DANIYEL 5:17 - Bible en langue guiziga

¹⁷ Dar Daniyel a mbiɗa da buyo: «Gwat ngatara ɗikey na, anja a ndiram da ka vuna a muŋ, yo madiɗaka mavuliy di na, vula taŋ da mizli mekelemey! Amma, gwat mutoho, yi sa slufuw di buy, ɓa ki si na mbiɗeˀvra naŋ.

DANIYEL 5:17 ပူးပေါင်းရင်းမြစ်များ

ZLI VIRZI 14:23

Hadam, y'anta zuɓ ko mi, a wuzla gwat ɗikeye ta, ko gugumay gizileh, ko zeweɗ ngi tarak tekeɗe, y'anta zuɓ ta. Vur ka masa ɓi: ‹I ga zlili le da Abrama.›

BUYOY MUCUW NAŊ 3:13

Mijiviɗ Elize a ɓa buy Israyele: «Mujumo ndra ati ka i mike? Zuwen aru nga cufuɗa ɓi avu mijiviɗ ngi bunukoy malla ngi munukoy.» Buy Israyel a mbiɗaŋ di: «Kay, kanah ta, ndra buyoy mimakir na, i Buymisemuŋ muso ti ndra ng'aka, ɓa a vula ndra asi haŋ ngi hirwuy Moˀap gisiŋ.»

BUYOY MUCUW NAŊ 5:16

Elize a mbiɗaŋ di: «Hadam ti slimiɗ ngi Buymisemuŋ misi ti siifa, ya ma gi slra naŋ na, y'anta tiɓi gwat ko neˀ ta!» Naˀaman a hurdum, anja ɓa a tiɓa, amma Elize a ngum ta.

BUYOY MUCUW NAŊ 5:26

Elize a mbiɗaŋ di: «Ti Gehazi mupo sar cak kutum tir mota ngi pilis naŋ ngi so ji ti ka hirnga na, ki wa na, ˀUf ɗu naŋ anta avu ka takwa? Gwatay misi anihĩ: ɓiri bara, zanahay, yi ngi tutumbur, yi ngi gudubun, tumuŋ ati slahay, beke mizile ati mongosohoy gar na, hana i hin ɓa ki tiɓa taŋ zleˀe kwa?

DIMISEY 119:46

Ko a mbuŋ buy madiɗahay kwana, i sa ɓa ɓi ngi ɓimuɗuva ɗike, manja mesem.

DANIYEL 2:6

Yo da ki njikikiy di le, ki ɓikiy mbiɗeˀvra naŋ le na, i sa vulukum gwat ngatarahay, i sa vulukum madiɗa waɗ i sa ɗuvukum hirnga haɗa. Njikikiy musuwun ɗu, yo ɓikiy mbiɗeˀvra naŋ.»

DANIYEL 5:29

Akẽh na, Baltazar a ɓa mizli, a kaka zana hirnga da Daniyele, a luwakaŋ virzle ngi ɓiri tapasl tapasl asi ˀaya, yo a ɓa taŋ ɓa a tilam mi ti ɓi ngi Daniyel masa cifi madiɗa migi slra ar zuma buyo.

SLRA 8:20

Amma Piyer a mbiɗaŋ di: «Ka ati dala ɗik vuna gar, zizam! Vur gwat ngi vul ngatara ngi Buymisemuŋ na, ki wa kaɓa ki hiɗika ti dala gu kwa?