DANIYEL 5:1 - Bible en langue guiziga

¹ Ngi pas numuŋ ada na, buy Baltazar a gi muguzlum madiɗa da mizli hirnga naŋhay durmuku. Naŋ vuna ara si mbaazla a wuzla taŋ ya.

DANIYEL 5:1 ပူးပေါင်းရင်းမြစ်များ

ZLI VIRZI 40:20

Dambalaka, hin mimakir tuwa na, i muguzlum ngi buy madiɗa ngi Ezipte micifi buy madiɗa. Adi ɗaf madiɗa da gawla naŋhay cek, a zilo madiɗa ngi migi gwat ngi sihey ati madiɗa ngi midi ɗafay nga mbuŋ taŋ.

ESTER 1:3

Angi vi mimakir naŋ angi zuma buyo na, Zerses a di ɗaf ngi muguzlum da mizli madiɗa ngi slra naŋhay ati gawla naŋhay gar. Soje ngi Persehey ati ngi Medihey cek cek waɗ mizli hirnga hirngahay ati buy miwi liheye gar, a soko nga mbuŋ naŋ.

EZAYI 22:12

Tapasa, Bumbulvuŋ Buymisemuŋ, misi gidaŋ wãˀa, a ɓukum ɓa ki tuwam, ki tuwam irslik irslik, ɓa ki hijaka hirngahaya, yo ɓa ki kam zana ngi vagayay.

EZAYI 22:14

Bumbulvuŋ misi gidaŋ wãˀ, a njikiy mingiɓi ani: «I ya Bumbulvuŋ Buymisemuŋ, misi gidaŋ wãˀ mahudum. Da ki micam t'aruŋ na, mungra kum hana, y'anta sa pulukum di ta ndiɗaˀ wãˀ.»

ZEREMI 50:35

Maslalam ara zuma hirwuy Babiloŋ, waɗ mizli ngir berne naŋ, ara zuma mizli madiɗa ngi slra naŋhay ati misi sinmijileŋ naŋhaya! I ya Bumbulvuŋ maɓi.

ZEREMI 51:39

May gwat ara ja taŋ, i da taŋ ɗaf ngi muguzlumo: i sa wa taŋ duwlak duwlak, a sa hinjam, hinje muɗokɗok wãˀ. Ko anta sa puɗukam mata. I ya Bumbulvuŋ maɓi.

ZEREMI 51:57

Mizli madiɗa ngi slra naŋhay ati misi sinmijileŋ jileŋ naŋhaya, mijingaˀ ngi buy miwi li naŋhay ati buy miwi li naŋhay, waɗ bugawla naŋhaya, i sa wa taŋ duwlak duwlak ti mbaazla. A sa hinjam hinje muɗokɗok wãˀ, t'anta sa puɗukam puɗuk le mata a zilikiy: I ya Buy madiɗa mazilikiy. Bumbulvuŋ misi gidaŋ wãˀ.

DANIYEL 5:30

Kalla ngi hiikuɗ naŋ vuna si na, a kiɗaka Baltazara Buy Babiloŋ vagay.

NAHUM 1:10

Asi taŋ slilah slilah kaɓa sisim, yo taŋ muwam wãˀ ti mbaazla tuwa na, a sa zlizliraka taŋ pay kaɓa giziŋ muˀulo.