DANIYEL 6:27 - Bible en langue guiziga

²⁷ I vula mingiɓi ɗu ani, ya miɓa ɗaˀa: anja a zluwunam kirkir ti Buymisemuŋ ngi Daniyele, ar zumabuy ɗu gar. Asi Buymisemuŋ misi ti siifa i naŋ, yo a ndir ngi sete. Zuma buy naŋ anta kiɗ ta, yo a sa ndir i buy madiɗa hã ngi samadin.

DANIYEL 6:27 ပူးပေါင်းရင်းမြစ်များ

Ɗerewol JOP 36:15

Amma Buymisemuŋ a laha mbur misi murga ti murga naŋ tehhe a muŋ, yo a gaŋ bonoy ɓa ngi kaŋ mumuyuŋ zay sla a slimiɗe.

DIMISEY 145:13

Zuma buy ɗike, i zumabuy makiɗ mi ta, gidaŋ ɗik ngi zuma buyo a ndir ngi sete. Bumbulvuŋ naŋ kaslsla, naŋ teŋteŋ ar gwat ngi gi naŋ gar.

DIMISEY 32:7

Avi ya, ka ki li ɗum ɗu, ki ra wi ti ya vu baˀ pal avu bonoyo. I sa til mi ti mumul, asi ka micik vu angi ya na.

DIMISEY 35:17

Bumbulvuŋ, ki pur ti puro si hã ti vunaka? Lihiy siifa ɗu avu bonoy madiɗa hana, waɗ deŋ ɗu avu mizli migi malambaˀ kaɓa mobor hanayna.

DIMISEY 97:10

Kum mizli mawuɗam Bumbulvuŋ na, puraka ɓi malambaˀa hiris le, Buymisemuŋ ara jigina siifa ngi mizli miteŋteŋ naŋhaya, ara laha taŋ tisi haŋ ngi miziriɗa mi naŋhaya.

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 4:31

Nabukodonozor a ɓi: «Ar kiɗa mi ngi vi tarnaˀ na, ya Nabukodonozoro, i zuɓa hiri paɗ nga muŋ na, wuluk ɗu a mawa a muŋ. I ga sise da Buymisemuŋ Mimadiɗa wãˀa, yo i hunumaŋ, i ga dudok da misi ti siifa ngi sete. Zuma buy nga naŋ, i zumabuy ngi sete, yo zumabuy nga naŋ, naŋ vur dideˀ vur dideˀ.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 6:20

Buy a slikiɗ ngi li, a wus vu nga mi butum ngi moboroy tuwa.

Ɓimezle ngi Yesu Kristu ZAŊ mitil di mi 4:48

Yesu a ɓaŋ: «Da ki puram cekenehey ati gwat migam ɗaˀtahay ta na, ki tiɓam ta wãˀ.»

SLRA 4:30

Sika haŋ ɗike, ɓa misi jijihey a mbulom, ɓa gwat ngi zuma hirngahay ati gwat migam ɗaˀ tahaya, a gam ti slimiɗ ngi Yesu, gawla ɗik mipal na.»

HEBEREY 2:4

Yo ma na, Buymisemuŋ a jina ɓi nah le ti gwatay naŋ mibiga taŋ, ti gwat migam ɗaˀtahay, naŋ miga taŋ, ti cekenehey wal wal haɗi, waɗ ti gwat ˀUf Mipal mavula, naŋ mawuɗka da mizli ka naŋ muwuɗu.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»