DANIYEL 5:20 - Bible en langue guiziga

²⁰ Joˀ a huhum, hirnga naŋ a tiri gidaŋ haɗa. Dar a putukusokoŋ tir janga naŋ ngi buyo, a tiɓaka dudok naŋ.

DANIYEL 5:20 ပူးပေါင်းရင်းမြစ်များ

BUYOY MUCUW NAŊ 17:14

Amma taŋ a ngumam cine nah ta. A tiram ti hirnga taŋ gidaŋ kaɓa dideˀ taŋhay mitiram ti hirnga taŋ gidaŋ, yo taŋ mungumam tiɓa Bumbulvuŋ Buymisemuŋ, taŋ ta na ya.

ƁI NGI HINEY MUCUW NAŊ 32:25

Amma Ezekiyas a si na gi mezle ngi Buymisemuŋ na ta, naŋ mahuhum vu a mevele tuwa na, Buymisemuŋ a slikiɗ himaˀ ar naŋ, ar Zudahay waɗ ar Zeruzalemeye.

ƁI NGI HINEY MUCUW NAŊ 36:13

Nabukodonozor muhudumoŋ ti slimiɗ ngi Bumbulvuŋ tuwa ma na, a sli himaˀ, hirnga gidaŋ, mbak mo ng'avu Bumbulvuŋ Buymisemuŋ ngi Israyele jak ma.

BI NGI ISRAYELEY 18:11

Wurenna, i si na le muduba, Bumbulvuŋ naŋ madiɗa fineˀ kuliheye, a biga ti Eziptehey maguzuvuraka Israyeley.»

BI NGI ISRAYELEY 9:17

Ki ra hurdum ngi tika mizli ɗuwoy ɓa a ram ta.

BI NGI ISRAYELEY 9:7

Buy Ezipte a slin ɓa ara puraka: ko a lumam ginew mumuca pal asi ngi Israyeleye ta! Amma buy Ezipte a cici kaŋ kaŋ ɓula si, a pula taŋ a ram ta na si.

MIKUCUWULOY 16:18

Maru ti mbur nga zizi na, i huhumo vu, mahizigiɗa mburo, i hirsa vu.

MIKUCUWULOY 16:5

Mbur muhuhumo vu gar na, a ga Bumbulvuŋ kuyta wãˀ, ar kiɗa mi naŋ na, anta sa ndir manja a gakaŋ kiita ta.

EZAYI 47:1

Walahay Babiloŋ, ya Buymisemuŋ i ɓuw na: «Pi sar tir janga ɗik ngi buyo, cifi a ruwuy. Walahay ngi Babiloŋhoy, cifi ndirɗaɗ a ruwuy, janga ɗik ngi buy anta. Taŋ mahunumukuw ‹Babiloŋ walahay mezle ngi cira hiri› zleˀe na, anta sa zilukuw kanah mata.

ZEREMI 13:18

Buy ati ngwas naŋ maˀãya, ɓa taŋ na: «Wurenna cifam a ruwuy! Asi loppol kum mezle na, a puk le avra ti hirnga kumo!

ZEREMI 19:15

«Bumbulvuŋ misi gidaŋ wãˀ, Buymisemuŋ ngi Israyele, a ɓi na: Bonoy ngi gihey mimbizeˀ mbizeˀ a kwacay ɗu gar na, i sa ga taŋ angi walahay hana, asi a gaka hirnga taŋ gidaŋ, yo a ngumam cine mingiɓi ɗu ta.

ZEREMI 48:18

Mizli Diboŋhoy, poko sar tir dudok kum na, cifam ar madalyam, mihirya Moˀapa, ara ru nga zlukum ngi kiɗa vu, ara waha mohol ngi walahay mugun hirnga ɗike.

EZEKIYEL 30:6

Ya Bumbulvuŋ i ɓi na: Mijini hirwuy Eziptehey gar na, a sa ndilam, yo gidaŋ naŋ mahuhum di vu na, a sa mi a ruwuy. Maslalam a sa zuma taŋ, zle a Mikdol, sesẽŋ a Asuwaŋ. I ya Bumbulvuŋ, Buymisemuŋ maɓi.

EZEKIYEL 31:10

Vurˀe, Ya Bumbulvuŋ, Buymisemuŋ i ɓi na: Miter a gil le suyom haɗa. Hirnga naŋ a gil ɗiw ɗiw nga wuzla gazlavay. Naŋ migil haɗa tuwa na, a hiziga jijih.

DANIYEL 11:36

Buy a sa gi kaɓa naŋ mawuɗo. A sa zluzluɓ, a njur njor njor fineˀ kulihey gar. A sa ɓi ɓi malamɓaˀ a hirnga Buymisemuŋ mufuna kuliheye. A sa lum bugawla, hã himaˀ ngi Buymisemuŋ a gi. Asi gwat Buymisemuŋ ɓi micica ɓi naŋ na, a sa gi muduba.

DANIYEL 4:26

Naŋ kine, vi pal a dirba nah na, Nabukodonozor ara liˀi ar gbale ngi mugum nga naŋ buy a Babiloŋ.

DANIYEL 4:28

Buy a tika mingiɓi t'aruŋ si na, ˀay a bo kaˀ ti muŋ, a ɓi: «Aw buy Nabukodonozor ɗu, a ɓukuw a tiɓaka zuma buyo le avu ka.

DANIYEL 8:8

Bazuway ara gil kuy kuy. Amma naŋ minaha vu so na, durum naŋ madiɗa tuwa a ngil, mekelemey yor mufaɗ, a boko ar li naŋ, pulaˀ pulaˀ ng'asi diˀis mumufaɗaya.

Ɓimezle ngi Yesu Kristu LUK mitil di mi 18:14

Yi ɓukum na: Mbur nah mimi ngi hay naŋ na, naŋ jeŋŋe, amma mbur Farisa, kanah ta. Mbur gar maɗuva hirnga da vu naŋ na, a sa mam di nga ruwuy. Mbur gar mama vu naŋ nga ruwuy na, a sa gilakaŋ nga mbuŋ.»

HEBEREY 3:13

Da ara ɓaka ɓi ngi «dana» hana aruŋ na, vulam gidaŋ ar wala kumo hin gar, ɓa ko wa gar ar wala kumo, anja mungra a gaŋ gilaw ɓa a tiri ti hirnga naŋ gidaŋ ta.

SAMUYEL MUDUMBUŊ NAŊ 6:6

Buy madiɗa ngi Ezipte ati Eziptehey zleˀe a cifam le hirnga gidaŋ, ki gam ka taŋ vur mike? Kum ada wulkaka ya, Buymisemuŋ a ga taŋ bonoy, ɓa hã a sa pulaka jiviɗ da Israyeley a cohom.