DANIYEL 6:16 - Bible en langue guiziga

¹⁶ Mizli tuwa, a mam kutum ng'avu buyo, a ɓakaŋ: «Kumani, ɓimujuwa ngi Medihey ati Perseheye a ɓi, da buy a tik gwat le, yo a ɓi le ɗaˀ na, ko ɓi nah anta mbiɗi ta na, ki si na le takwa?»

DANIYEL 6:16 ပူးပေါင်းရင်းမြစ်များ

SAMUYEL MUCUW NAŊ 3:39

Dana, ko ti taŋ micikiy yi buy kwana, y'anta gidaŋ t'aruŋ. Amma, mizli hanayna, ziri ngi Seruyahay na, taŋ tuwaˀ haɗa avu ya. Amma, anja Buymisemuŋ a wurka mbur misi moˀore weˀ avu moˀore naŋ.»

Ɗerewol JOP 5:19

Gir mira lumuw is mbeˀ mbeˀ kwana, a lihuw a lihuw, ko gwat maguw neˀ anta.

MIKUCUWULOY 29:25

Zluwuno, i mazaɓ avu mburo, amma mbur mupula vu naŋ le mbak da Bumbulvuŋ na, ko gwat magaŋ anta.

EZAYI 41:10

Ki zluwunam ta, asi y'ada avu kum, ki puram a ciki kumo ti zluwun ta, asi yi Buymisemuŋ kum. Yi tiri ti kum gboŋgboŋ, naŋ kanah, i ra jiniˀis asi kum. Gisiŋ, i ra jiniˀis asi kumo ti gidaŋ ɗu ngi luuma bugawla na.

EZAYI 43:2

Da ki ra tuwuɗam yam na, y'ada ati kumo, da ki ra tuwuɗam mizaw ma na, anta sa ndukum ta. Da ko ki ra ram tir vu kwana, anta sa wurukum ta, yo irne vu anta sa zlumukum mata.

ZEREMI 26:14

Na ya, ya asi haŋ kum, gam ti yakaɓa kum mawuɗam, kaɓa kum mupuraka le naŋ jeŋŋe.

ZEREMI 38:5

Buy Sedekiyas a mbiɗa taŋ di: «Zeremi naŋ asi haŋ kum, ya buyo, i tikikum gu neˀ ta.»

ZEREMI 38:6

A zuɓaka Zeremi tuwa, ara hizigaka ng'ar vigiɗ ngi yam ngi Malkiya, mangal ngi buy. Vigiɗ ngi yam nah vuna, naŋ a wazlaray mijigina hayay, a caka Zeremi ng'ar vigiɗe ti zeweɗe. Yam anta ar vigiɗ vuna ta, sey ndileɓe. Zeremi a ci sirif ng'ara.

ZEREMI 39:17

Tapasa, i sa cukuw tir bonoyo, yo mizli ka mazluwun ti taŋ na, y'anta sa puluw asi haŋ taŋ ta. I ya Bumbulvuŋ maɓi.

DANIYEL 3:15

Na wurenna, kum masa cinaka ˀay ngi tulum, ngi bozloro, ngi garaya, ngi gujuvur, ngi kããku ati ngi gwat ngi dunguroy miwal wal na, ki juwam vu le ɓa kisa hurukom, yo kisa huruk hurukam a mbuŋ kuli ya mipa ti ɓiri tapasl tapasl tuwa muduba sukwa? Da ki huruk hurukam a mbuŋ naŋ ta na, i sa hizigukum ng'ar vu matiɓi giw giw. Ko kuli masa luhukum tisi haŋ ɗu anta.»

DANIYEL 3:17

Aw buy ɗu! Da Buymisemuŋ, ndra magam slra naŋ na, a laha ndra gu na, anja a sa laha ndra tir vu munjulili vuna waɗ tisi haŋ ɗike ma.

DANIYEL 3:28

Nabukodonozor a zla a ɓi: «Sise da Buymisemuŋ ngi Sadrak, ngi Mesak ati ngi Abet-Nego. A slino modro naŋ le, yo a laha migi slra naŋhaya le asi taŋ muvulakaŋ vu taŋ. A pulaka mingiɓi nga ya buyo le. A wuɗam i bonoy jaka, a cinaka mi ngi kulihey ta, a huruk hurukam a mbuŋ taŋ ta, sey a cinam mi, yo a huruk hurukama, a mbuŋ Buymisemuŋ taŋ tewle.

DANIYEL 6:20

Buy a slikiɗ ngi li, a wus vu nga mi butum ngi moboroy tuwa.

DANIYEL 6:7

Joˀ mizli madiɗa ngi slra ati mizli micawwa tayna, a kilam kutum, ara lumaka buyo a ɓakaŋ: «Aw buy Dariyus! Anja ki ndir ngi sete!

SLRA 24:27

Vi cuw a gi le, a dirba nah na, Porkiyus Festus a zuɓa li ngi Felikse. Amma Felikse a wuɗ ɓa Yudehey a hĩyãkaŋ, vurˀe a pula Polo angi dangaya.

SLRA 25:11

Da kaɓa i gi gwat le gisiŋ, yo da yi gi malambaˀ madiɗa, mindila le zliv ɓa a kiɗikiy vagay na, y'anta zluwun ti muco ta. Amma da ɓi taŋ makupikiy di na, da ɓi midar anta anga ta na, mbur misi ti jiviɗ ɓa a vuliy asi haŋ taŋ gu anta. Yi cufuɗ ɓa a slinikiy ng'avu buy mimadiɗa ngi Roma.»

SLRA 25:9

Festus a wuɗ ɓa a gi gwat ngi cira hiri da Yudeheye, vurˀe, a cufuɗa Polo: «Ki tiɓa le ngi ru nga Zerusaleme, ɓa ara gaka kiita ngi ɓi ɗik a mbuŋ ɗu a diga kwa?»

ROMAHAY 13:3

Naŋ kine, da mbur ara gimezle na, a zluwun ti mizli madiɗa miwi hirwuyoyo ta, sey da mbur ara gi gwat malambaˀa. Da ki wuɗ le ɓa ki zluwun ti mizli miwi hirwuyoyo ta na, gimezle, dar a sa hunumukuw.

KORENTIHEY MUCUW NAŊ 1:10

Milaha ndra tir muc misi kahana na, i naŋ. Yo a sa laha ndra ti ra ava ma. I njaham hiri le asi naŋ, a sa laha ndra ti ra ava ma.