DANIYEL 5:28 - Bible en langue guiziga

²⁸ PERES a mbiɗiavra ‹Muwuɗuka le.› Zuma buy ɗike, i muwuɗka le, a vulaka cah da Medihey, cah numuŋ kwana, da Persehey.»

DANIYEL 5:28 ပူးပေါင်းရင်းမြစ်များ

ƁI NGI HINEY MUCUW NAŊ 36:23

«Sirus, buy Perse a ɓi na: zumabuy ngi si ruwuyoy gar na, Bumbulvuŋ, Buymuŋ, a vuliy taŋ le, yo naŋ vuna ti haŋ naŋ, a puliy jiviɗ le ɓa i ndiraŋ hay a Zeruzalem, walahay Zuda. Mbur a wuzla kumo muso ti wuzla mizli naŋhay ti wuzla mizli naŋhay gar na, i mizilahay le ɓa a mam nga Zeruzalem. Anja Bumbulvuŋ Buymisemuŋ taŋ a ndir ati taŋ!»

EZAYI 13:17

Mizli Medihey mahĩyãka ɓiri bara ta, yo ko da a vulaka taŋ ɓiri tapasl tapasl kwana, t'anta wuɗam ta, i sa pa taŋ mi ɓa ara kiɗaka taŋ.

EZAYI 21:2

I pur gwat ti kleŋ, gwat magi zluwun ani. Muvula mbur mavul cil naŋ ngi ji, mihirya gwat, mahiryi gwat. Buymisemuŋ a ɓi na: «Elamay, zlaka kiɗa vu! Medey, ndahaka walahaya! I sa kiɗa mi ngi huhumo vu walahay nah wãˀa.»

EZAYI 47:11

Mendere ara ndilawa ani ng'ar ka, k'anta sa si na sumuɗ a mbuŋ naŋ ta. Ɓi madiɗa a sa lumuw, k'anta sa ɗum ava gu ta. Naŋ kanah, mendere madiɗa a sa ndiluw gurjik, mendere misi ɓi nah a suw keŋ ɗaˀ ta.

ZEREMI 25:13

Hirwuy hana, ɓihey ya muslufa taŋ ati ɓi mutoho taŋ ar ɗerewol hana gar vurˀe na, i sa ga taŋ. I ɓi Zeremi minjika a hirnga sukwi ngi mizli tayna gar tuwa.

ZEREMI 51:28

Ɓaka sukwi ngi mizli a juwam vu ngi gi vurum mipal ati naŋ: buy Medihey ati mijingaˀ ngi buy miwi li taŋhay, buy miwi li taŋhay cek waɗ hirwuy taŋ miwaka miwaka gar.

DANIYEL 2:32

Hirnga naŋ, i mipa ti ɓiri tapasl tapasl pal naŋ, didak ati hirbazla, i mipa taŋ ti ɓiri bara, kwacay ati tuwalaya, i mipa taŋ ti ɓiri gaza,

DANIYEL 2:39

A dirba ɗike, zumabuy mekelem a sa bawa, a ndila ngi ɗike ta. A dirba nah mana, zumabuy mekelem ma, mimakir naŋ, i mipa ti ɓiri gaza. Naŋ a sa wa hirwuyo kurzluˀ wãˀ.

DANIYEL 6:28

A cuko mburo tir bonoyo, yo a lahaŋ, a gi gwat mabigi gwat ati gwat migam ɗaˀ tahay a muŋ waɗ a ruwuyo, ani a laha Daniyele le tivi mi ngi moboroyo.»

DANIYEL 6:8

Mizli madiɗa ngi slrahay gar ar zuma buyo, mizli micawwahay, miji kaway, mukuti vuhoy, waɗ miwi lihey gar a gam kus madiɗa, ɓa buy a cici ɓi ar zuma buyo, yo ɓa a ɗuv ɓi ngi tika gwatay, mitikahay, kaɓa ani: ar hin kukur makir na, ko wa gar midir dibiɗ le da kuli, malla da mbur, mbak ka buyo le na, a sa hizigakaŋ ng'ar butum ngi moboroy.

DANIYEL 8:20

Zlengerek misi durum cuw ka mupura na, i buy ngi Medi ati ngi Persehey.

DANIYEL 9:1

Dariyus mangal ngi Zerses, muy ngi Medihey, micifi buy ngi ruwuy Babiloŋ na, ara zum buy ngi vi mudumbuŋ naŋ.

SLRA 2:9

Mizli mekelemey a wuzla ndra aka, a soko baɗ a Parte, Medi, Elami, Mezopotami, Yude, Kapadosi. Yo mekelemeye baɗ a Poŋ, a Azi,