DANIYEL 5:23 - Bible en langue guiziga

²³ Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.

DANIYEL 5:23 ပူးပေါင်းရင်းမြစ်များ

ZLI VIRZI 14:19

Dar a ɗuwula mi da Abrama: «I ɗuwuluw mi ti slimiɗ ngi Buymisemuŋ Mimadiɗa, miga muŋ ati hirwuyo.

ZLI VIRZI 2:7

Bumbulvuŋ, Buymisemuŋ a hil murɓuk ngi ruwuy, a ndir di mbur titra, dar a ˀufoŋ musuwun ngi siifa nga hutuŋ, joˀ mbur tuwa, a tiri naŋ ti siifa.

BUYOY MUCUW NAŊ 14:10

Ki kiɗa Edomoyo le, ki tika taŋ ˀay le gwaɗ naŋ, ki ra jijih a mevel ɗike, naŋ kanah gisiŋ so. Vula dudok da hirnga ɗike, ka cifi a hay ɗiki? Na, ka mawuɗ ki zli vurum mukuyta wãˀ avu ka, ɓa Zudahaya jom ati ka, ki ngizlam kuɗup wãˀ na, vur mike?

Ɗerewol JOP 12:10

Musuɗuk ngi gwat misi titiri gar na, naŋ asi haŋ naŋ, siifa ngi mbur titira gar na, naŋ asi haŋ naŋ.

Ɗerewol JOP 31:4

Buymisemuŋ vuna, naŋ anta pura joˀ ɗu takwa? Yo ya maɗuva sar taˀ taˀ gar na, naŋ anta slufa ta kwa?

DIMISEY 104:29

Amma da ka muɗumo mihiri ɗike le na, a ndilam ɓaˀ ɓaˀ ti zluwuno, da ka misla taŋ musuwuno le na, a micam, a tiram murɓuk a muŋ.

DIMISEY 115:16

Muŋ, naŋ da Bumbulvuŋ pal naŋ, amma a vula ruwuyo le da mizli.

DIMISEY 139:3

Liˀi ɗu ati hin ɗu kwana, ki ra singila taŋ, yo ki si na gwat ngi gi ɗu le gar.

DIMISEY 146:4

Da taŋ mumicam le na, a tiram murɓuk a muŋ, yo diga tapasa, a dikaka taŋ jom ati gwat taŋ muwulkaka zleˀe ngi gi.

MIKUCUWULOY 20:24

Mbur maru ti gi manja zluwun na, mbele Bumbulvuŋ, na so na, mbur a sla wala ngi jiviɗ naŋ mazuɓa gu kwa?

EZAYI 13:11

Bumbulvuŋ a ɓi: «I sa kuta mizli ti bonoy vur moˀore taŋ na. Miziriɗamiheye, vur mungra taŋ madiɗahay, mukuwahaya, huhumo vu taŋ na, i sa kiɗa mi naŋ, mihirsa vuhoyo, gi gwat taŋ misi ti gidaŋ na, i sa ga ɓa a kiɗi.

EZAYI 14:13

Ki ɓi zleˀe: «I sa jiɗ sesẽŋ a muŋ, janga ɗu ngi buyo, i sa ɗuva njuroŋ a hirnga wurzlaŋ ngi Buymisemuŋhoy. I sa cifi a hirnga muwã ngi mizli ngi muŋhoy makusom a diga, ar li vay muŋ mira kiɗo mi ndoko.

EZAYI 2:12

Asi Bumbulvuŋ, i misi gidaŋ wãˀa, hin naŋ ada pal, ti hin nah na, mizli mapuraka vu taŋ kaɓa taŋ gidaŋ, taŋ fineˀ mizli na, a sa ga taŋ kiita, ɓa a vuso taŋ, ɓa a mataŋ nga ruwuy.

EZAYI 33:10

Bumbulvuŋ a ɓi: «Wurenna, i sa slikiɗi, wurenna, i sa cici deŋ ti deŋ, wurenna, i sa biga dudok ɗu.

EZAYI 37:19

A zlizliraka kuli taŋhaya le ar vu. Na zle, kuli tayna vuna i ka Buymisemuŋ zleˀe ta si. I gwatay mizli miɗiyaka taŋ ti ɗiyi, i dumoy ati ɗuguroy. Dar buy Asirihey mizlizliraka taŋ ar vu.

EZAYI 37:23

Ka mizi na i waka? Ka miɓi ɓi malambaˀ na, ar waka? Ka mubuc na, i waka? Yo ka mupur hiris le na, i waka? I ya Bumbulvuŋ mipal kine ngi Israyel na takwa?

EZAYI 42:5

Bumbulvuŋ, Buymisemuŋ, miga muŋ i naŋ, yo minjira bilirre, i naŋ, miga hirwuy ati gwat mikaˀ kaˀ ngi raˀahay gar i naŋ, muvula siifa da mizli ngi raˀahay i naŋ, yo muvula musuwun da gwatay malaˀam a ruwuy gar i naŋ.

ZEREMI 10:23

Aw Bumbulvuŋ ɗu, i si na le, mburo, jiviɗ naŋ mira zuɓa na, naŋ i buy naŋ ta, mbur mazuɓ mulaka, sar naŋ maɗuva taˀ taˀ na, i naŋ ti haŋ naŋ ta.

