

Jam lesl, anja ki puraka ɓi nah ka sefel ta, vur malambaˀ masa gi haɗa ti vendeke, ngi so ti mendere da ya buyo.»

NEHEMI 7:2

Ar nah na, yi ɓi ɓa a cifaka sukum ɗu Hanani, ɓa i naŋ mawa Zeruzaleme. Yo hay muguno ti mohol, majiginam di walahaya, i Hananiya mawa naŋ ya. Asi mike na, Hananiya i mbur miteŋteŋ, a zluwun ti Buymisemuŋ fineˀ mizli mekelemey gar.

ESTER 10:3

Naŋ kanah, mbak buy Zersese le na, mbur mucuw naŋ angi zuma buyo i Mardoke. Vendeke ngi sukum naŋ Yudeheye, a ɗuvakaŋ hirnga, a wuɗakaŋ haɗa. Naŋ kwana, ara gi slra vur jam ngi mizli naŋhaya, yo ara cik vu, anja ɓa muy naŋhay a cifam zuy zuy.

MIKUCUWULOY 17:27

Mbur maji lejeŋ avu irne naŋ na, naŋ ti sin haɗa, yo mbur miteˀteˀ na, i mbur misla wala ngi ɓi le.

MIKUCUWULOY 22:29

Mbur maga slra naŋ kuy kuy na, ki pur le ɗaˀ kwa? Ko a mbuŋ buyoy kwana, naŋ a cici gu, naŋ anta sa cici a wuzla manja sineye ta.

TILA MI 2:13

Gwat ya mupura n'ani: mbur a cir tisi sinmijileŋ, fineˀ tisi gilawa, kaɓa mbur macir tisi li minjahha fineˀ tisi luvuŋ na.

DANIYEL 5:12

Asi a puraka Daniyele na, a wuluk haɗa, a naŋ ti sin ngi gi gwata, a pura gwata kweŋ kweŋ ngi njika musuwunoy, a bo ti ɓi mumbuzahaya njoy, yo a ɗiya ɓi mutuwaˀa. Buy vuna, a caŋ slimiɗ mekelem, a zila Beltasar. Na ani wurenna, ngi zilo mbur Daniyel nah vuna, naŋ a sa njika mbiɗeˀvra ngi gwat mutoho hana.»

DANIYEL 5:14

Yi cin, a ɓam sin ngi kuli mezleheye ada ar ka, yo mizli a puraka na, ki pur kaˀ haɗa, ki pur kweŋ kweŋ, yo ka ti sinmijileŋ haɗa ma.

DANIYEL 5:7

Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»

DANIYEL 9:23

Ti ka mizla tumbulo Bumbulvuŋ na, mingiɓi a bo le ti vaŋ, yi so na ngi ɓuw di. Asi Buymisemuŋ a hĩyuw le haɗa. Sla wala ngi ɓi hana ati gwat ka mupura ti kleŋ na!