DANIYEL 6:22 - Bible en langue guiziga

²² Joˀ Daniyel a ɓa buyo: «Aw kumani ɗu, anja Bumbulvuŋ a juw hutuŋ subur!

DANIYEL 6:22 ပူးပေါင်းရင်းမြစ်များ

ZLI VIRZI 40:15

Asi mike na, a joko ya baɗ a ruwuy ngi Heberey, yo aka vuna ma na, yi gi gwat ɓa a cikiy ar dangaya ta.»

SAMUYEL MUCUW NAŊ 22:7

Angi bonoy ɗu, yi zila Bumbulvuŋ le. Yo yi zila Buymisemuŋ ɗu le. A cino ˀay ɗu le baɗ ti ngi hay naŋ. Widi ɗu a ndil le sesẽŋ a slimiɗ naŋ.

BUYOY MUDUMBUŊ NAŊ 13:28

Joˀ a ru, ara luuma vagay ngi mijiviɗ ngi Bumbulvuŋ ɓaˀ a jiviɗe, amma zungu ati moboro, t'ada dedeŋ murciki. Ko mobor a humbuɗa vagay ngi mijiviɗ vuna ta, yo a ja zungu a humbuɗa ta ma.

ƁI NGI HINEY MUCUW NAŊ 32:21

Joˀ Bumbulvuŋ a slino modro naŋ ng'ar li pi sar ngi Asiriheye, a ngizla soje miwirwirey ati madiɗa ngi sojehey waɗ mizli hirnga ngi buy Asiriheye pay. Buy Asiri tuwa, a mi tilngir tirngir ti mesem nga ruwuy naŋ. Naŋ mici ng'ar hay kuli naŋ na, ziri naŋhay tehhe a muŋ a kiɗaka vagay ti maslalam.

DIMISEY 118:28

Ki i Buymisemuŋ ɗu, sey i hunumuw, Buymisemuŋ ɗu, sey i zluzluɓ a mbuŋ ɗike.

DIMISEY 26:6

Bumbulvuŋ, i ra buna haŋ ɗu, ɓa ngi biga i ci ar ɓi ta, ɓa i guno li gi mikuli ɗike,

DIMISEY 31:14

I ra cine mizli maɓikiy cococo, a ɓam: «I ra ga zluwun da mizli gar.» A jumom ˀay le gar ng'ar ya, ara gam gidiɓi ar ya ɓa a zizikiy.

DIMISEY 34:7

Da mbur muvuso, a zila Bumbulvuŋ le na, Bumbulvuŋ a cinaŋ di, a lahaŋ avu bonoy naŋhaya gar.

DIMISEY 38:21

Mizli mamikiy ti malambaˀ ar mezle ya miga na, ara mbiɗikiy hirnga, asi gi mezle ya masipa gǝr gǝr na.

DIMISEY 84:11

Asi mike na, ya magi hin purla a wazlaray ɗik a Zeruzaleme, a funa hin durmuk, ya maga ar li mekeleme le. Buymisemuŋ ɗu, ya mua miviŋ ɗik si na, a funa ya misi a hay mizli malambaˀhaya le.

EZAYI 3:10

Kum ɓam: mbur mijeŋŋe ara mumul, asi hiri a sa ciraŋ ti gwat ngi gi naŋ.

EZAYI 63:9

Ti taŋ misi ar bonoy taŋ gar na, ko a slin mbur ti slin nga jina taŋ ta, amma i naŋ vuna ti hirnga naŋ mira laha taŋ. I naŋ ti haŋ naŋ mumbuɗo hirnga taŋ, vur hin gar, diga zlezle na, a jina taŋ le, yo a zuɓa taŋ le gumbuˀ gumbuˀ a haŋ, vur ara wuɗ taŋ, yo ara pura taŋ ircece.

ZEREMI 37:18

Akẽh na, Zeremi a ɓa buy Sedekiyasa: «Ka ati gawla ɗikey waɗ mizli ɗikeye, kum mikikiy ar dangay vuna, i gukum gwat malambaˀ mike?

DANIYEL 3:28

Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle.

DANIYEL 6:20

Buy a slikiɗ ngi li, a wus vu nga mi butum ngi moboroy tuwa.