ZEREMI 48:26

Moˀap mawa vu naŋ fineˀ Bumbulvuŋ na, wakaŋ duwlak ti mbaazla. Puraka ara kiɗ vu ti vunuh naŋ na. A ndir ɓa mizli a singiram angi naŋ ya!

ZEREMI 50:28

Cinam ɗi! I mizli makilam, i mizli mulohoko ti ruwuy Babiloŋ, a soko nga tila mi a Siyoŋ, ti labara ngi pula cuwal ngi Bumbulvuŋ Buymisemuŋ ndra, pula cuwal ngi hay naŋ.

ZEREMI 50:29

Mizli misi haŋ taŋ a ngi a ruwuy ta gar, yo misina hila lekey le gar na, zilaka taŋ ɓa ara lumaka Babiloŋ. Pam walahay guɗukoy gun hirnga naŋ, anja ko mbur a lih pal ta! Makaŋ ti malambaˀ naŋ miga na ya, gakaŋ gwat ngi kwacay mombroŋ, kaɓa naŋ miga da mizli na ya. Asi a pura vu naŋ zleˀe kaɓa naŋ fineˀ Bumbulvuŋ, kaɓa naŋ fineˀ Buymisemuŋ mipal ngi Israyele.

EZEKIYEL 28:17

Kuy ɗik tuwa, a guw a mevele, hã ki njur vu zlokokoko, ki hirya sin ɗik mijileŋ le, ti kuy ɗik mihaɗa haɗa tuwa. I hiziguɗuw nga ruwuy, i puluw mbak da buyoy a purukuw.

EZEKIYEL 28:2

«Ka mburu, ɓa buy Tire na: Ya Bumbulvuŋ, Buymisemuŋ i ɓi na: Ki njur vu njor njor, joˀ ki ɓi: ‹Yi kuli. I cifi le ar janga ngi buy ngi kulihey a wuzla mubuliy!› Ki pura vu ɗike kaɓa ki Buymisemuŋ. Amma na, ka ki mbur titraŋ, ki kuli vuna ta ngbaŋ.

EZEKIYEL 28:5

Ka misi ti sinmijileŋ, ka misina gi terere haɗa na, Ki ska zlili ɗike le haɗa. Dar ki huhum vu ti zlili ɗik tuwa.

EZEKIYEL 31:10

Vurˀe, Ya Bumbulvuŋ, Buymisemuŋ i ɓi na: Miter a gil le suyom haɗa. Hirnga naŋ a gil ɗiw ɗiw nga wuzla gazlavay. Naŋ migil haɗa tuwa na, a hiziga jijih.

DANIYEL 11:12

Buy vay ruwuyo naŋ mulum bugawla ar zigiduw na, a huhum vu. A kiɗ sojehey durmuk mbeˀ mbeˀ, amma ko a lum bugawla vurˀe ta na si.

DANIYEL 8:11

A cici zlak ngi kiɗa vu ko ati yarma ngi vurum ngi muŋhoy vuna, a tika mikuli magakaŋ di vur hin gara, a waha si virzi ngi hay ngi Buymisemuŋ.

HABAKUK 2:4

Pura, n'ani zlokoko ti huhumo vu naŋ na a diga, a si na gi gwat ti mevel purla ta, amma mbur mijeŋŋe, a ndir ti siifa mbele gi teŋteŋ naŋ.

SLRA 17:25

yo slra naŋ kwana, anta wuɗ i mbur titra magaŋ di, kaɓa naŋ da ti may ngi gwat ta, asi i naŋ mavula siifa da mizli gar, yo i naŋ mavula musuwun ati gwat mekelemey gar.

KORENTIHEY MUDUMBUŊ 8:4

Ani so na, useˀ magam di kuli na, a zumaka zuy sukwa mbrike? I sinaka le, kuli i gwat mupuɗaw ar duniya ta, yo Buymisemuŋ naŋ purla si, ko mekelem anta.

TIMOTE MUDUMBUŊ NAŊ 3:6

Anja i mbur mici wureˀ ar jiviɗ ngi Kristu ta. Da kanah na, naɓa huhumvu a sa baŋ sar, Buymisemuŋ a sa gaŋ kiita kaɓa ngi Satan.

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

ƁIMUNJUYO 9:20

Amma mizli mindiramay, bonoy mikiɗa taŋ vagay vagay ta gar na, t'anta zilam marava asi malambaˀ, taŋ migaka ti haŋ taŋ na ta ma. A ra dilkam a mbuŋ milyamay, kuli mipa ti ɓiri tapasl tapasl malla ti ɓiri bara, ti ɓiri gaza, ti ɗugur, malla miciɗa ti ciɗ na si. Gwat tayna, anta puram ta, anta cinam ta, yo anta ram ta ma.

MIGI KIITAHAY 16:23

Ti di numuŋ ada na, buy Filistihey a cikilam, ɓa a gam mikuli da kuli taŋ Dagoŋ waɗ a gam muguzlum asi taŋ mulumam bugawla na. A zlaka dimise na: «Kuli ndra a vula ndra Samsoŋ mesene ndra le asi haŋ ndra»

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.