DANIYEL 5:29 - Bible en langue guiziga

²⁹ Akẽh na, Baltazar a ɓa mizli, a kaka zana hirnga da Daniyele, a luwakaŋ virzle ngi ɓiri tapasl tapasl asi ˀaya, yo a ɓa taŋ ɓa a tilam mi ti ɓi ngi Daniyel masa cifi madiɗa migi slra ar zuma buyo.

DANIYEL 5:29 ပူးပေါင်းရင်းမြစ်များ

ZLI VIRZI 41:42

Buy madiɗa ngi Ezipte a cuko dangwa ngi vu muzuŋ haŋ naŋ, a ca da muzuŋ haŋ ngi Zozef. A kaŋ zana ngi slimiɗ, a luwaŋ virzle ngi ɓiri tapasl tapasl.

ESTER 10:3

Naŋ kanah, mbak buy Zersese le na, mbur mucuw naŋ angi zuma buyo i Mardoke. Vendeke ngi sukum naŋ Yudeheye, a ɗuvakaŋ hirnga, a wuɗakaŋ haɗa. Naŋ kwana, ara gi slra vur jam ngi mizli naŋhaya, yo ara cik vu, anja ɓa muy naŋhay a cifam zuy zuy.

MIKUCUWULOY 1:9

Asi naŋ kaɓa i loppol mezle mutuwaɗ tuwaɗ a hirnga ɗike, yo i virzle muluwa le denjek asi ˀay ɗike.

DANIYEL 2:48

A dirba nah, buy a ga ɗongor da Daniyele, a vulaŋ gwat madiɗahay haɗi ngataraŋ, a vulaŋ hirwuy vay buy miwi li miwa a Babiloŋ gar, waɗ a tiri di madiɗa ngi misi sin mijileŋ ngi Babiloŋhoy gar.

DANIYEL 5:16

Na yi cin na, ki ɓa mbiɗeˀvra ngi gwataya, yo ki ɗiya ɓi mutuwaˀhaya gu. Wurenna so na, gwat mutoho hana, da ki slufa le gu, ki ɓiy mbiɗeˀvra naŋ le gu na, a sa kukuw zana hirnga, a sa luwukuw virzle ngi ɓiri tapasl tapasl asi ˀaya, joˀ kisa cifi madiɗa migi slra ngi buy ar zumabuy ɗu.»

DANIYEL 5:7

Dar buy a widi ti gidaŋ, a ɓi ɓa muɓula musuɗukoy, mupura kulihey ati mupura wurzlaŋhay a soko. A ɓa mizli misi sinmijileŋ ngi Babiloŋ tayna: «Ko wa gar muslufa gwat mutoho hana le, yo a njika mbiɗeˀvra naŋ le na, a sa kakaŋ zana hirnga, a sa luwakaŋ virzle ngi ɓiri tapasl tapasl asi ˀaya, yo naŋ vuna, a sa cifi madiɗa migi slra ar zuma buyo.»

DANIYEL 6:2

Dariyus a wuluk ɓa a ci madiɗa ngi mizli micawwahay skat ti kukur cuw, ɓa a tislaka li zuma buyo tisl wãˀ.