DANIYEL 6:23

Buymisemuŋ ɗu a slino modro naŋ le, a gica mi ngi moboroyo kap kap, ani ko a gikiy gwat ta, asi Buymisemuŋ a pura le, ya jeŋŋe a mbuŋ naŋ, yo ka buyo kwana, yi guw malambaˀ ko pal ta.»

DANIYEL 6:4

Na ma na, Daniyel tuwa, a funa madiɗa migi slrahay micuw numuŋhoy ati mizli micawwahaya le, asi naŋ ti lesl haɗa, dar buy a wuluk ɓa a cufaŋ, i madiɗaŋ ar zuma buyo.

DANIYEL 6:7

Joˀ mizli madiɗa ngi slra ati mizli micawwa tayna, a kilam kutum, ara lumaka buyo a ɓakaŋ: «Aw buy Dariyus! Anja ki ndir ngi sete!

MISE 7:7

Amma ya, i mbiɗi ng'avu Bumbulvuŋ, i njih hiri asi Buymisemuŋ, milih ɗu, ya mazilaŋ na, Buymisemuŋ ɗu a sa ciniy di.

SLUFA VU 20:16

I tilaka mi da Bumbulvuŋ, a cine widi ndra le. A slino ndra modro naŋ, ɓa a bo ti ndra ti Ezipte. Ndra ani wurenna a Kades, walahay madiɗa misi ar maakway ngi hirwuy ɗike.

Matiye 27:46

Hirak ti pas ngi ɓula away ngi hay tuwa na, Yesu a til mi ti gidaŋ: «Eli, Eli, lemasabaktani?» Mbiɗeˀvra: «Buymisemuŋ ɗu, Buymisemuŋ ɗu, ki puliy fuk vur mike?»

SLRA 12:11

Dar lesl ngi Piyer a mo a muŋ so, a ɓi ti kwacay naŋ na: «Wurenna, i sla wala nah le muduba, i Bumbulvuŋ mislino modro naŋ gisiŋ, yo a lihiy le tisi haŋ ngi Herod waɗ tir gwat Yudehey makutukom ngi giy di gar na.»

SLRA 24:16

Vurˀe, ya kwana, i ra tum vu, ɓa ɓi ngi mbiɗiy hirnga a mbuŋ Buymisemuŋ waɗ avu mizli na, a lumam a mevel ɗu ta.

SLRA 27:23

Asi mike na, modro ngi Bumbulvuŋ ɗu ya mahuruk huruk a mbuŋ naŋ na, a bigiy vu le ngi duvuɗ nga dana vuna si,

KORENTIHEY MUCUW NAŊ 1:12

Ɓi ndra majijaham di na, wuluk ngir mevel ndra, a ga sedewo naŋ anihĩ: gwat ngi gi ndra ar duniya, wãˀ naŋ avu kum na, i gaka weˀe, yo njah wãˀ ka Buymisemuŋ mawuɗo, anta ti sinmijileŋ ngi mbur ta, amma ti gimezle ngi Buymisemuŋ.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

HEBEREY 1:14

Modrohoy vuna gar i musuɗukoy, yo a gam slra ngi Buymisemuŋ maslina taŋ ngi jina mizli masa lumam lih na ta kwa?

HEBEREY 11:33

Taŋ na, mbele tiɓi taŋ na, a zumam hirwuyoy le avu buyoy, a gam gwat mijeŋŋe le, gwat Buymisemuŋ miɓa ɗaˀ le na, a puraka, taŋ magama le. A caka taɓak le a mi moboroyo.

SAMUYEL MUDUMBUŊ NAŊ 17:37

Mobor ati luˀuf, Buymisemuŋ a lihiy le avu zlenek taŋhaya. A sa lihiy a haŋ mbur Filisti nah vuna, kanah ya.» Davit a ɓa Sawulo ka misenna. Joˀ Sawul a mbiɗaŋ di: «da kine na, ka ru so, anja Buymisemuŋ naŋ da ti ka.»

SAMUYEL MUDUMBUŊ NAŊ 26:18

Joˀ Davit a ɓi ma: «Buy masipiy ya gawla naŋ nder nder na, vur mike? I gi gwat mike, yo i malambaˀ mi avu yaka?