DANIYEL 5:22 - Bible en langue guiziga

²² Naka, mangal naŋ Baltazara, ki si na gwat tayna le gar ngbaŋ, ko ki hin hirnga ta na si.

DANIYEL 5:22 ပူးပေါင်းရင်းမြစ်များ

ƁI NGI HINEY MUCUW NAŊ 33:23

Amma naŋ a hin hirnga a mbuŋ Bumbulvuŋ kaɓa cine naŋ Manase mihin na ta. Amoŋ a gi mungra fineˀ ngi cine ma jaka.

ƁI NGI HINEY MUCUW NAŊ 36:12

A gi gwat malambaˀ a mihiri ngi Bumbulvuŋ Buymisemuŋ naŋ. Mijiviɗ Zeremi maɓaŋ kaɓa Bumbulvuŋ miɓaŋ di na, naŋ anta ngum hina hirnga a mbuŋ naŋ ta.

DIMISEY 119:46

Ko a mbuŋ buy madiɗahay kwana, i sa ɓa ɓi ngi ɓimuɗuva ɗike, manja mesem.

BI NGI ISRAYELEY 10:3

Moyis ati Aroŋ a cam ngi hay buy Ezipte, a ɓakaŋ: «Bumbulvuŋ Buymisemuŋ ngi Heberey a ɓi ani: ka mangum hina hirnga a mbuŋ ɗu ta na, hã ti vunaka? Pula mizli ɗuwoyo ɓa ara gikiy mikuli.

EZAYI 13:11

Bumbulvuŋ a ɓi: «I sa kuta mizli ti bonoy vur moˀore taŋ na. Miziriɗamiheye, vur mungra taŋ madiɗahay, mukuwahaya, huhumo vu taŋ na, i sa kiɗa mi naŋ, mihirsa vuhoyo, gi gwat taŋ misi ti gidaŋ na, i sa ga ɓa a kiɗi.

EZAYI 14:13

Ki ɓi zleˀe: «I sa jiɗ sesẽŋ a muŋ, janga ɗu ngi buyo, i sa ɗuva njuroŋ a hirnga wurzlaŋ ngi Buymisemuŋhoy. I sa cifi a hirnga muwã ngi mizli ngi muŋhoy makusom a diga, ar li vay muŋ mira kiɗo mi ndoko.

EZAYI 26:10

Amma da ara pram ircece da mbur misi moˀore na, naŋ anta sa dubuna gi jeŋŋe ta. Angi ruwuy magam gwat mikaslsla kwana, naŋ a sa gi di i malambaˀ na si, yo naŋ anta pura dudok ngi ɗik, ka Bumbulvuŋ ta.

DANIYEL 5:18

Kumani! Buymisemuŋ mifineˀ gwat gara, a vula zumabuy, madiɗa, dudok waɗ buy le da cine ɗik Nabukodonozoro zleˀe.

Matiye 14:4

Asi Zaŋ a ɓa Herodo zleˀe: «Ɓa ki zuɓa Herodiyad, ki tiri di ngwas ɗik na, a gi ta.»

Matiye 21:32

Asi mike na, Zaŋ a so avu kumo, a bugukum jiviɗ mijeŋŋe na, ki tiɓaka ɓi naŋ ta, amma i micikila buutuhoy ati ngwas sulomehey mitiɓaka ɓi naŋ jaka. Ko ti kum mupuraka kanah kwana, ki mbiɗaka mevel kumo ɓa ki tiɓaka ɓi naŋ ta na si.

Ɓimezle ngi Yesu Kristu LUK mitil di mi 12:47

Gawla misina gwat ngi buy naŋ mawuɗo le, amma a cici gak ngi ga gwat buy naŋ mawuɗo ta na, a sa mbakaŋ ti kiɗ.

Ɓimezle ngi Yesu Kristu ZAŊ mitil di mi 13:17

Da ki sinaka hana le, yo da ki ra gaka so na, kisa mumulom!

Ɗerewol ZAK 4:17

Mbur misina gi mezle le, amma da naŋ anta ga ta na, a gi di i mungra.

Ɗerewol ZAK 4:6

Amma Buymisemuŋ ara ga ndra mezle haɗa ava ma jaka. Vurˀe, Ɓimutoho a ɓi na: «Buymisemuŋ a sli himaˀ avu mizli muhuhumvuhoyo, amma a ga mezle da mizli mahinam hirngahaya.»