DANIYEL 5:2 - Bible en langue guiziga

² Ti naŋ masi mbaazla tuwa na, a ɓa mizli ɓa a sakaŋ ti gazlanga ngi ɓiri tapasl tapasl ati ngi ɓiri bara, cine naŋ Nabukodonozor mihilo taŋ ar hay ngi Bumbulvuŋ a Zeruzalem na. Buy ati mizli hirnga naŋhay waɗ mangasl naŋhay ati ngwas migi slra naŋhay a sa sam taŋ mbaazla.

DANIYEL 5:2 ပူးပေါင်းရင်းမြစ်များ

SAMUYEL MUCUW NAŊ 9:7

Davit a ɓaŋ: «Ki zluwun ko neˀ ta. I wuɗ ɓa i guw mezleŋ tisi bunuk Zonataŋ. Guva ngi dideˀ ɗik Sawul gar na, yi sa muw taŋ ceke, yo ka ti hirnga ɗike, hin gar na, i sa zumam ɗaf ar sikiɗ purla.»

BUYOY MUCUW NAŊ 24:13

Zlili ngir hay ngi Bumbulvuŋ ati zlili ngi hay buyo Nabukodonozor a hila gar. Yo gazlanga ngi ɓiri tapasl tapaslay misi ar hay ngi Bumbulvuŋ, Salomoŋ, buy Israyel muvuɗa taŋ zleˀe na, a nguɓuco taŋ gar nguɓoc nguɓoc. Hana gar a gi na kaɓa Buymisemuŋ miɓa zleˀe.

BUYOY MUCUW NAŊ 25:15

Madiɗa ngi soje mijigina lihey a hila gojogoɗ ngi wura urdihey ati taasa ngi tiɓi pumbus ngi pusloyo na zle gwat muvuɗa taŋ ti ɓiri tapasl tapasl ati misi ti ɓiri gazahay gar si.

ƁI NGI HINEY MUCUW NAŊ 11:20

A dirba nah na, Roboˀam, a zuɓ Maˀaka, zuŋ ngi Absalom, Maˀaka a yaŋ Abiya, Atay, Ziza waɗ Selomit.

ƁI NGI HINEY MUCUW NAŊ 15:16

Maˀaka, dideˀ mongoso ngi Asa, slimiɗ naŋ ‹Maˀay Madiɗa› na, Asa a muɗaŋ di avra, asi Maˀaka a ɗiyi deŋ ngi kuli ngwas mukuyta wãˀ mazilaka Asera. Asa a ɓa mizli, a ngurfoko kuli mukuy ta nah, ara zlizliraka ar hurjijiŋ Sedroŋ.

ƁI NGI HINEY MUCUW NAŊ 36:10

Ar zli virzi ngi mohor na, Nabukodonozor a slino mizli ɓa a jaka Zoˀakiŋ, ɓa a ram di nga Babiloŋ waɗ gwat mupuɗaw puɗaway ngir hay ngi Bumbulvuŋ, dar a cifi buy Zuda ati Zeruzalem, i sukum naŋ Sedesiyas.

ƁI NGI HINEY MUCUW NAŊ 36:18

A hila gwat ngir hay ngi Buymisemuŋhoyo cek, gwat madiɗahay ati memeɗehey, zlili ngir ngi hay Buymisemuŋ, zlili ngi buy, ngi gawla naŋhay, a cuh taŋ cek nga Babiloŋ.

ESDRAS 5:14

Yo ma na, gwat ngi ɓiri tapasl tapasl ati ngi ɓiri gazahay ada zleˀe ar hay ngi Buymisemuŋ a Zeruzaleme. Nabukodonozor a hila taŋ, ara pa taŋ ar hay ngi kuli a Babiloŋ. Dar buy Sirus a hila taŋ tir hay ngi kuli tuwa, a vula taŋ da mbur mazilaka Sesebasar, naŋ mucufaŋ i buy miwi li a Zuda.

