DANIYEL 6:26 - Bible en langue guiziga

²⁶ Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

DANIYEL 6:26 ပူးပေါင်းရင်းမြစ်များ

ESDRAS 1:3

Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 7:21

Ya buy Artakzersese, i ɓi le ɗaˀ le da miji zlili ngir li vay si pas ngi pastaˀ ngi Efrataya gar, Masay Esdras, misina ɓimujuwa ngi Buy ngi muŋ le kuy kuy na, gwat naŋ mucufuɗ le gar na, gakaŋ di kaslsla,

DIMISEY 119:120

Dum vu ɗu gar ara jijik ti zluwun a mbuŋ ɗike, yo ɓi ka mujuwa a mevel na, ara giy zluwuno ma.

DIMISEY 146:10

Siyoŋ, Bumbulvuŋ i buy madiɗa ngi sete, i Buymisemuŋ ɗik ngi caˀa, ngi samadin. Haleluya, yawwa Bumbulvuŋ.

DIMISEY 2:11

Gaka slra ngi Bumbulvuŋ ti zluwun, zluzluɓam ti jijik kirkir.

DIMISEY 29:10

Bumbulvuŋ a ro ar mekepel, ara zum buy. Bumbulvuŋ a ro ar janga naŋ, i buy madiɗa ngi sete.

DIMISEY 42:2

Aw Buymisemuŋ ɗu, kaɓa muuni muro ti may ngi si yam ar zlazlar na, ya kwana, membezleŋ ngi vu ɗu, a ro ti may ngi sipi ɗike ya.

EZAYI 66:2

Yo ma na, gwat misi titirihey, kum mapuraka taŋ gar na, i ya miga taŋ ti haŋ ɗu, yo i ngayahay gar. Ya maɗuv hiri taˀ na, ng'ar mbur muvuso, mbur misi ar bonoy, ng'ar mbur mazluwun ti mingiɓi ɗu. I ya Bumbulvuŋ maɓi.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 3:29

Na ya so na, yi ɓi le ɗaˀ le: «A wuzla mizli ɗuwoy, sukwi ɗuwoy, ati mizli maɓam mi miwal walay gar na, mbur masa ɓi mi malambaˀ ar Buymisemuŋ ngi Sadrak, Mesak ati ngi Abet-Nego na, a sa puwaka paw paw, yo hay naŋ a sa tiri kitikil. Asi Buymisemuŋ mekelem malih vu ka hana, anta.»

DANIYEL 4:3

Yi ɓa mizli, a soko ti misi sinmijileŋ ngi Babiloŋhoyo cek ng'avi ya, ɓa a ɓikiy mbiɗeˀvra ngi musuwun ɗu na.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

DANIYEL 6:20

Buy a slikiɗ ngi li, a wus vu nga mi butum ngi moboroy tuwa.

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

DANIYEL 7:27

Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

MALASI 3:6

Kay, ya Bumbulvuŋ, y'anta mbiɗi ta. Amma kumo, kum i dideˀ ngi Zakopoy hã wurenna.

Matiye 6:13

Ki pula ndra i cam ar li ngi tikin ta, amma laha ndra tisi haŋ ngi Satana. [Asi Zumabuy, gidaŋ ati dudok i ngi ɗik hã ngi sete. Amin.» ]

Ɓimezle ngi Yesu Kristu LUK mitil di mi 1:33

A sa zum buy ar sukwi ngi Zakop hã ngi sete. Zumabuy naŋ anta sa kiɗ mi ta wãˀ.»

Ɓimezle ngi Yesu Kristu LUK mitil di mi 12:5

Mbur ngi zluwun di na, yi sa bugukum di: Naŋ na, a dirba naŋ mikiɗa mburo le vagay na, naŋ ti gidaŋ ngi hizigaŋ ng'ar vu ma. Haˀaw, yi ɓukum na, sey ki zluwunam di i naŋ.

SLRA 17:25

yo slra naŋ kwana, anta wuɗ i mbur titra magaŋ di, kaɓa naŋ da ti may ngi gwat ta, asi i naŋ mavula siifa da mizli gar, yo i naŋ mavula musuwun ati gwat mekelemey gar.

ROMAHAY 9:26

Angi li naŋ miɓa taŋ: Kumo ki mizli ɗuwoy ta na, a sa zilaka taŋ ziri ngi Buymisemuŋ misi ti siifa.»

Slu cuw 5:26

Mbur a cin ˀay ngi Buymisemuŋ misi ti siifa maɓaŋ ti wuzla vu, kaɓa ndra micinaka na, ɓa naŋ da ti siifa na, ko i cinam ɗaˀ ta ndiɗaˀ wãˀ.

TESALONIKEY MUDUMBUŊ NAŊ 1:9

Asi taŋ ti hirnga taŋ a roko slufam ndra ɓi ngi kum mitiɓam ndra ati kum mupulaka kulihey ɓa ki sipam Buymisemuŋ migisiŋ gisiŋ misi ti siifa na.

HEBEREY 12:29

Vur Buymisemuŋ ndra, i vu mazum gwat nam nam.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 4:10

mizli micawwahay mizli ngir cuw nga mufaɗ tuwa, a dilkam a mbuŋ Mbur muangi janga ngi buy tuwa, a hunumaka misi ti siifa hã ngi sete, a paka loppol taŋhaya a mbuŋ janga ngi buyo, a ɓam:

ƁIMUNJUYO 5:14

Dar gwat misããmi mumufaɗay tuwa a tiɓaka: «Amin!» Joˀ mizli micawwahay a dilkam, a hurkom a mbuŋ naŋ.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.