DANIYEL 5:7 - Bible en langue guiziga

⁷ Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»

DANIYEL 5:7 ပူးပေါင်းရင်းမြစ်များ

ZLI VIRZI 41:8

Put ngi miprik naŋ na, buy madiɗa ngi Ezipte ara lik, a zilo misi ketelehey ati misi sinmijileŋ ngi Ezipteheye pay. A slufa taŋ ɓi ngi musuwun naŋ. Amma ko mbur pal mimbiɗa mbiɗeˀvra naŋ gu da buy madiɗa ngi Ezipte anta.

ESTER 3:1

Neˀ a dirba ɓi tayna mucohom na, Hama na, buy Zerses a vulaŋ li ngi slra mimadiɗa haɗa. Haman i mangal ngi Hamedata, mbur Agak. Buy a tiri ti Hama na ɗongor, a cifaŋ i madiɗa ngi mizli madiɗa ngi slra naŋhay gar.

BI NGI ISRAYELEY 7:11

Amma buy Ezipte kwana, a zilo misi sinmijileŋhey ati misi keteleheye, joˀ misi ketele ngi hirwuy Ezipte tayna, a gam gwat misi purla ti ketele taŋ tuwa ya.

MIKUCUWULOY 1:9

Asi naŋ kaɓa i loppol mezle mutuwaɗ tuwaɗ a hirnga ɗike, yo i virzle muluwa le denjek asi ˀay ɗike.

DIMIS MIMEZLE 1:10

Kwala ɗik a pur fetek fetek tisi ngwic hirnga ɗik muslupa na, ˀay ɗike ndat ti virzle ɗikeye.

EZAYI 47:13

Ki giro le wãˀ ngi tiɓi mi ngi kutihey haɗa. Mizli mupura wurzlaŋhay a muŋ tayna, kiya muslo le gar na, ara ɓam ɓi ngi gwat masa gi. Na, anja mizli tayna vuna a bugoko vu, a soko, a luhukuw so ayɗi.

ZEREMI 50:35

Maslalam ara zuma hirwuy Babiloŋ, waɗ mizli ngir berne naŋ, ara zuma mizli madiɗa ngi slra naŋhay ati misi sinmijileŋ naŋhaya! I ya Bumbulvuŋ maɓi.

EZEKIYEL 16:11

I vuluw gwat ngi ɗiyavuhoy, ɓalaŋ kulaˀ kulaˀ avu haŋhay waɗ virzle law asi ˀaya.

DANIYEL 1:20

Da buy a cufuɗa taŋ le ar ɓi ngi sinmijileŋ, yo ar ɓi ngi lesl wanaka gar kwana, gawla tayna, a slaka wala naŋ, is kuruˀ, fineˀ misi cucukoy ati muɓula musuɗukoy misi asi ruwuy naŋ ma zum buyo anga.

DANIYEL 1:4

A wuzla ziri gawla taŋhay manja hereweɗ ko neˀ. Deŋ taŋ naŋ kuy, taŋ ti sinmijileŋ, a sinam haɗa, yo taŋ ti sin ngi gi gwata ma. Taŋ, a sa gam a hay ngi buy. A sa dubunaka taŋ mingiɓi ati toho gwat ngi mizli Babiloŋhoy.

DANIYEL 2:2

A ɓa mizli, a zilakaŋ misi cucukoy, muɓula musuɗukoy, mupura kulihey ati Babiloŋhoy, ɓa a mbiɗakaŋ ɓi ngi musuwun naŋ na. A soko joa ciki buyo.

DANIYEL 2:27

Daniyel a mbiɗa da buyo: «Gwat ka masla wala naŋ ta hana na, misi sinmijileŋhey, muɓula musuɗukoy, misi cucukoy, malla mipi daˀasaya, ko pal maɓuw di, yo manjukuw ɓi naŋ gu anta.

DANIYEL 2:48

A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 2:6

Yo da ki njikikiy di le, ki ɓikiy mbiɗeˀvra naŋ le na, i sa vulukum gwat ngatarahay, i sa vulukum madiɗa waɗ i sa ɗuvukum hirnga haɗa. Njikikiy musuwun ɗu, yo ɓikiy mbiɗeˀvra naŋ.»

DANIYEL 4:14

Gwat nah a cuh kahana, asi i mbur miɗeŋ ɗeŋ hiri ɓi micica ɓi naŋ. Ɓi nah a cuh kahana, asi i modro ngi Buymisemuŋ Mimadiɗa wãˀ miɓa ɓi naŋ, ɓa mizli misi ti siifahay a sinaka, Buymisemuŋ Mimadiɗa wãˀa, i madiɗa ar zumabuy ngi mizli titiraˀahaya, a vula zuma buyo da mbur naŋ muwuɗ le gar, yo mbur mihina hirnga miwãˀ ngi si mizli, a slikiɗaŋ.›

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:15

Wureˀ ani aka, a sikiy ti misi sinmijileŋhey ati muɓula musuɗukoy ɓa a slufaka gwat mutoho hana, waɗ a ɓikiy mbiɗeˀvra naŋ. Amma ko a ɓikiy di gu ta.

DANIYEL 5:16

Na yi cin na, ki ɓa mbiɗeˀvra ngi gwataya, yo ki ɗiya ɓi mutuwaˀhaya gu. Wurenna so na, gwat mutoho hana, da ki slufa le gu, ki ɓiy mbiɗeˀvra naŋ le gu na, a sa kukuw zana hirnga, a sa luwukuw virzle ngi ɓiri tapasl tapasl asi ˀaya, joˀ kisa cifi madiɗa migi slra ngi buy ar zumabuy ɗu.»

DANIYEL 5:29

Akẽh na, Baltazar a ɓa mizli, a kaka zana hirnga da Daniyele, a luwakaŋ virzle ngi ɓiri tapasl tapasl asi ˀaya, yo a ɓa taŋ ɓa a tilam mi ti ɓi ngi Daniyel masa cifi madiɗa migi slra ar zuma buyo.

SLUFA VU 22:17

Asi i sa ɗuvuw hirnga haɗi, gwat ka mucufuɗiy le gar na, i sa guw di! Kulo widi ɗu, yo nisa mizli tayna.»

SLUFA VU 22:7

Mizli micawwa ngi Moˀapay ati Madiyanaya, gwat ngi vul da Balaˀam mbur mupura daˀasa, a rakaŋ di ngi hay a haŋ. Dar a slufakaŋ ɓi ngi buy Balak tuwa.

SLUFA VU 24:11

Da kine na, cuh, mi nga hirwuy ɗiki. Yi ɓi zleˀe, i sa ɗuvuw hirnga, amma Bumbulvuŋ a tukuw di le!»

SAMUYEL MUDUMBUŊ NAŊ 17:25

Mizli Israyeley, a ɓam: «Ki puraka mbur mubo ngi diga na le ya? A bo na, ɓa ngi pa mesem da Israyel so. Da mbur mikiɗa le na, ɓa buy a sa vulaŋ zlili haɗa. Buy a sa vulaŋ zuŋ naŋ, yo hay ngi cine naŋ a sa lum gi mezle angi hirwuy Israyele.»