ZEREMI 27:7

Sukwi ngi mizli ngi si ruwuyoy gar, a sa cinakaŋ mi, yo a sa cinaka mi da mangal naŋ waɗ da dideˀ naŋ, hã tapas hirwuy naŋ masa hin hirnga a mbuŋ sukwi ngi mizli haɗa waɗ a mbuŋ buy migidaŋhay.

ZEREMI 50:35

Maslalam ara zuma hirwuy Babiloŋ, waɗ mizli ngir berne naŋ, ara zuma mizli madiɗa ngi slra naŋhay ati misi sinmijileŋ naŋhaya! I ya Bumbulvuŋ maɓi.

ZEREMI 52:19

Yo kisahay, gandaf ngi urdihey, sikiɗ ngi kuca lihey, misirgaɗay, li ɗuva lampehey, kop ngi yamay waɗ ziri taasa ngi gi mezegweley, miga taŋ cek ti ɓiri tapasl tapasl ati ɓiri bara na, madiɗa ngi mijigina buyoy a hila taŋ le ma.

DANIYEL 1:2

Bumbulvuŋ a vula Zoˀakiŋ asi haŋ ngi Nabukodonozor. Joˀ Nabukodonozor a hil cah avu gazlanga ngir hay ngi Buymisemuŋ. A ji mizli ng'ar dangay ngi Babiloŋ, yo a pa gwat mitiɓa ar vurumo ng'ar hay ngi kuli naŋhay, ar hay ngi pi zlili.

DANIYEL 5:11

Ar zumabuy ɗike, mbur ada, sin ngi kuli mezlehey ada ar naŋ. Ti hin ngi cine ɗik mazum buy na, i puraka na, a sla wala ngi ɓi kwaŋ kwaŋ, naŋ ti slesle, yo naŋ ti sinmijileŋ kaɓa ngi kuli mezlehey. Cine ɗik Nabukodonozor a cufaŋ i madiɗa ngi muɓula musuɗukoy, ngi mupura kulihey, ngi misi cucukoy waɗ ngi mizli mupura wurzlaŋhay. Cine ɗik buy miga na, naŋ kanah.

DANIYEL 5:13

Dar a soko ti Daniyele nga mbuŋ buyo. Buy a zla a ɓaŋ: «Daniyel ngi wuzla mizli mijoko taŋ ti ruwuy Zuda, cine ɗu, buy muso di ti Zuda na, i ka gisiŋ kwa?

DANIYEL 5:18

Kumani! Buymisemuŋ mifineˀ gwat gara, a vula zumabuy, madiɗa, dudok waɗ buy le da cine ɗik Nabukodonozoro zleˀe.

DANIYEL 5:23

Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.

DANIYEL 5:3

Dar a soko ti gazlanga ngi ɓiri tapasl tapasl mihiloko taŋ ar hay ngi Bumbumvuŋ a Zeruzalem tuwa. Joˀ buy ati mizli hirnga naŋhay waɗ mangasl naŋhay ati ngwas migi slra naŋhaya, a sam taŋ mbaazla.

DANIYEL 5:30

Kalla ngi hiikuɗ naŋ vuna si na, a kiɗaka Baltazara Buy Babiloŋ vagay.

DANIYEL 5:4

A saka mbaazla, a hunumaka kuli taŋhay mipa taŋ ti ɓiri tapasl tapasl, ti ɓiri bara, ti ɓiri gaza, ti ɓiri ho gar, ngi dum waɗ ngi ɗuguroyo.

SLUFA VU 7:79

A so ti taasa mipitikayya ngi ɓiri bara, dudok naŋ, gram durmuk ti skat skat makir, zuŋ sikiɗ ngi ɓiri bara ngi kuca li, dudok naŋ gram skat skat tarnaˀ, a waka taŋ ti kilo mawam di gwat ar hay ngi Buymisemuŋ, sikiɗ ngi ɓiri mucuw tayna, taŋ mbaf mbaf ti hapa mufukuɗa ti mal, i ngi gi sedege.